GENESIS 48:14 - Lai (Hakha) Common Language Bible 2006

¹⁴ Sihmanhsehlaw Israel nih khan a kut cu a rak kalhkeh hna i a orhlei kut cu ngakchia deuh a simi Efraim lu cungah khan a chiah i a kehlei kut cu upa deuh a simi Manasseh lu cungah khan a chiah.

GENESIS 48:14 Խաչաձեւ Հղումներ

GENESIS 41:51

Josef nih cun, “Pathian nih ka temhinnak vialte le ka pa innchungkhar chung mi vialte kha a ka philhter dih hna,” tiin a fapa hmasa bik cu a min ah Manasseh a sak.

1TIMOTE 5:22

Bawipa rianṭuantu ding caah ahohmanh khulrang tuk in kutchuannak va pe hna hlah. Midang tuahmi sualnak ah i tel loin thiang tein um i zuam ko.

1TIMOTE 4:14

Profet hna nih bia an chim i upa hna nih na cung i an kut an chuan tikah na hmuhmi thlarau laksawng kha hlothlau hlah.

LAMKALTU 13:3

Rawl an ulh i thla an cam dih in an cungah an kut an chuan i an thlah hna.

LAMKALTU 6:6

Cu hna cu lamkaltu hna sinah khan an hei chuahpi hna i thla an campiak hna i an lu cungah an kut an chuan.

LUKA 13:13

A cungah khan a kut a chuan i cu cangka cun ding tein a dir kho i Pathian kha a thangṭhat.

LUKA 4:40

Ni tlak hnuah, mizaw a ngeimi paoh nih khan, zawtnak a phunphun in a zawmi an mizaw hna kha Jesuh sinah cun an ratpi hna; an lu cungah khan a kut a chuan diahmah i an dihlak in a damter hna.

MATTHAI 19:15

An cungah a kut a chuan i a kal.

MATTHAI 19:13

Mi zeimaw nih ngakchia kha Jesuh sinah khan an ratpi hna i, an cung i a kut chiah awk le thlacampiak hna awkah an nawl; sihmanhsehlaw a zultu nih khan an rak sik hna.

MATTHAI 16:18

Cucaah cun nang cu lung tum, Peter, na si, kan ti. Cun hi lungpi cungah hin ka Khrihfabu hram ka bunh lai i cucu thihnak hmanh nih a tei kho lai lo.

MATTHAI 6:5

“Thla nan cam tikah mi depde pawl nih an cam bantukin va cam hlah u. Annih nih cun, mi nih kan hmu hna seh, tiin pumhnak inn chung i dir riangmang i cam le zatlang lam tonnak i cam kha an duh. Hihi philh hlah u! Annih cu an laksawng kha tling tein an hmu cang.

SALM 118:16

a ṭhawnnak nih teinak a kan pek, a ṭhawnnak a liannganmi nih raltuknak hmun ah teinak a kan pek!” an ti.

SALM 110:1

Bawipa nih siangpahrang ka Bawipa cu a thawh i, “Na ral cu na ke tangah ka chiah hna hlantiang, ka orhlei kamah hin ṭhu tuah,” tiah a ti.

DEUTERONOMI 34:9

Cun Nun fapa Joshua cu, Moses nih a cungah a kut a chuan caah, fimnak thlarau in a khat; cucaah Israel mi nih a bia an ngaih i Bawipa nih Moses nawl a pek bang khan an tuah.

NAMBAR 8:18

Levi mi hna cu Israel mi hna lak i fater vialte can ah khan ka lak cang hna.

NAMBAR 8:10

Levi mi cu Bawipa hmaika ah na chuahpi hna tikah, Israel mi nih Levi mi hna cungah an kut an chuan lai,

EXODUS 15:6

Bawipa, na orhlei kut a ṭhawngmi cu khuaruahhar a si; ral pawl kha a den cikcek hna.

GENESIS 48:18

A pa cu, “Ka pa, hitihin cun a si lai lo. Hi pa hi pei upa deuh a si cu, amah cungah hin ta na orhlei kut kha na chiah,” a ti.

GENESIS 46:20

Izipt ram ah On khua tlangbawi Potifera fanu Asenath nih khan Izipt ram ah Josef cu Manasseh le Efraim a hrinpiak hna.

GENESIS 41:52

Cun, “Harnak ka innak ram ah Pathian nih fa a ka pek,” tiin a fapa pahnihnak cu Efraim a sak.

GENESIS 48:13

Josef nih an pahnih in an kut in a tlaih hna. Efraim kha a orhlei kut in a tlaih, zeicahtiah Israel kehlei ah um seh ti a duh, Manasseh kha a kehlei kut in a tlaih, zeicahtiah Israel orhlei ah um seh ti a duh, cuticun Israel sinah cun a hei kalpi hna.

GENESIS 48:17

A pa nih Efraim lu cungah a orhlei kut a chuan kha Josef nih a hmuh tikah a awlok a chong i cucaah a pa kut cu Efraim lu cung khan a lak i Manasseh lu cungah a chiah.

NAMBAR 2:18

“Nitlaklei kam i a um hnga ding cu Efraim riahhmun alan a si lai, an bubu in, Efraim mi a hruitu hna cu Ammihud fapa Elishama a si,