HABAKKUK 2:5 - Lai (Hakha) Common Language Bible 2006

⁵ Rumnak hi hlen a hmang, mihakkau hi an i porhlaw i dai zirziar in an um kho lo. Thihnak bantuk an si — khim ti an ngei lo. Cucaah cun ram khat hnu ram khat an tuk hna i an tei hna i an mi kha an sinah an pumh hna.

HABAKKUK 2:5 Խաչաձեւ Հղումներ

PHUNGTHLÛKBIA 27:20

Sheol le Abaddon cu zeitikhmanh ah an vuai bal lo. Minung mit zong zeitikhmanh ah a vuai bal ve lo.

PHUNGTHLÛKBIA 20:1

Zu hi nihsawhnak mi a phorhtu a si, Ritnak zu hi i siknak a si; zu rit cu hruh a si.

ISAIAH 21:5

Langhnak ka hmuhmi ah cun, rawl danghnak nganpi an timh; sawmmi hna ṭhutnak ah puan kha an phah. An ei an ding. Cu lioah cun chikkhatte ah khin, “Bawi pawl, nan phaw i lak u,” ti thawng a hung thang.

ISAIAH 16:6

Judah mi nih an i thawh i, “Moab mi cu miporhlaw ngaingai an si kha kan theih. Miruamkai, mizum an si kha kan hngalh, sihmanhsehlaw an tluangkhawnnak cu pakpalawng an si,” an ti.

ISAIAH 5:8

Nan lo cang! Nan ngeih cia ah khan inn thar le lo thar lawng nan i chap chin luaimai ko. Midang caah hmun a dih zau cang lai i ram chungah hin nanmah pi lawng khua nan sa lai.

ISAIAH 2:17

Cun minung porhlawtnak cu a dong lai i minung ruamkainak cu a rawk lai. Cu ni a phak tikah cun Bawipa lawnglawng kha hlorh a si lai i

PHUNGCHIMTU 5:10

Tangka duhmi na si ahcun, zeitikhmanh ah kaa za cang na ti kho bal lai lo; rum a duhmi na si ahcun, na duhmi vialte kha cu na hmu kho bal lai lo. Pakpalawng a si ko.

SALM 138:6

Bawipa cu hi tluk hin a sang hringhran ko nain minauta kha an zawn a ruah hna i miruamkai kha a hmuh lonak ah an i thup kho lo.

2 SIANGPAHRANG 14:10

Edom cu na tei taktak ko i na hnar a puar hi ta. Sunparnak na hmuhmi cu i za ko law inn ah um ko; zeicahtiah zeicahdah nangmah tluknak dingah le nangmah sinah Judah zong tlukter dingin hnahnawhnak kha na chuahter lai?” a ti.

JEIM 4:6

Sihmanhsehlaw Pathian pekmi vel cu cu nak hmanh cun a ṭhawng deuh chinchin. Cathiang nih a ti bangin, “Pathian nih aa porhlawmi cu a doh hna i mi toi i aa dormi kha vel a ngeih hna.”

1THESALON 4:11

Hmasa ah kan in chimh hna bantuk khan, dai tein khuasak kha i tinh u law nanmah nan riante kha ṭuan u law nanmah tein nan paw i cawm u.

HABAKKUK 2:4

Cun a bia cu hihi a si: “A ṭha lomi cu a nung lai lo. Sihmanhsehlaw a dingmi cu a nung lai. Pathian sinah zumhtlak a sinak thawngin a nung lai,” a ti.

JEREMIAH 51:39

An zu dinnak cu zawtnak in ka donghter lai i An rit tuk ah an i ngerh len lai i an i lawng len lai. A dong lomi hngilhnak chungah khan an tla lai i An i hlau ti lai lo, tiah Bawipa nih a ti.

JEREMIAH 50:29

Nan cantiang in paw vungmang in Babilon cu kap u, Nannih nan likuk a za sih cia in a ummi hna. A velchum in nan riahbuk in kulh u, pakhat hmanh luatter hna hlah u. Ṭhat lonak a tuahmi thil vialte kha lehrul dih u; Amah nih Bawipa, Israel Mi Thiang kha zei ah a rel lo caah Amah nih a rak tuah bantuk khan a cungah tuah ve u.

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.

PHUNGTHLÛKBIA 21:24

Aa porhlaw i a ruam a kai i ninghngal in mi zei ah a rel lomi cu a min ah “Nihsawhtu” ti a si.

ISAIAH 5:14

Mithi khua cu anmah ei duh ah khan a kaa kau piin aa an ko. Jerusalem khua chung tuavon pawl zong kha, zapi pawl aa chawk ur komi hna he cun a dolh duahmah ko hna.

ISAIAH 14:6

an ṭhawnnak cu Bawipa nih a donghter cang.

HABAKKUK 1:15

Ngatlaitu hna nih khan sio in an sio hna, sur sau in an hnuh hna i sur in an pumh hna, Cun an tlaihmi kha a tam caah an i lawm i an lam.

HABAKKUK 1:17

Cu bantuk cun mi nih vainam kha an i phawi zungzal ko i Zaangfahnak um loin miphun kha an sam lengmang ko hna.