HEBRU 4:6 - Lai (Hakha) Common Language Bible 2006

⁶ Pathian dinhnak chungah a lutmi an um awk a si ti cu a fiang, sihmanhsehlaw Thawngṭha a thei hmasami hna nih khan an zumh lo ruangah an luh khawh lo caah Pathian nih ni dang pakhat kha a chiah ṭhan.

Laibaibal Thiang (BSI)

⁶ Cucaah mi cheukhat hna caah luhkhawh a si ko rih, Thawngṭha chim a thei hmaisatu hna kha nawlngaih lonâk ruangah an luh khawh lo caah,

HEBRU 4:6 Խաչաձեւ Հղումներ

MATTHAI 21:43

Cucaah hitihin kan chimh hna: Nannih cu Pathian Pennak kha chuh nan si lai i thei ṭha tein a tlai dingmi kha pek an si lai.

HEBRU 4:2

Annih nih an rak theih bantuk khan, Thawngṭha cu kan theih cang. Sihmanhsehlaw an theihmi bia kha zumhnak in an cohlan duh lo caah an caah zeihmanh a ṭhahnem lo.

LAMKALTU 28:28

Cun Paul nih cun a donghnak ah, “A si ahcun Pathian khamhnak bia cu Jentail mi hna sinah thlah a si cang. Annih nih cun an ngaih lai,” tiah a ti hna. (

HEBRU 4:9

Cucaah Pathian mi hna cu, sabbath dinhnak nih khan a hngah ko rih hna,

GALATI 3:8

Pathian nih Jentail mi cu zumhnak thawngin amah he a remter hna lai ti kha Cathiang nih a rak chimchung cang. Cucaah Cathiang nih Thawngṭha cu Abraham kha a rak chimh chung cang i, “Nangmah thawng hin Pathian nih vawleicung mi vialte kha thluachuah a pek hna lai,” a rak ti.

ISAIAH 65:15

Ka thimmi ka mi hna nih cun nan min cu chiatserhnak ah an hman lai. Bawipa nih kan thah hna lai. Sihmanhsehlaw ka nawl a zulmi cu min thar ka pek hna lai.

NAMBAR 14:31

Sihmanhsehlaw nan ngakchia hna, annih cu tlaih khih awk men an si lai, nan timi hna kha ka luhpi hna lai i nannih nih zei i nan rel lomi ram kha an umhnawh lai.

NAMBAR 14:12

Rai in ka hrem hna lai i ka hlawt hna lai, nangmah chung hin annih nak i a ngan deuh le a ṭhawng deuh miphun ka ser lai,” tiah a ti.

1 KORIN 7:29

Ka u le ka nau hna, ka chim duhmi cu hihi a si: caan hi tampi a tang ti lo i cucaah cun atu ri hin cun nupi ngeimi nih a ngei lo bantukin um hna seh;

HEBRU 4:11

Cucaah Pathian dinhnak chung i kan luh khawh nakhnga fak piin i zuam u sih. Annih nih Pathian nawl kha an rak ngaih lo i an luh khawh lo bantuk khan kannih cu pakhat hmanh um sual hlah u sih.