HEBRU 9:19 - Lai (Hakha) Common Language Bible 2006

¹⁹ A hmasa bik ah Nawlbia nih a ti bantukin, Moses nih mizapi kha nawlbia vialte cu a relpiak hna. Cun cawfa thi kha aa lak i ti he a cawh hnuah, Nawlbia cauk le mizapi kha, hisop le tuuhmul sen in a theh hna i

Laibaibal Thiang (BSI)

¹⁹ Zeitintiah Moses nih nawlbia ning tein phungbia kha mizapi a chimh hna lio ah khan cawfa le meheh thisen kha ti he, a senmi sahmul le hisop he, cauk le mizapi kha a theh hna,

HEBRU 9:19 Խաչաձեւ Հղումներ

HEBRU 9:12

Khrih nih thlam chung khan a va kal i voi khat ah zungzal ca za dingin Hmun Thiang Bik chungah a va luh tikah, raithawinak i pekchanh awkah cawfa thi siseh, meheh thi siseh, aa put lo, amah thi thengte kha aa put i khamhnak kha a kan serpiak.

NAMBAR 19:18

cun a thiangmi pakhatkhat nih husop kha a lak lai i ti chungah cun a hnim lai i thlam le a thilri vialte le cuka i a ummi hna le, ruh siseh, thahmi siseh, mithi siseh, thlan siseh, a tawngmi pa cungah cun a theh lai;

NAMBAR 19:6

tlangbawi nih cun sidar thing le husop le thil sen kha a lak hna lai i cawla khanghnak mei chungah cun a paih hna lai.

HEBRU 10:4

Zeitintiah cawtum thi le meheh thi nih cun sualnak kha a hlo kho taktak bal lo.

1 PETER 1:2

Jesuh Khrih kha a nawl ngaih awk le a thi in nannih cu tlengh awkah Pathian kan Pa tinhning in thim nan si i a Thlarau nih miphun thiang ah an ser hna. Vel le daihnak cu tling khitkhet in nan ta si ko seh.

EZEKIEL 36:25

Nan cungah ti thiang kan theh hna lai i nannih an thurhhnawmhtertu hna thil vialte khan kan thianh hna lai; nan siasal biaknak thurhhnawmhnak vialte khan kan thianh dih hna lai.

JOHAN 19:5

Cucaah Jesuh cu lengah a va chuak i hling luchin cu aa chinh i puansen kha aa aih. Pilat nih cun a thawh hna i, “Zohhmanh u, mipa hi!” a ti.

JOHAN 19:2

Ralkap nih cun hlingnge in luchin pakhat an phiar i an chinh; puan sen kha an aih i

MARKA 15:20

Cu ti i an cawhdeh dih in puan sen kha an hawh i amah puan kha an aihter ṭhan. Cun vailam i tah awkah an chuahpi.

MARKA 15:17

Jesuh cu puan sen kha an aih i hling in an phiarmi bawiluchin kha a lu ah an chinh.

MATTHAI 27:28

A puan kha an phoih i puan sen an aih.

ISAIAH 52:15

Sihmanhsehlaw atu cu miphun tampi kha amah an hmuh tikah an khuaruah a har lai, an khuaruah a har tuk ah siangpahrang hna cu ar ko in an um lai. An hngalh bal lomi thil kha an hmuh lai i an hngalh lai,” a ti.

LEVITIKAS 3:6

“A pekchanhmi cu, Bawipa sin i daihnak thawinak pekchanhnak caah, tuurun chungin saṭil pakhat a pa siseh a nu siseh a si ahcun, dotla a si lai.

LEVITIKAS 1:10

“Khangh thawinak ca i a pekchanhmi cu tuurun chungin siseh, meheh run chungin siseh a si ahcun, a tum dotla a si lai;

EXODUS 12:22

Hissop nge kha i khiah hna u law nan innleng i a ummi sathi ah khan nok hna u law nan innka tung le nan innkaba ah khan nalh hna u. Zinglei tiang, ahohmanh nan inn chungin nan chuak hrimhrim lai lo.

SALM 51:7

Ka sualnak cu ka hnawhpiak law ka thiang lai, ka ṭawl law hawhra nakin ka rang deuh lai.

HEBRU 12:24

Biakamnak thar a sertu Jesuh sin le Abel thisen nih a chimmi thil nakin a let tam piin a ṭha deuhmi thil kong a chimtu a thletmi a thisen sin kha nan phan cang.

HEBRU 1:1

Hlan ah cun Pathian nih kan pupa hna sin i bia a chim tikah profet kha a rak hman hna i a cheuchum tete le phun dangdang in a chimning cu a rak si.

HEBRU 9:13

Phunglei in a thiang lomi cu meheh thi le cawtum thi le khanghmi cawfa vutcam kha an theh hna i cu bantukin phunglei in an thian lonak kha thianhpiak an si tikah mithiang ah an cang.

HEBRU 9:18

Cu ruangah cun pei biakamnak hmasa u hmanh kha thisen hman lawnglawng in ser khawh a rak si cu.

HEBRU 10:22

Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih.