HEBRU 11:8 - Lai (Hakha) Common Language Bible 2006

⁸ Pathian nih Abraham kha a auh tikah, a bia a ngaihtertu le, kan pek lai, tiah a kamhmi ram i a kaltertu kha zumhnak a si. Khuazei ah ka kal ti hngal loin a ram kha a chuahtak.

Laibaibal Thiang (BSI)

⁸ Zumhnâk in Abraham nih a co hngami hmun i kal dingah kawhnâk kha a pom. A kalnâk ding hmun hmanh hngal loin â thawh cawlh.

HEBRU 11:8 Խաչաձեւ Հղումներ

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

GENESIS 22:18

Cun vawlei cung miphun vialte nih, na tefa thluachuah ka pek hna bantuk hin thluachuah kan pe ve, tiah an ka nawl lai — hi vialte cu nangmah nih ka nawl na ngaih caah a si,” a ti.

GENESIS 12:7

Bawipa cu Abram sinah khan a lang i, “Hi ram hi na tefa ka pek hna laimi ram cu a si,” a ti. Cuka ah cun amah sin i a rung langmi Bawipa caah khan Abram nih biakṭheng pakhat a ser.

ROM 10:16

Sihmanhsehlaw annih nih an dihlak cun Thawngṭha cu an pom lo. Isaiah hrimhrim nih khan, “Bawipa, ahodah kan bia cu a zum?” a rak ti.

ISAIAH 41:2

“Aho nih dah teitu kha Nichuahlei in a ratpi i a kalnak kip ah teitu a siter lengmang? Aho nih dah siangpahrang hna le miphun hna kha a teiter hna? Annih cu leidip khi va si hna seh law cu bang, a vainam nih cun a sam duahmah ko hna; thlitu nih capawl a choih bantuk khin a thal nih a ṭhek hna.

1 PETER 4:17

Biaceihnak thawk caan cu a phan cang i biaceih hmasa bik ding cu Pathian mi hna kha an si lai. Kanmah in thawh a si ahcun, Pathian sinin a rami Thawngṭha a zum lomi hna kha, zeitindik an donghnak a va si te ual lai?

HEBRU 11:33

Zumhnak in ram ngan pipi kha an tuk hna i an tei hna. A dingmi thil kha an tuah i Pathian nih bia a kamhmi hna kha an hmuh. Chiandeih kha an ka an phih hna,

ROM 6:17

Sihmanhsehlaw Pathian cu lawm cio ko u sih. Zeicahtiah nannih cu sualnak sal nan rak si nain cawnpiaknak nan hmuhmi chung i a ummi biatak kha nan lungthin dihlak in nan zulh cang.

EZEKIEL 36:24

Miphun hna lak khan kan chuah hna lai i ram kip khan kan pumh hna lai i nanmah vawleite ah khan kan kalpi hna lai.

ISAIAH 51:2

Nannih an hringsortu hna Abraham le Sarah kha ruat hna hmanh u. Abraham cu ka rak auh lioah khan fa a ngei lo, sihmanhsehlaw thluachuahnak ka pek i fa ka pek; a tefa cu tampi ah ka ser hna.

JOSHUA 24:3

Cun nan pa Abraham kha Tiva ral khan ka lak i Kanaan ram chung dihlak ah ka hruai i a tefa cu tampi ah ka ser hna. Isak kha ka pek i

DEUTERONOMI 9:5

Na dinnak le na lung dinnak thawngin annih ram kha co awkah na luh cu a si lai lo; sihmanhsehlaw Bawipa na Pathian nih annih kha na hmai in a dawi hna lai cu hi miphun hna an ṭhat lonak ruangah le, Bawipa nih na pupa hna Abraham, Isak, le Jakob sinah chiat a sermi bia cu fehnak caah a si lai.

GENESIS 26:3

Hika ah hin tlawmpal in um ko law na sinah ka um lai i thluachuah kan pek lai i hi ram vialte hi nangmah le na tefa kha kan pek hna lai. Na pa Abraham sin i ka sermi biakamnak kha ka let lai lo.

GENESIS 17:8

Hi ram, atu i khual na sinak ram hi, nangmah le na tefa hna cu kan pek hna lai. Kanaan ram hi a ning piin nan ta a si zungzal lai i keimah hi an Pathian ka si lai,” a ti.

GENESIS 15:5

Bawipa nih cun lengah a chuahpi i, “Van khi zoh law na rel khawh ahcun arfi khi rel tuah hna. Na tefa cu khi arfi zat khi an si lai,” a ti.

1 PETER 3:1

Cu bantuk ṭhiamṭhiam in nu nih nan vale kha an nawl nan ngaih hna awk a si. Cu ti nan tuah ahcun, nan vale lak i Pathian bia a zum lomi hna nih khan, nan ziaza a ṭhami thawng cun Pathian bia cu an zumh lai. Nan caah bia kaa khat chim zong a herh lai lo,

HEBRU 5:9

A tlingmi ah ser a si tikah amah nawl a ngaimi vialte hna caah zungzal khamhnak hram ah a cang i

2 KORIN 10:5

Pathian hngal kho hna hlah seh tinak ca i chonmi vampang porhlawtnak vialte kha kan baoh dih; minung lungthin kha sal ah kan va tlaih hna i Khrih nawl kha kan ngaihter hna.

ROM 1:5

Amah thawngin Pathian nih lamkaltu sinak kha a ka pek i miphun kip chungmi kha zumhnak le Pathian nawlngaihnak i phakter awkah a ka fial;

GENESIS 11:31

Terah nih a fapa Abram le a tu Lot, Haran fapa kha le, Abram nupi Sarai kha, Kanaan ram lei i kal awkah Khaldi ram Ur khua khan a thawhpi hna. Sihmanhsehlaw Haran khua tiang an kal i cuka ah cun umhmun an khuar.

GENESIS 12:5

Abram cu a nupi Sarai le a nau fapa Lot le Haran khua an um hnu i an ngeihmi an chawva vialte le an sal vialte hna he khan Kanaan ram lei kal ah cun aa thawh. Kanaan ram an phak tikah

GENESIS 20:13

Cucaah Pathian nih ka pa inn in ram dang i a ka kalter tikah, amah cu ka thawh i, ‘Ka cung i zumhawktlak tein na tuah dingmi rian pakhat na ngei, cucu khuazeika kan kalnak hmanh ah, ka ṭa a si, na ka ti lai,’ ka ti,” tiah a ti.

NAMBAR 10:30

Sihmanhsehlaw amah nih, “Ka kal lai lo; keimah ka ram le ka rualchan hna sinah ka kal lai,” tiah a ti.

MATTHAI 2:21

Cucaah Josef cu a tho i ngakchia le a nu cu Israel ram ah khan a hun kirpi hna.