GENESIS 47:29 - Lai (Hakha) Common Language Bible 2006

²⁹ A thih caan kha a naih tikah a fapa Josef kha a auh i, “Ka sinah bia i kam tuah. Na kut kha ka phei tangah chia law, na cungah ka ṭha lai i zumhawktlak tein ka um lai. Izipt ram ah kan vui lai lo tiin, bia i kam.

GENESIS 47:29 Խաչաձեւ Հղումներ

DEUTERONOMI 31:14

Cun Bawipa nih Moses sinah, “Zohhmanh, na thihnak caan a nai cang; Joshua kha ko law tonnak thlam chungah ratpi tuah, amah cu rian ka pek nakhnga,” tiah a ti. Cun Moses le Joshua cu an kal i tonnak thlam chungah cun an va lut.

GENESIS 24:49

Cucaah cun ka bawipa cungah hin a phung ning bantukin rian cu kan ṭuan lai nan ti ahcun ka chim u; cun kan ṭuan hnga lo nan ti ahcun ka chim fawn ko u, cuticun lung i thleh awk kaa hngal lai,” a ti.

GENESIS 24:2

A sal upa bik, a ngeihmi thil vialte a zohkhenhtu kha a thawh i, “Ka phei tangah na kut chia law bia i kam.

1 SIANGPAHRANG 2:1

David kha a thih caan nih a naih tikah a fapa Solomon cu ro a vuih i,

HEBRU 11:22

Josef nih khan a thih lai ah, Israel mi cu Izipt ram in an chuak te lai, tiah zumhnak in a chim. Cun a pum kha, zeitindah run tuah awk a si lai tiah bia a chiahtaktertu zong kha zumhnak ṭhiamṭhiam a si.

HEBRU 9:27

Minung hi voi khat kan thi lai i cu hnuah cun Pathian nih bia a kan ceih lai.

SALM 89:48

Ahodah thi loin a nung zungzal kho lai? Zeitindah mi nih cun thlan cu a hrial khawh lai? Selah

SALM 49:9

thlan chungin a luattertu le zungzal in a nuntertu ah a zaa bal lai lo.

SALM 49:7

Minung nih cun zeitikhmanh ah amah le amah aa tlan kho lo; a nunnak man kha Pathian a cham kho lo;

SALM 6:5

Mithi khua ah ahohmanh nih an in hngal lo, Sheol ah ahohmanh nih an in thangṭhat kho lo.

JOB 30:23

Minung a simi paohpaoh ca i na chiahmi hmun, thihnak ah cun na ka kalter lai ti kha ka hngalh.

JOB 14:14

Cucaah ka rian cu zeitluk in a sau hmanh ah ka lung a dong lai lo i Ka luatnak ding cu ka rak hngah ṭhiuṭheo ko lai.

JOB 7:1

“Vawleicung ah hin mi nih rian har a ngei a si lo mei? Cun a ni hna hi hlanchom sinum ni bantuk an si ko lo maw?

2 SAMUEL 14:14

Kannih cu kan dihlak in kan thi hrimhrim ko lai, vawlei i thletmi ti ruh ṭhan khawh ti lomi bantuk khi kan si; sihmanhsehlaw hi a zammi fapa hi phung leng chuahmi si lo dingin khua a khangtu cu a nunnak Pathian nih a lakpiak lai lo.

2 SAMUEL 7:12

Cun na ni kha a tlin i na pupa hna sinah na ih tikah, nangmah pum chungin a chuak laimi na fapa cu nangmah hnuah a chan ka thawhter lai i a pennak kha ka fehter lai.

GENESIS 47:9

Jakob nih cun, “Ka vahvaih chung hi kum za le sawm thum a si cang. Hi kum hna hi a harmi kum an si. Ka pupa hna an vahvaih kum he tuak chun ahcun tlawmte a si ko,” tiah a leh.

GENESIS 3:19

Rawl na hmuh khawhnak dingah, vawlei i na kir ṭhan hlan tiang, thlan hripi puak in na cawl a hau lai; Nangmah cu, cu vawlei cun sermi na si. Leidip na si i leidip ah na kir ṭhan lai,” a ti.

GENESIS 27:2

Isak nih cun a thawh i, “Ka tar i ka thi chom cang lai.

GENESIS 50:5

‘Ka pa nih a thih lai ah, Kanaan ram chung i aa cawhmi thlan ah na ka vui lai, tiah bia a ka kamter caah ka pa ruak cu va ka vuiter seh law ka vui dih in ka ra kir ṭhan lai, a ti,’ tiah va ka chimhpiak u,” a ti hna.

1 SAMUEL 26:10

Cun David nih, “Bawipa nih a nun bangin, Bawipa nih a thah te ko lai; a si lo ah a thih ni cu a phan te ko lai; a si lo ah raltuknak hmun ah a kal lai i a lo tlau te ko lai.

2 SAMUEL 2:32

Cun Asahel kha an lak i Bethlehem i a pa thlan ah khan an vui. Cun Joab le a mi hna cu zan khuadei an kal i Hebron an phak ah khua nih a dei phuat hna.

GENESIS 48:21

Cun Israel nih Josef cu, “Ka thi dengmang cang ti cu na hngalh. Asinain Pathian nih an umpi lai i na pupa hna ram ah khan an kirpi ṭhan lai.

GENESIS 50:12

Cuticun Jakob nih a chimh hna bang khan a fale nih cun an tuah;

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.

JOSHUA 2:14

Cun mi hna nih cun a sinah, “Kan nun ah nan nung ve lai! Hi kan rian hi na chim lo ahcun, Bawipa nih hi ram kha a kan pek tikah zaangfahnak te le zumh awk tlak tein kan in ti lai,” tiah an ti.

JOSHUA 23:14

“Cun, atu cu vawleicung vialte phung bangin ka kal ve cang lai. Nannih nih nan dihlak in, Bawipa nan Pathian nih nanmah kongah biakamnak a tuahmi thilṭha vialte lakah pakhat hmanh pakpalawng a can lo kha nan lungthin le nan ruahnak in nan hngalh; nannih caah a dihlak in a tling dih, pakhat hmanh a bau lo.