GENESIS 8:20 - Lai (Hakha) Common Language Bible 2006

²⁰ Noah nih Bawipa caah biakṭheng pakhat a ser; saram thiang pawl le va chung khan phun khat ah pakhat cio a lak hna i khangh thawinak caah biakṭheng cungah cun a khangh hna.

GENESIS 8:20 Խաչաձեւ Հղումներ

ROM 12:1

Cucaah ka u le ka nau hna, Pathian nih a kan zaangfahnak a nganmi ruangah hin, Pathian sinah a nung in pekchanhmi raithawinak bantukin i pe tuah u; a rian ah aa pumpemi le cohlan awk tlakmi si tuah u; cucu biaknak taktak Pathian nan pek awk biaknak cu a si.

GENESIS 22:9

Bawipa nih a chimhmi hmun kha an phak tikah, Abraham nih biakṭheng pakhat a ser i a cungah thing kha a chiah. A fapa cu a ṭem i biakṭheng cung thing cungah cun a chiah.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

HEBRU 13:10

Judah mi biaknak thlam chung i rian a ṭuanmi hna tlangbawi hna nih khan kannih biakṭheng cung i thawimi raithawinak sa einak nawl kha an ngei lo.

EXODUS 10:25

Moses nih cun aa thawh i, “Cu ti a si ahcun, Bawipa kan Pathian sin i pekchanh awkah, raithawinak ding ca le khangh thawinak ding caah saṭil na kan pek a hau lai.

GENESIS 35:7

Cuka ah cun biakṭheng pakhat a ser i cuka hmun cu a min ah Bethel a sak; zeicahtiah a u sinin a zam lioah khan khaka hmun ah khan a sinah Pathian a lang.

GENESIS 35:1

Pathian nih Jakob cu a thawh i, “I tim law Bethel ah kal law cuka ah cun va um. Cun na u Esau sinin na zam lio i na sin i a langmi Pathian caah khan cuka ah cun biakṭheng pakhat in va ser,” a ti.

GENESIS 33:20

Cuka ah cun biakṭheng pakhat a ser i a min ah El, Elohe-Israel, a sak.

GENESIS 26:25

Cuka ah cun Isak nih biakṭheng pakhat a ser i Bawipa cu a biak. Cun cuka ah cun a thlam kha a bunh i a salle nih khan tikhor pakhat an cawh.

GENESIS 13:18

Cucaah Abram nih a riahhmun cu a ṭhial i Hebron khua i Mamre thingzarh an umnak ah khan a va um, cuka ah cun Bawipa caah biakṭheng pakhat a va ser.

GENESIS 13:4

Biakṭheng a rak sernak hmun ah khan a hung kal ṭhan i cuka ah cun Bawipa kha a biak.

GENESIS 7:2

Saram thiang pawl kha cu tuah sarih cio in i luhpi hna (saram thiang timi cu ei khawhmi pawl tinak a si), asinain a thianglo pawl kha cu a nu pakhat le a pa pakhat lawngin i luhpi hna.

GENESIS 4:4

Cun Abel zong nih khan a saṭil nih an hrin hmasa bikmi hna kha a rak put ve hna i a thah hna i an sa a ṭhatnak bik kha Bawipa sinah cun laksawng ah a pek ve hna. Bawipa cu Abel le a laksawng cungah khan a lung a si,

GENESIS 22:2

Pathian nih cun a thawh i, “Na fapa, fapa pakhat lawngte na ngeihmi Isak na dawtmi kha i lak law Moriah ram ah va kal. Cuka ah cun kan hmuhsak laimi tlang cungah khangh thawinak ah na khangh lai,” a ti.

GENESIS 8:19

Ramlak saram vialte, inn zuat saṭil vialte, va vialte, saram hna phun vialte kha, anmah le an phun ning cio in a bubu in lawng chung cun an chuak.

JOB 1:5

Cun an puai kha a dih tikah Job nih khan a auh hna i a thianh hna; zingkate in a tho i an milu tlingte khan khangh thawinak a pekchanhpiak tawn hna; zeicahtiah Job nih cun aa thawh i, “Ka fapale hna nih hin sualnak an tuah ko hnga i an lung chungin Pathian kha an vawlhpamh ko hnga,” tiah a ti. Cuticun Job nih a tuah lengmang tawn.

GENESIS 7:3

Cun va zong kha tuah sarih cio in i luhpi hna. Cu ti na tuah cu saram hna le va hna kha, vawlei cungah hin an ci lo hlah seh tinak caah a si lai.

EXODUS 29:18

Tuukawng cu a ning piin raithawinak caah biakṭheng cungah khan na khangh lai. Hi thawinak hi Bawipa ca i khanghmi thawinak a si; mei in khanghmi thawinak, Bawipa duhmi rimhmui thawinak a si.

EXODUS 29:25

Cun rawl cu an kut chung khan na lak hna lai i khangh thawinak cungah khan biakṭheng cungah na khangh hna lai. Cu ti na tuah cu Bawipa duhmi rim thaw um seh ti caah a si; cu thawinak cu Bawipa sinah pekmi thawinak mei in khanghmi thawinak a si.

NAMBAR 7:21

khangh thawinak ca i cawtum no pakhat, tuukawng pakhat, tuufa a pa kum khat a timi pakhat;