HEBRU 12:3 - Lai (Hakha) Common Language Bible 2006

³ A inmi thil kha ruat hna hmanh u, misual mi nih kha tlukin an huatnak a in peng ko kha ruat hmanh u. Cucaah cun lungdong in maw ngol sual lai u ci.

Laibaibal Thiang (BSI)

³ Zeitintiah nan nunnâk kha thaba le zângder i a um sualnâk hnga lo, cubantuk i misual hna nih an ralchanhnâk le a temtuarnâk hna cu ruat tuah u.

HEBRU 12:3 Խաչաձեւ Հղումներ

GALATI 6:9

Cucaah ṭhatnak tuah kha baa hlah u sih; kan ngol lo ahcun a theitlai kan zun caan kha a phan ve ko lai.

2 KORIN 4:16

Hi ruangah hin pei kan lung a dongh bal lonak cu a si cu. Kan mihring sinak cu duhsah tein zor chin lengmang hmanh seh law kan thlarau sinak cu ni khat hnu ni khat a thar chin lengmang.

BIAPHUAN 2:3

Na lung a sau, keimah ruangah harnak na in i na lung a dong lo.

1 KORIN 15:58

Cucaah ka u le ka nau hna, fek tein dir u law zeihmanh nih in ṭhial kho hna hlah seh. Bawipa rian teimak tein nan ṭuannak ah cun i manh lo ngaiin um zungzal ko u, Bawipa rian nan ṭuanmi cu alak a si bal lo ti kha nan hngalh.

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.

HEBRU 3:1

Pathian nih a kawh vemi Khrihfa u le nau hna, kan i lakmi phung ca i Tlangbawi Ngan si awkah Pathian nih a thlahmi Jesuh kong kha ruat hmanh u.

2 KORIN 4:1

Pathian nih a kan zaangfah caah cu rian cu a kan ṭuanter i kan hnabei a dong bal lo.

JOHAN 5:16

Damnak kha Sabbath ni ah a tuah caah Jesuh nih cun Judah mi cu an thin a phawh hna i amah kha ral hram an thawk.

1 SAMUEL 12:24

Bawipa cu a ṭih bel ṭih ko u law, nan lungthin dihlak in a rian kha zumhawktlak tein ṭuan ko u; zeitintiah nan ca i thil lianngan a tuahmi kha ruat tuah hna u.

HEBRU 12:5

Pathian nih a fale bantukin an chawnhnak hna, lung ṭhawnnak bia kha nan philh cang dahra? “Ka fapa, Bawipa nih an chimhhrin tikah zeirello in um hlah, an sik tikah na lung dong hlah.

LUKA 14:1

Voi khat cu Sabbath ni ah hin Jesuh cu Farasi mi hna lak i haotu pakhat inn ah rawl a hrawng i mi nih khan fel tein an ngiat.

DEUTERONOMI 20:3

mizapi sinah cun, ‘Maw Israel, thei tuah u, nihin cu nan ral doh awkah raltuknak hmun cu nan phan dengmang cang; nan lung der hlah seh, ṭih hlah u, a ther zong ther hlah u, anmah kha ṭih hna hlah u;

2 THESALON 3:13

U le nau hna, ṭhatnak tuah kha ba hlah u.

JOHAN 18:22

Cu bia a chim tikah cuka i a ummi palik pakhat nih Jesuh cu a bengh i, “Zeitindah Tlangbawi Ngan sinah cu bia cu na chim ngam?” tiah a ti.

JOHAN 8:52

Judah mi nih cun an thawh i, “Atu cu khuachia na ngei hrimhrim ti kha fiang tein kan hngalh cang. Abraham cu a thi diam cang, profet hna zong kha an thi cang, asinain naa thawh i, ‘Ka bia a zulmi cu zeitikhmanh ah an thi lai lo,’ na ti.

ISAIAH 50:4

Bawipa Pathian nih chim awk kha a ka cawnpiak caah tha a bami kha thazang ka pek khawh hna. A ka cawnpiak ding theih kha zing fate in a ka hngahhlangter.

