HEBRU 12:11 - Lai (Hakha) Common Language Bible 2006

¹¹ Dantatnak kan in tikah kan in lioah cun kan lung a kan lawmhtertu si loin kan ngaih a kan chiattertu a si. Sihmanhsehlaw cu bantuk dantatnak innak nih a chimhhrinmi hna cu daihnak laksawng dinnak nunnak kha an hmu.

Laibaibal Thiang (BSI)

¹¹ Cun chimhhrinnâk hi in lio ah cun lawmhnâk leiin a lang kho lo, a fak taktak mi a si; asinain inkhawh hnu ah hnangamnâk theipar, dinnâk kha a chuahter.

HEBRU 12:11 Խաչաձեւ Հղումներ

2 KORIN 4:17

Cun harnak hmete caan tawite kan inmi nih hin, hi harnak nakin a let tampi in a ngan deuhmi zungzal sunparnak cu a kan pek lai.

1 PETER 1:6

Hi ruangah hin nan lung i lawm ko u, hneksaknak tampi nan in ruangah hin atu ahcun nan ngaih chia hmanh seh law i lawm ko u.

HEBRU 12:10

Minung kan pale nih cun anmah nih ahmaan ti i an hmuhning in an kan chimhhrin i caan tawite ca lawng a si tawn; sihmanhsehlaw Pathian nih a kan chimhhrin cu kanmah ca ṭha dingah le a thiannak kha kan i hrawm khawh ve nakhnga caah a si.

SALM 118:18

Fak piin dan a ka tat, sihmanhsehlaw thih ngaingai cu a ka siang lo.

ISAIAH 32:17

Mi kip nih a dingmi thil kha an tuah cio caah daihnak le himnak zungzal in a um lai.

PHUNGTHLÛKBIA 19:18

Na fale cu an no rih lioah chimhring hna, cu ti na tuah lo ahcun an rawhnak dingah na bawmh hna a si.

SALM 119:165

Na phunglam a duhmi cu him tein khua an sa i a tlukter khotu hna zeihmanh a um lo.

PHUNGTHLÛKBIA 15:10

Palhnak kha na tuah ahcun fak piin dantatnak na hmuh lai, chimhhrinnak kha na duh lo ahcun na thi lai.

HEBRU 5:14

Sihmanhsehlaw rawl taktak cu upa nih khan an ei khawh; annih cu chia le ṭha thleidan khawhnak a ngei cangmi an si.

ROM 14:17

Zeicahtiah Pathian Pennak cu ei le din menmen hi a si lo, Thiang Thlarau pekmi dinnak le daihnak le lawmhnak tu hi a si deuh.

SALM 89:32

an sualnak ruangah khan dan ka tat hna lai i palhnak an tuahmi ruangah khan fungfek in ka tuk hna lai.

2 PETER 2:14

Nu hor pawl zoh dah ti lo kha cu zoh an duhmi zeihmanh a um lo; an sual duhnak kha a riam kho bal lo. Thazang a dermi kha rap ah an foihter hna. An lungthin kha hakkauhnak in a khat. Annih cu Pathian nih chiat a serhmi hna an si.

ISAIAH 19:22

Bawipa nih Izipt mi cu dan a tat hna lai, sihmanhsehlaw a damter ṭhan hna lai. Annih nih amah leiah khan an i mer lai i an thlacamnak kha a theihpiak hna lai i a damter hna lai.

2TIMOTE 4:8

Atu cu teinak laksawng nih khan a ka hngah ko cang, cu laksawng cu ka Bawipa, dinnak Bawi nih, cu Ni i a ka pek laimi dinnak suiluchin cu a si — keimah lawng cu a ka pekmi ka si lai lo, amah a langh lainak dawtnak in a hngaktu vialte zong kha a pek ve hna lai.

GENESIS 21:11

Hi nih hin Abraham cu a lungre a theihter ngaingai, zeicahtiah Ishmael zong cu a fapa a si ve.