HEBRU 2:9 - Lai (Hakha) Common Language Bible 2006

⁹ A sullam cu Jesuh ah khan kan hmuh. Caan tawite chung cu vancungmi nak niam deuh ah khan a ser taktak i cucu Pathian vel thawngin mi vialte kan ca i a thihnak ding caah khan a si. Cun thihnak a inmi ruangah khan atu cu sunparnak le upatnak kha luchin ah chinh a si cang ti kha kan hmuh.

Laibaibal Thiang (BSI)

⁹ Asinain Jesuh, vanmi nâk i niamdeuh i ser a si rihmi cu, Pathian zângfahnâk thawngin mi vialte caah thihnâk a tempiak khawh nâkhnga, thihnâk a tuarnâk thawngin sunparnâk le upatnâk chinhter in a um kha kan hmuh.

HEBRU 2:9 Խաչաձեւ Հղումներ

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.

1JOHAN 2:2

Cun kan sualnak ngaihthiam kan sinak cu Khrih thawng cun a si i kanmah sualnak lawng si loin mi vialte zong an sualnak kha ngaihthiam an si lai.

ROM 5:18

Cucaah cun sualnak pakhat tuahmi nih mi vialte kha sual a phawt hna bantukin dinnak pakhat tuahmi nih mi vialte kha a luatter hna i nunnak a pek hna.

LAMKALTU 2:33

Pathian orhlei kamah khan ṭhutter a si i a Pa nih bia a kam bantuk khan Thiang Thlarau cu a Pa sin khan a hmuh; cun atu i nan hmuhmi le nan theihmi hi kannih a kan toihmi a laksawng kha a si.

JOHAN 3:16

Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai.

2 KORIN 5:15

Mi vialte caah a thihnak chan cu minung nih hin an nun chungah anmah ca lawngah nung ti loin, anmah ruang i thihnak a ing i a tho ṭhanmipa ca i an nun nakhnga caah a si.

HEBRU 10:5

Cucaah Khrih nih vawlei i a rung ṭum lai ah khan Pathian cu a thawh i, “Raithawinak le pekchanhmi thil cu na duhmi an si lo, Sihmanhsehlaw keimah caah taksa pum kha na ka timhpiak cang.

ROM 5:8

Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi.

JOHAN 1:29

A thaizing ah Johan nih cun Jesuh cu a sin i a rat kha a rak hmuh i, “Zohhmanh u, Pathian Tuufa, vawlei sualnak a kalpitu khi!

JOHAN 12:32

Vawlei hin hler ka si tikah mi vialte cu ka sinah ka hnuh dih hna lai,” tiah a ti hna.

HEBRU 7:25

Cucaah cun amah thawngin Pathian a fuhmi hna paoh cu a khamh khawh zungzal ko hna; zeicahtiah zungzal in a nun caah Pathian kha a nawlpiak khawh zungzal hna.

GENESIS 3:15

Nangmah le nu cu nan i hua lai, a tefa le na tefa cu ral an si lai. Mi nih na lu kha rial an in zuam lai i nang nih an kedil kha cuk naa zuam ve lai,” a ti.

1 PETER 1:21

Amah thawngin Pathian cu nan zumh i Pathian nih cun thihnak in a thawhter i sunparnak a pek; cucaah nan zumhnak le ruahchannak cu Pathian cungah aa bunhmi an si.

HEBRU 8:3

Tlangbawi Ngan cu Pathian sin i pekmi laksawng pek le saram raithawinak pekchanh kha an rian a si bantukin, kannih kan Tlangbawi Ngan zong nih cun pekchanh awk a ngeih ve kha a herh.

1TIMOTE 2:6

amah cu mi vialte tlanhnak caah a lu aa pemi a si. Cu nih cun, caan a tlin tikah Pathian nih mi vialte kha khamh a duh hna ti kha a langhter i

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

ROM 8:32

A Fapa hrimhrim hmanh kha a zuah ṭung lo, kan dihlak caah pei a pek kha! A Fapa kha a kan pek — thil vialte zong hi a lak in a kan pe hnga lo maw?

