HOSEA 11:8 - Lai (Hakha) Common Language Bible 2006

⁸ Zeitindah kan hlawt khawh lai, Efraim? Zeitindah kan thlah khawh lai, Israel? Admah ka rak hrawh bantuk khan kan hrawh lai maw? Zeboiim cung i ka rak tuah bantuk khan na cungah ka tuah lai maw? Ka tuah kho lai lo, ka chungah ka lung cu aa thleng cang i ka ngaihchiatnak cu a alh in a alh cang.

HOSEA 11:8 Խաչաձեւ Հղումներ

JEREMIAH 31:20

“Efraim, nangmah cu ka dawt bikmi fa na si. Na min ka chim fate, nangmah kha dawtnak in kan ruat tawn. Nangmah cu ka lung nih an ngai i na cungah zaangfahnak ka ngei lai,” tiah Bawipa nih a ti.

MATTHAI 23:37

“Maw Jerusalem, Jerusalem, Profet kha na rak thah hna i nangmah sinah Pathian nih a run thlahmi lamkaltu hna kha lung in na rak den hna. Arpi nih a fale cu a thla tangah a huh hna bantukin na fale cu voi zeizat dik ka kut in huh ka timh hna i an duh lo.

HOSEA 6:4

Maw Efraim, zeitindah kan tuah lai? Maw Judah zeitindah kan tuah lai? Na dawtnak hi zinglei minmei bantuk, a ṭian zaumi dap bantuk ceo a si.

DEUTERONOMI 32:36

Zeitintiah, an ṭhawnnak kha a loh cang i Khihmi siseh, a luatmi siseh, Pakhat hmanh an tang ti lo ti kha Bawipa nih a hmuh tikah, A mi cu thiam a coter hna lai i A sal hna cungah zaangfahnak a ngei lai.

DEUTERONOMI 29:23

cu hremnak cu, ram cu a dihlak in kat le cite, thi lakin khanghmi, zeihmanh tuh lo, zeihmanh corh lo, ram zeihmanh khoh khawh lonak a si, a thinhunnak le a thinlinhnak in Bawipa nih a hrawhmi Sodom le Gomorrah le Admah le Zeboiim rawknak bantuk a si —

JUDAS 1:7

Cun Sodom le Gomorrah le an pawngkam i a ummi khua hna kha philh hna hlah u. Cu khua mi hna nih cun, kha vancungmi hna bantuk khan, nu le pa sualnak kha an tuah i hawi ningkel hmanh in an tuah lo. Annih nih mei hremnak kha zungzal in an huah i cucu mi vialte ca in ralrin peknak a fiang komi thil a si.

2 PETER 2:6

Pathian nih Sodom le Gomorrah khua cu dan a tat hna i mei in a hrawh hna; Pathian zei i a rel lomi hna caah zohchun awkah a ser hna.

AMOS 4:11

Pathian nih Sodom le Gomorrah a hrawh bantuk khan nan cungah rawhralnak ka tlunter; Nannih cu mei alh chungin chuahmi mei thingthu bantuk nan si, Sihmanhsehlaw ka sinah nan kir hlei lo. Hihi Bawipa bia hrimhrim a si.

ṬAHNAK HLA 1:20

Maw Bawipa, zeitluk in dah ka lungre a theih hi run zoh tuah. Ka lung si a vang i Ka chungthin aa let dih, Nangmah kha zeihmanh ruat loin kan doh caah a si. Vainam nih khualak lam ah ngakṭah a ser hna i Rai nih inn chungah ngakṭah a ser hna.

2 SIANGPAHRANG 13:23

Sihmanhsehlaw Bawipa cu an cungah vel a ngei i a zaangfah hna i Abraham, Isak le Jakob sin i a biakamnak ruangah khan anmah leiah aa mer i a hrawk hna lo; a hmaika zongin atu tiangin a hlonh hna lo.

2 SAMUEL 24:16

Cun vancungmi nih khan hrawh awkah Jerusalem leiah a kut a hei samh tikah, ṭhat lonak kha Bawipa cu aa ngaichih i mi lak i rawhralnak a tuahtu vancungmi sinah khan, “A za cang, na kut kha ṭhum cang,” tiah a ti. Cun Bawipa vancungmi cu Jebus mi Araunah phuhri pawngah khan a um.

BIACEIHTU 10:16

Cucaah annih sin i ramdang pathian hna kha an hlonh hna i Bawipa kha an biak; cun Israel mi hna retheihnak ruangah khan a thin a hung ngaingai.

GENESIS 14:8

Cun Sodom siangpahrang, Gomorrah siangpahrang Admah siangpahrang, Zeboiim siangpahrang le Bela siangpahrang nih (Bela cu Zoar a si),

BIAPHUAN 18:18

a kanghnak meikhu kha an hmuh tikah, “Hi khualipi bantukin a liannganmi khua a um bal lo,” an ti.

BIAPHUAN 11:8

an ruak cu khuapi chung lamkalai ah khan an ril lai, cu khua cu an Bawipa vailam i an khenh chihnak khua kha a si. Cu khua cu a min ah minhleng in Sodom, ti asiloah, Izipt ti a si.

ZEFANIAH 2:9

Cucaah ka nunnak chalh in hi bia hi ka chim: Moab cu Sodom bantuk a si lai i Ammon cu Gomorrah bantuk a si lai, Belh pon, a thumi ram pon, zungzal ram car a si lai, tiah Bawipa, Israel Pathian nih a ti. Ka mi hna lak i a nungmi nih khan an ramh hna lai i Ka miphun chungin a tangmi hna nih khan an ram cu an co lai.

