GENESIS 48:17 - Lai (Hakha) Common Language Bible 2006

¹⁷ A pa nih Efraim lu cungah a orhlei kut a chuan kha Josef nih a hmuh tikah a awlok a chong i cucaah a pa kut cu Efraim lu cung khan a lak i Manasseh lu cungah a chiah.

GENESIS 48:17 Խաչաձեւ Հղումներ

GENESIS 48:14

Sihmanhsehlaw Israel nih khan a kut cu a rak kalhkeh hna i a orhlei kut cu ngakchia deuh a simi Efraim lu cungah khan a chiah i a kehlei kut cu upa deuh a simi Manasseh lu cungah khan a chiah.

ROM 9:11

Sihmanhsehlaw pakhat u a thim kha Pathian tinhning lawnglawng in a si nakhnga caah Pathian nih Rebekka cu, “A u nih a nau kha a rianh lai,” tiah a chimh. Hi bia a chim hi an chuah hlanah a si, a ṭha siseh, a ṭhalo siseh, zeihmanh an tuah hlan ah a si; cucaah Pathian nih pakhat a thim cu anmah an tuahmi ruangah khan a si lo, amah nih a kawh ruang tu ah khan a si ko.

PHUNGTHLÛKBIA 24:18

Cu bantukin na um ahcun Bawipa nih a hngalh lai i na cungah a lung aa lawm lai lo i amah kha dantatnak in a luatter sual lai.

1 CHANRELNAK 21:7

Sihmanhsehlaw Pathian cu hi thil cungah khan aa lawm lo i Israel mi kha a thah hna.

1 SIANGPAHRANG 16:25

Omri nih Bawipa mithmuh ah thil ṭhalo a tuah i amah hlan i a rak ummi vialte hna nakkhan thil ṭhalo tam deuh a tuah.

1 SAMUEL 16:7

Sihmanhsehlaw Bawipa nih Samuel sinah cun, “A muisam in siseh, a pumrua in siseh, zoh hlah, zeicahtiah amah cu ka hlawt cang; zeitintiah Bawipa nih cun mi i an zohning in a zoh lo; mi nih cun lenglei langhning kha an zoh, sihmanhsehlaw Bawipa nih cun lungthin kha a zoh,” tiah a ti.

NAMBAR 22:34

Cun Balaam nih Bawipa vancungmi sinah cun, “Ka sual cang, zeitintiah keimah donh awkah lam ah na rak dir ti kha ka hngal lo. Cucaah na mithmuh ah thil ṭhalo a si ahcun ka kir ṭhan ko lai,” tiah a ti.

NAMBAR 11:1

Cun mi hna nih cun Bawipa theih ah sifah retheih an innak ruangah khan an zai; mah cucu Bawipa nih a theih tikah a thinhunnak cu a alh i Bawipa mei cu annih lakah a kang i riahhmun kikam i a ummi riahbuk a cheu khat hna cu an kang dih.

GENESIS 38:10

A tuahmi nih khan Bawipa cu a lawmhter lo caah amah zong cu a thah ve.

GENESIS 28:8

Cucaah Esau nih, ka pa Isak nih Kanaan mi nu kha a duh hna lo ti kha a hngalh.

GENESIS 48:18

A pa cu, “Ka pa, hitihin cun a si lai lo. Hi pa hi pei upa deuh a si cu, amah cungah hin ta na orhlei kut kha na chiah,” a ti.

JOSHUA 17:1

Cun Manasseh phun kha vo pek an si, amah cu Josef fater kha a si. Manasseh fater Makhir, Gilead pa cu ralkap a si caah Gilead le Bashan kha pek a si.