HEBRU 7:14 - Lai (Hakha) Common Language Bible 2006

¹⁴ Judah phun chungin a chuakmi a si ti kha fiang tein hngalh a si i Moses nih tlangbawi kong a chim tikah hi phun kong hi a telh lo.

Laibaibal Thiang (BSI)

¹⁴ Zeitintiah kan Bawipa cu Judah phun chungin a chuakmi a si kha a fiang, tlângbawi kong he pehtlai in Moses nih cu miphun chungin zeihmanh a chim lo.

HEBRU 7:14 Խաչաձեւ Հղումներ

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

ISAIAH 11:1

Siangpahrang David ciruang hi haumi thingkung bantuk a si; chumhmui in nge thar an corh bantukin David tefa chungin siangpahrang thar pakhat a chuak lai.

BIAPHUAN 5:5

Cu tikah upa pakhat nih khan a hun ka chawnh i, “Ṭap hlah! Zohhmanh, Judah phun chungin a chuakmi Chiandeih, David tefa milianngan nih khan, teinak a hmuh cang i cakhenhnak pasarih kha a phoih khawh hna i cazual kha a kau khawh,” tiah a ti.

LUKA 3:33

Nahshon cu Amminadab fapa a si, Amminadab cu Admin fapa a si, Admin cu Arni fapa a si, Arni cu Hezron fapa a si, Hezron cu Perez fapa a si, Perez cu Judah fapa a si,

BIAPHUAN 22:16

“Keimah, Jesuh nih, Khrihfabu chung i a ummi nannih sinah hi bia cu thanh awkah ka vancungmi kha ka run thlah. Kei cu David tefa kha ka si, kei cu deirel arfi ceu cu ka si,” a ti.

ROM 1:3

cucu a Fapa kan Bawipa Jesuh Khrih kong kha a si. Minung lei in ti ahcun David hrinsor a si,

EFESA 1:3

Kan Bawipa Jesuh Khrih i a Pa le a Pathian cu lawm ko u sih. Zeicahtiah Khrih he kan i pehtlaihnak thawngin kannih cu vancung ram ah hin thlarau laksawng phun kip kha a kan pek.

GENESIS 49:10

A bawifung kha a hler i a ke le a ke karlak ah a chiah; a lianhngannak cu, a ngeitu taktak a rat i, cu nih cun mi vialte a uk hna hlantiang amah nih aa chiah ko lai.

ROM 2:3

Sihmanhsehlaw nangmah nih, cu sual na phawtmi hna thil hrimhrim kha na tuah ve ko hna caah, Pathian sualphawtnak cu ka luat lai, tiah i ruat hlah.

JOHAN 20:28

Thomas nih cun, “Ka Bawipa le ka Pathian,” tiah a ti.

JOHAN 20:13

“Zeicahdah na ṭah len ko?” tiah an hal. Anih nih, “Ka Bawipa kha an kalpi i khuazei i an chiah ka hngal lo,” tiah a leh hna.

LUKA 1:43

Zeicahdah ka Bawipa nu nih hin kei tehna hi na hung ka tlawn?

NAMBAR 24:17

Amah cu ka hmuh, sihmanhsehlaw atu i a si bantuk hi a si lo, Amah cu ka zoh, sihmanhsehlaw atu naite i a si bantuk hi a si lo: Jakob chungin arfi pakhat a chuak lai i Israel chungin bawifung pakhat a chuak lai; Moab cal cu a khuai lai i Sheth fapale hna cu a den dih hna lai.

GENESIS 46:12

Judah fapa hna cu: Er, Onan, Shelah, Perez le Zerah (Er le Onan cu Kanaan ram ah an thi). Perez fapa cu Hezron le Hamul an si.

FILIPI 3:8

Cu lawng cu an si lo, a dang vialte zong kha sungh cikcek ah ka rel hna, cu thil hna nakin a sung deuh tukmi ka Bawipa Khrih Jesuh hngalhnak ruangah cun sungh cikcek ah ka rel hna. Khrih cu ka co khawh nakhnga le amah he cun kan i pehtlaih khawh nakhnga, Amah ruangah cun zeizong vialte hi ka hlonh dih hna, an dihlak in hnawmtam ah ka rel hna.

MATTHAI 2:6

Judea ram ummi Bethlehem khua, Nangmah cu Judah ram khuapi hna lakah a hme bik na si naisai lo; Zeicahtiah nangmah chung hin hruaitu pakhat, ka mi Israel mi hna tuukhal a si dingmi cu a chuak lai,” a ti.

HEBRU 7:13

Cun hi kong i an rak chimchungmi bia vialte nih a sawhmi kan Bawipa kha Levi miphun si loin phun dang a si i a phun chungmi cu biakṭheng ah tlangbawi rian a ṭuanmi ahohmanh an um bal lo.

HEBRU 7:15

Hi kong cu a fiang chin lengmang; tlangbawi phun dang, Melkhizedek bantuk kha a hung chuak.