HOSEA 10:6 - Lai (Hakha) Common Language Bible 2006

⁶ Siasal cu Assiria ah kalpi a si lai i Uktu Siangpahrang ngan cu laksawng ah va ṭhenh a si lai; Efraim cu ningzahnak nih a phak lai i Israel mi nih an nawl ngaih lonak ningzahnak kha an in lai.

HOSEA 10:6 Խաչաձեւ Հղումներ

HOSEA 5:13

Israel nih zeitluk in dah ka zawt ti kha aa hngalh i Judah nih a hma kha aa hmuh tikah, Israel cu siangpahrang ngan kha bawmhnak va hal awkah Assiria ah a kal, Sihmanhsehlaw a damter kho hna lo i an hma zong a damter kho lo.

ISAIAH 30:3

Asinain Izipt siangpahrang nih khan a bawm kho hna lai lo i Izipt nih, kan huhphenh hna lai, a timi cu rawhralnak in a dong lai.

DANIEL 11:8

An pathian milem cu a lak hna lai i a sungmi an thil, sui le ngun hna he khan Izipt ram ah a kalpi hna lai.

JEREMIAH 7:24

Sihmanhsehlaw ngaih an duh lo i zeizong ah an rel duh lo, anmah ruahnak le anmah lungkhonnak tu kha an zul deuh i hmailei ah kal loin hnulei tu ah an kir.

MIKAH 6:16

Omri siangpahrang cawnpiaknak kha nan i ken, A fapa Ahab le a innchungkhar nih an tuahmi kha nannih zong nih nan tuah ve; An lam paoh kha nan zulh hna. Cucaah nannih cu rawk cikcek in kan ṭhio hna lai, Miphun dang hna nih nannih cu an in nihsawh hna lai i an in serhsat hnanak cu nan in lai,” a ti.

HOSEA 8:6

Hi cawtum hi zei bantuk pathian dah a si ee? Zungthiam i an sermi pei a si ko hi, pathian a si ṭung lo; Samaria cawfa cu kuai cikcek in den a si lai.

HOSEA 4:19

Thlichia choihtu in choih an si lai i an raithawinak ruangah khan an ning a zak lai.

HOSEA 4:7

Tlangbawi nan tam chin lengmang paoh ah ka cung i nan sualnak kha a tam chin lengmang ve. Upatnak nan hmuhmi cu ningzahnak ah ka canter lai.

EZEKIEL 36:31

Nan ziaza ṭhalo le nan tuahsernak a ṭha lomi kha nan i hngal ṭhan lai i nan ṭhat lonak le fihnung nan sinak ruangah khan nanmah le nanmah nan i fih lai.

JEREMIAH 48:13

Cun Israel cu aa bochanmi a pathian Bethel nih a deuh bantuk khan Moab cu a pathian Khemosh nih a deuh ve lai, tiah Bawipa nih a ti.

ISAIAH 45:16

Siasal a sertu cu an dihlak in ningzahnak an phan lai; an dihlak in mual an pho lai.

ISAIAH 1:29

Thingkung nan rak biakmi hna le dum thiang nan rak sermi hna kha nan i ngaichih ngaingai lai.

JOB 18:7

A kehlan cu a rak fek, sihmanhsehlaw atu cu a ther, Amah khuakhannak lila nih khan a thluk;

2 SIANGPAHRANG 17:3

Amah cu Assiria siangpahrang Shalmaneser nih a doh; cun Hoshea kha a tangum ah a cang i ngunkhuai a pek.

EZEKIEL 16:28

Mah hihi i zat rih loin Assiria mi hna sinah khan na sual ṭhan hoi, nu le pa sualnak chungah khan na luhpi hna, sihmanhsehlaw naa zaa ṭhiamṭhiam hlei lo.