HABAKKUK 3:10 - Lai (Hakha) Common Language Bible 2006

¹⁰ Tlang nih an in hmuh tikah an i ngerh cukmak, Tilian hna cu an luang hluahmah; a thukmi rili hna cu an awn.

HABAKKUK 3:10 Խաչաձեւ Հղումներ

HEBRU 11:29

Rili Sen, vawlei ro cung bantukin Israel mi a tantertu hna kha zumhnak a si; Izipt mi nih tan an timh ve tikah ti nih khan a dolh hna.

SALM 93:3

Bawipa, rilipi cu a awn, a tilet cu an awn hluahmah ko.

MATTHAI 27:51

Khi tikah Biakinn chung puanzar kha a lu in a taw tiang aa cheu. Vawlei kha aa hnin, lung kha an i cheu i

JEREMIAH 4:24

Tlang khi ka hei zoh hna i an sawn len ko, Mual vialte cu an i hnin dih.

ISAIAH 43:20

Ka thimmi ka mi hna ti pek awk caah ramcar chung i tiva ka luanter hna tikah cun, ramlak saram hmanh nih khan an ka upat lai, ram-ui le ostrik va hmanh nih khan an ka upat lai.

JOSHUA 4:18

Cun Bawipa biakamnak kuang a zawntu tlangbawi hna kha Jordan tiva chungin an chuah i tlangbawi hna keza nih cun lei ro a tawngh tikah, Jordan tiva ti cu an umnak ah an kir ṭhan i hmasa bantuk khan a kuang cu a liam ko.

BIAPHUAN 20:11

Cun bawiṭhutdan raangpi le a cung i a ṭhumi kha ka hmuh hna. A cung i a ṭhumi hmaika cun vawlei le van kha an zaam i an um ti lo.

BIAPHUAN 16:12

Cun vancungmi paruknak nih a kanto cu Zufrates tivapi cungah a bungh. Tiva cu a kao i nichuahlei in a rami siangpahrang hna caah khan lam a rak awnter.

BIAPHUAN 6:14

Cazual an zual bantuk khin van cu a lo i tlang le tikulh vialte cu an umnak hmun in an ṭhial dih hna.

HABAKKUK 3:6

A dir tikah vawlei kha aa hnin, a zoh hna tikah miphun kha an ther; Zungzal in a hmunmi tlang hna cu an i cheu i zungzal in a hmunmi fing hna cu an cim;

NAHUM 1:5

A hmaiah tlang pipi kha an i hnih i tlang hme deuhdeuh hna kha an i let, A hmaiah vawlei le a cung i a ummi vialte hna cu i tuaibur in an um.

MIKAH 1:4

Mei nih khuaiseng kha a linh tikah a zor bantukin tlang hna cu amah toiah cun an zor i, Tlang pang ah ti an luan bantuk khin horkuang chungah an vung luang.

ISAIAH 55:12

“Babilon in lunglawm in nan chuak lai; khuapi chungin daihnak he nan chuak lai. Fing le tlang kha lunglawm in hla an sa lai i thingkung kha lunglawm in an au lai.

SALM 66:6

Rili cu vawlei ro ah a canter i kan pupa hna nih tiva cu an ke in an tan. Cuka ah cun, a tuahmi thil ruangah khan kan i lawm.

SALM 65:13

Ram hnonak hmun cu tuu in an khat i nelrawn cu facang in an khat; lunglawmhnak in an au i hla an sa.

SALM 18:15

Maw Bawipa, nangmah nih na ral cu na sik hna i na thinhun in na onhhnawh hna tikah rili tawne cu a lang i vawlei hram cu a chin kha aa hung.

NEHEMIAH 9:11

Cun an hmaiah rili kha na cheu i cucaah rili chungah khan vawlei ro cungin an kal; cun a dawitu hna kha, a ṭhawngmi ti chungah lung a tlak bangin, a thukmi ti chungah na paih hna.

MATTHAI 8:24

Chikkhatte ah khin thlichia a hrang ciammam i tilet nih lawng cu a khuh. Sihmanhsehlaw Jesuh cu aa hngilh.

SALM 104:32

Vawlei kha a zoh tikah vawlei cu a ther in a ther, tlang kha a tawngh tikah meikhu kha a chuak.

SALM 148:7

Rili chung thil ṭihnung hna le rilipi thuk hna, Bawipa cu vawlei ah hin thangṭhat u!