GALATI 4:4

Sihmanhsehlaw caan cu a hung phak tikah, Pathian nih A Fapa kha a run thlah. Nu chung khan a hung chuak i Judah mi Nawlbia tangah khan a um,

LAMKALTU 3:13

Abraham, Isak le Jakob Pathian, kan pupa hna Pathian nih khan a sal Jesuh cu Pathian sunparnak kha a pek cang. Amah cu nawl ngeitu hna sinah khan nan chanh i Pilat nih ka luatter ko lai a ti hmanh ah khan, Pilat hmai hrimhrim ah, nan hlawt ṭhiamṭhiam.

ISAIAH 7:14

Atu cu Bawipa hrimhrim nih hmelchunhnak an pek lai. Fa a pawi liomi nu pakhat a um i fapa a hrin lai i a min ah Immanuel sak a si lai.

ROM 8:3

Minung kan sining kha a der ruang i Nawlbia nih a tuah khawh lomi kha Pathian nih a tuah. Minung kan sining chung i a ummi sualnak cu Pathian nih a Fapa a run thlahnak thawng khan sual a phawt cang. Sualnak teinak ding caah cun minung kan sining a sualmi bantuk sining he hin a ra.

JOHAN 10:17

“Ka Pa nih a ka dawt cu ka nunnak kha pek ka sian caah a si, cu pek ka sian cu ka nunnak kha ka hmuh ṭhan nakhnga caah a si.

JOHAN 8:52

Judah mi nih cun an thawh i, “Atu cu khuachia na ngei hrimhrim ti kha fiang tein kan hngalh cang. Abraham cu a thi diam cang, profet hna zong kha an thi cang, asinain naa thawh i, ‘Ka bia a zulmi cu zeitikhmanh ah an thi lai lo,’ na ti.

MATTHAI 16:28

Hihi philh hlah u. Mi Fapa cu Siangpahrang bantukin ka rat nan ka hmuh hlan cu a thi lo dingmi hika ah hin nan um,” tiah a ti hna.

BIAPHUAN 19:12

A mit cu meizik bantuk an si i a lu ah bawiluchin tampi aa chinh. A cungah min pakhat aa ṭial, asinain amah dah ti lo nih cun zei a si ti kha ahohmanh nih an hngal lo.

HEBRU 2:7

Caan tawite chung cu vancungmi hna nak niam deuh ah na ser taktak; sunparnak le upatnak kha na chinh i,

LUKA 9:27

Cun nannih nih hika ah hin, Pathian Pennak an hmuh hlan tiang a thi lo dingmi an um tiah kan chimhmi hna hi i cinken u,” tiah a ti.

MARKA 9:1

Cun a thawh hna i, “Biatak kan chimh hna, hika i a dirmi lakah hin, Pathian pennak a ṭhawnnak he a rat nan hmuh hlan cu, a thi lo dingmi tlawmpal nan um,” tiah a ti hna.

MATTHAI 6:28

“Cucaah zeicahdah hnipuan kong ah nan lungre a theih? Ramlak i a khomi lili pangpar khi zoh tuah hna ngat u: rian an ṭuan lo, hnipuan zong zeihmanh an i tah lo.

ISAIAH 11:1

Siangpahrang David ciruang hi haumi thingkung bantuk a si; chumhmui in nge thar an corh bantukin David tefa chungin siangpahrang thar pakhat a chuak lai.

JOHAN 8:51

Biatak kan chimh hna: Ka bia a zulmi cu zeitikhmanh ah an thi lai lo,” tiah a leh hna.

HEBRU 1:9

Ahmaanmi thil cu na duh i ahmaan lomi thil cu na huat; Cucaah cun Pathian, na Pathian nih cun an thim i, Na hawile hna nih an hmuhmi nakin a ngan deuh suaumaumi upatnak lunglawmhnak kha aan pek,” tiah a ti.

HEBRU 11:5

Enok kha thi loin Pathian sinah a kaitertu cu zumhnak a si; Pathian nih a lak caah khan ahohmanh nih an hmu ti lo. Cathiang nih a chimmi cu, Enok nih khan van i a kai hlanah Pathian lung kha a ton, ti a si.

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.