HABAKKUK 3:17 - Lai (Hakha) Common Language Bible 2006

¹⁷ Theipi kung cu par loin, Mitsur ruang zongah a thei um hmanh hlah seh, Oliv thing cu tlai loin Lo zongah tirawl zeihmanh chuak loin um hmanh seh, Kawm chung saṭil run kha um loin Saṭil inn ah saṭil kha um hmanh hna hlah seh law,

HABAKKUK 3:17 Խաչաձեւ Հղումներ

JEREMIAH 5:17

Nan kumvui mi le nan rawl kha an ei dih lai, Nan fanu le nan fapa hna kha an ei dih hna lai, Nan tuurun le nan cawrun kha an ei dih hna lai, Nan mitsur hang hna le nan theipi kung hna kha an hrawh dih hna lai, Nannih nih nan i bochanmi nan khua hna cu, kulhnak vampang ngei hmanh hna seh law, Vainam in an chimh dih hna lai.

2 KORIN 4:8

Khatlei khatlei in an kan rial dip lengmang, sihmanhsehlaw kan kek ngaingai bal lo; lungawṭawm in kan um tawn, sihmanhsehlaw kan hnabei a dong bal lo;

2 KORIN 4:9

ral tampi kan ngei, sihmanhsehlaw hawi pakhat loin kan um bal lo; cei tein an kan ṭhuat tawn, sihmanhsehlaw kan thi taktak bal lo.

JEREMIAH 12:4

Zei can dah kan ram hi car remrum in a um lai i A ram hring hna hi rocar in an um lai? A chung mi hna kha an ṭhat lo tuk ca le, ‘Kan tuahmi kha Pathian nih a hmu lai lo,’ tiah an ti caah, Va si hna seh, saram si hna seh, a tangmi zeihmanh an um lo.

MIKAH 6:15

Thlaici cu nan tuh lai, sihmanhsehlaw nan zun lai lo, Oliv chiti cu nan sur lai, sihmanhsehlaw nan hmang hna lai lo, Mitsur thei cu nan nen hna lai, sihmanhsehlaw a hang cu nan ding hna lai lo.

MALAKHI 3:11

Nan vawlei nih a chuahmi thil a hrawktu hna le nan mitsur ruang car koin a tuahtu hna buṭit khaubawk cu ka kham hna lai i nan lo i mitsur ruang hna cu an thei a sur in an i sur lai, tiah ralkapbu Bawipa nih a ti.