PHUNGTHLÛKBIA 24:10

Harnak caan i na der a si ahcun na der taktak a si.

JOHAN 8:59

Amah chehnak ah lung kha an i char, sihmanhsehlaw Jesuh cu aa thup i biakinn chung khan aa zuk.

JOHAN 8:13

Farasi mi nih khan an thawh i, “Nangmah nih pei nangmah kong naa chim ko cu; cucaah na chimmi cu zeihmanh a si lo,” an ti.

JOHAN 7:12

A kong kha a thli in an i ceih lulh ko i a cheu nih, “Mi ṭha a si,” an ti; a cheu nih, “Sihlah, mi kha a hlen hna,” an ti.

LUKA 16:14

Farasi mi nih hi a chimmi vialte cu an theih tikah, annih cu tangka a duhmi an si caah, amah kha an nihsawh.

LUKA 15:2

Farasi mi hna le Phungbia cawnpiaktu saya hna cu an zai i, “Hi pa hi misual mi kha a rak pomhlawm hna i rawl zong a eipi hna,” an ti.

LUKA 5:21

Cu tikah Phungbia cawnpiaktu saya hna le Farasi mi hna cu anmah le anmah kha, “Pathian a thangchiatmi pa hi ahodah a si? Ahohmanh nih sual thlahpiak khawh a si ṭung lo, Pathian lawng nih pei thlahpiak khawh a si ko cu,” tiah an i ceih.

LUKA 2:34

Simeon nih cun thluachuahnak a pek hna i a nu Mary kha a thawh i, “Hi ngakchia cu Pathian nih Israel mi lakah mi tampi an rawk nakhnga le khamh an si nakhnga caah a thimmi a si. Amah hi Pathian sinin a rami hmelchunhnak, mi tampi nih an doh laimi a si i

MATTHAI 22:15

Farasi mi pawl cu an kal i Jesuh foihnak ding caah khan bia an kawl.

MATTHAI 21:46

cucaah tlaih kha an i zuam. Asinain mizapi nih khan Jesuh cu profet a si tiah an zumh caah an ṭih hna.

MATTHAI 21:23

Jesuh cu Biakinn ah khan a ra ṭhan i a cawnpiak hna lioah khan tlangbawi upa pawl le Judah mi hruaitu pawl kha an ra i, “Zei nawl in dah hi thil hi na tuah hna? Aho nih dah cu nawl cu an pek?” tiah an hal.

MATTHAI 15:2

“Zeicahdah na zultu hna nih kan pupa phung an buar? Rawl ei lai ah a phung bantukin an kut an i ṭawl lo,” an ti.

MATTHAI 12:24

Sihmanhsehlaw cu bia cu Farasi mi nih an theih tikah, annih tu nih cun, “Hi pa nih khuachia a ṭhawl khawh hna cu an bawipa Beelzebul nih a bawmh caah a si,” an ti.

MATTHAI 11:19

Mi Fapa cu a ra ve i a ei a ding i a mi kip nih, ‘Hi pa hi zohhmanh u, misaram le mizuram, ngunkhuai khawltu hna le misual hna hawikom hi,’ an ti. Sihmanhsehlaw Pathian fimnak cu ahmaan tiah a theitlai nih khan a langhter ko,” a ti.

JOHAN 9:40

Farasi mi tlawmpal, cuka i amah sin i a um vemi hna nih khan cu bia a chim cu an theih i, “Kannih zong hi, nan mit a caw ve na kan ti duhnak cu a si mei?” an ti.

JOHAN 10:20

Mi tampi nih, “Khuachia a ngei, a hrut cang, zeicahdah a bia nan ngaih?” an ti.

1 PETER 2:23

Serhsatnak bia in an ti tikah serhsatnak bia in a let hna lo, temhnak a in tikah a tlerh hna lo, ding tein bia a ceihtu Pathian tu kha aa bochan.