GENESIS 9:20 - Lai (Hakha) Common Language Bible 2006

²⁰ Noah cu lothlo a si i amah cu mitsur dum a ser hmasa biktu a si.

GENESIS 9:20 Խաչաձեւ Հղումներ

PHUNGCHIMTU 5:9

Ram pakhatkhat nih a herh tawnmi cu lo thlawhnak lei i lungthin a ngeimi siangpahrang a si.

PHUNGTHLÛKBIA 24:30

Mizaangthupa lo kha ka tan i ruahnak ruahnak a ngei lomipa mitsur dum kha ka pal,

PHUNGTHLÛKBIA 12:11

Amah a lote a thlo lengmangmi cu ei awk a za in a ngei, sihmanhsehlaw san a tlai lomi rian i caan pakpalawng i hman cu hruh a si.

PHUNGTHLÛKBIA 10:11

Miding kaa cu nunnak cerhti a si, sihmanhsehlaw miṭhalo hna kaa nih cun zaang-ennak kha an i hmawm.

DEUTERONOMI 28:30

Nupi nan ham lai i midang nih an ihpi lai; inn nan sak lai i nan umnak lai lo; mitsur dum nan ser lai i a theitlai cu nan ei lai lo.

DEUTERONOMI 20:6

Mitsur dum a ser i a theitlai aa nuamhpi rih lomi nan um maw? Cu pa cu a inn ah kir ṭhan seh, raltuknak hmun ah a thih sual ahcun midang nih an i nuamhpi sual lai.

GENESIS 5:29

“Bawipa nih chiat a serhmi vawlei i rian har kan ṭuannak hin, hi pa nih dinhnak a kan pek lai,” tiin, a min ah Noah a sak.

GENESIS 4:2

Cun hnu deuh ah a nau Abel zong kha a hun hrin. Abel cu tuukhal a si i Kain cu lothlo a si.

GENESIS 3:23

Cucaah Bawipa Pathian nih khan Eden dum chung cun a ṭhawl i amah a sernak vawlei kha thlawh awkah a kalter.

1 KORIN 9:7

Ralkap aho nih dah ralkap chung i an um lioah anmah tein an paw an i cawm bal? Lothlopa ahodah a lo chungin a chuakmi mitsur thei ei loin a um bal? Tuukhal ahodah a tuurun chungin a hmuhmi tuu hnuk ding loin a um bal?

SOLOMON HLA 1:6

Ka me hlah u ka cuar dum ruangah hin, lai ninu laak ka si fom cu ta; Ka chuah sempi ṭa nih an thin linh in ka fial hna, mitsur dum ven cu, Cu ruangah maw kei mitsur dum ven loin ka um ko ai hi.

GENESIS 9:19

Hi Noah fapa pathum hi vawlei cung mi vialte a hringsortu hna an si.

GENESIS 9:21

Mitsur zu cu a din i a ri, a thilpuan vialte kha aa phoih dih i a thlam chungah taklawng in a it.