AMOS 7:6

Bawipa nih cun a bia cu a let i, “Hi zong hi a tlung ṭhan kun lai lo,” tiah a ti.

AMOS 7:3

Cun Bawipa nih cun a bia cu a let i, “Hihi cu a tlung ṭhan kun lai lo,” tiah a ti.

ṬAHNAK HLA 3:33

Minung hi a hrem hna le dan a tat hna hi, A duh taktak caah a tuahmi a si lo.

JEREMIAH 9:7

Cucaah Ralkapbu Bawipa nih hi bangin a ti: Keimah cu anmah ṭhentu ka si i ka hneksak hna lai. Zeitindah ka mi cu zeirello in ka um khawh hna lai?

JEREMIAH 3:12

Va kal law hi bia hi chaklei ah va thanh law hitihin va ti: Zumhawktlak lo Israel, ra kir tuah, tiah Bawipa nih a ti; Nangmah cu thinhunnak in kan zoh ti lai lo, Zeicahtiah kei cu zaangfah thiammi ka si, tiah Bawipa nih a ti; Zungzal in ka thin a hung lai lo.

ISAIAH 63:15

Na sunparnak le na thiannak he na umnak hmun van khin run kan zoh tuah, Bawipa. Kan zawn na kan ruahnak kha khuazei ah dah a si? Na ṭhawnnak kha khuazei ah dah a um? Na kan dawtnak le na kan zaangfahnak kha khuazei ah dah an um? Kan hrelh sawh hlah.

SALM 106:45

A biakamnak kha a hngalh camcinpiak hna i a nganmi a dawtnak ruangah a lung kha a thlen.

1 SIANGPAHRANG 3:26

Cun a nungmi fa a nu nih khan siangpahrang sinah cun, a lung nih a fapa kha a tlaihchan caah, “Maw ka bawipa, a nungmi ngakchiate kha amah cu pe ko, that sawh hlah,” tiah a ti. Sihmanhsehlaw a dang pakhat nih khan cun, “Keimah ta zong si hlah seh, nangmah ta zong si hlah seh; cheu ko,” tiah a ti.

ISAIAH 16:11

Moab caah ngaihchia in ka hram i Kir Heres caah lungfak in ka ai.

JEREMIAH 18:8

sihmanhsehlaw cu ka tlerhmi miphun nih cun a ṭhat lonak kha a mertak ahcun a cung i thil ṭhalo ka tuah lai ka timi kha a ṭhat deuhnak in ka ruah ṭhan lai.

JEREMIAH 42:10

Hi ram chungah hin nan um ko ahcun kan tunmer hna lai i kan ṭhetṭhiam hna lai lo, kan phun hna lai i kan phawi hna lai lo, zeicahtiah nan cung i ṭhat lonak ka tuahmi kha kaa ngaichih.

ṬAHNAK HLA 3:32

Fak piin dan a tat hna lai nain A dawtnak a tam rup in an cungah zaangfahnak a ngei lai;

EZEKIEL 6:9

Nannih cu ram dang i ṭhek nan si tikah, hi ka zuahmi hna, miphun dang hna sin i sal i a tangmi hna nih hin, an lungthin cu zeihmanh ruat loin ka sinin an i mer i an mit cu siasal duh ah a pingah an kal ruangah, zeitluk in dah ka lungthin a fah kha an hngalh lai. Khi tikah ṭhat lonak an tuahmi vialte le fihnung an tuahmi vialte ruangah khan anmah le anmah an i fih lai.

EZEKIEL 33:11

Cucaah annih cu, ‘Ka nun bangin ka chim, miṭhalo mi an thih cu ka duhmi a si lo. Miṭhalo mi nih an ziaza kha an ṭhinh i an nun kha ka duh deuh. Nan ziaza ṭhalo kha hlaw hna u, hlaw hna u; maw Israel mi hna, zeicahdah nan thih lai?’ a ti, tiah chim hna, a ka ti.

HOSEA 7:1

Ka mi hna cu an van ṭhatnak kha pek ṭhan ka duh hna i Israel mi cu damter ka duh hna tikah khan, A hung langmi cu Efraim ṭhat lonak lawnglawng le Samaria chiathrutnak lawnglawng kha a si ko, Mi kha an hlen hna, thil kha fir awkah mi inn kha an baoh i lam i a kalmi kha an thil an chuh hna.

MIKAH 5:3

Cucaah nu nih nau nganfah a in chung caan lawng kha Bawipa nih Israel cu a kaltak lai i, A miphun chungmi sal i a tangmi hna kha an unaule he cun an i fon ṭhan lai.

DEUTERONOMI 29:22

Cun a ra dingmi chan, nan hnuah a chuak laimi nan fale le ram hla piin a ra laimi ramdang mi hna nih, hi ram hremnak le Bawipa nih a pekmi zawtnak kha an hmuh tikah —

2 CHANRELNAK 36:15

Bawipa, an pupa hna Pathian nih khan a mi hna le a umnak hmun cungah khan zaangfahnak a ngeih caah lamkaltu kha ngol duh lo tein a thlahhnawh lengmang hna;

JEREMIAH 9:6

Palhnak kha palhnak nih a zulh chin lengmang i Hlennak kha hlennak nih a zulh chin lengmang. Keimah hngalh kha an duh lo, tiah Bawipa nih a ti.