HEBRU 5:13 - Lai (Hakha) Common Language Bible 2006

¹³ Caw hnuk ṭheo aa rinh ko rihmi cu ngakchia an si ko rih i ahmaan le ahmaan lo kongah hngalhnak a ngei rih lomi an si.

Laibaibal Thiang (BSI)

¹³ Zeitintiah hnuk a dingmi pauh cu bawhte a si ruangah, dinfelnâk bia kha a theifiang kho lo.

HEBRU 5:13 Խաչաձեւ Հղումներ

1 PETER 2:2

Ngakchia chuakka bantuk si u law thlarau hnuk kha duh u, cu thlarau hnuk nan din thawngin nan ṭhang lai i khamhnak nan hmuh lai.

1 KORIN 14:20

Ka u le ka nau hna, khua nan ruahning ah hin ngakchia bantuk si hlah u; ṭhat lonak kongah cun ngakchia bantuk si u, sihmanhsehlaw khuaruahning ah cun nutling patling si u.

2TIMOTE 3:16

Cathiang hi a dihlak in Pathian thaw chuahhnawhmi a si i biatak cawnpiaknak caah le palhnak cawnpiaknak alnak caah le palhmi remhnak caah le ding tein nunnak ding cawnpiaknak caah a ṭhahnemmi a si.

ISAIAH 28:9

Keimah kong ah khan an zai i, “Khi pa nih khin, aho ka cawnpiak hna ti ah dah aa ruah hnga? Aho nih dah a bia cu an herh? Hnukthlei ka bawhte ca lawngah pei a ṭhat ko cu.

EFESA 4:14

Midang a palhter tawntu hlenthiammi hna cawnpiaknak tilet le thlichia bantuk a simi nih a kenkip ah a choihmi ngakchia bantuk hna si ti loin,

1 KORIN 3:1

A ngaingai ti ahcun, ka u le ka nau hna, nannih sinah cun Thlarau a ngeimi hna sin i bia ka chim bantukin ka chim kho lo; hi vawleicung mi bantuk le Khrihfa zumhnak i bawhte a si rihmi hna bantuk lawngin bia kan chimh khawh hna.

2 KORIN 3:9

Minung sual vun phawtnak rian hmanh cu tlukin a sunlawi ahcun, minung thian vun chehnak rian cu zeitluk in dah a sunlawi chinchin.

1 KORIN 13:11

Ngakchia ka rak si lioah ka biachim le ka thil hmuhning le ka ruahnak cu an rak ngakchia ngai. Atu cu upa ka hung si cang i ngakchia ruahning in thil ruah kha cu ka duh ti lo.

SALM 119:123

Na khamhnak hi ka mit hram fak in ka cuan, na ka kamhmi luatnak cu.

MARKA 10:15

Mah hi philh hlah u. Pathian Pennak kha ngakchia nih an cohlan bantukin a cohlang lomi cu, ahohmanh Pathian Pennak chungah cun an lut lai lo,” tiah a ti.

MATTHAI 11:25

Khi caan ah khan Jesuh nih aa thawh i, “Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi hna sinah na langhter caah na cungah ka lawm.

ROM 2:20

a hrutmi cawnpiaktu le a nomi hna saya kan si nan ti; cun Nawlbia chungah hin hngalhnak le biatak cu tling tein kan hmuh nan ti.

2 JOHAN 1:11

Zeicahtiah cu bantukin a cungah daihnak um seh, ti a duhpiaktu kha a thil ṭhalo tuahmi ah khan aa tel vemi ah a cang.