GENESIS 46:4 - Lai (Hakha) Common Language Bible 2006

⁴ Izipt ram ah cun ka vun in kalpi lai i na tefa cu hika ah hin ka kirpi ṭhan hna lai. Na thih tikah Josef nih an umpi lai,” a ti.

GENESIS 46:4 Խաչաձեւ Հղումներ

EXODUS 3:8

Izipt mi hna sinin chanh i a vawlei a ṭhami le a hmun a kaumi ram i annih cu kalpi awkah ka rung ṭum cang. Cu ram cu ram rum le ram ṭha a si i atu ah Kanaan mi hna le Hit mi hna le Amor mi hna le Periz mi hna le Hiv mi hna le Jebus mi hna kha cuka ah cun an um.

GENESIS 50:1

Josef nih a pa cu aa kunhnawh i a ṭap i a hmai ah a hnamh.

GENESIS 48:21

Cun Israel nih Josef cu, “Ka thi dengmang cang ti cu na hngalh. Asinain Pathian nih an umpi lai i na pupa hna ram ah khan an kirpi ṭhan lai.

GENESIS 28:15

Khuazeika na kalnak hmanh ah kan umpi zungzal lai i kan huhphenh zungzal lai, cucu philh hlah, cun hi ram ah hin kan kirpi ṭhan lai. Kan chimhmi vialte ka tuah dih hlanah cun nangmah cu kan kaltak lai lo,” tiah a ti.

GENESIS 50:5

‘Ka pa nih a thih lai ah, Kanaan ram chung i aa cawhmi thlan ah na ka vui lai, tiah bia a ka kamter caah ka pa ruak cu va ka vuiter seh law ka vui dih in ka ra kir ṭhan lai, a ti,’ tiah va ka chimhpiak u,” a ti hna.

GENESIS 50:13

Kanaan ram ah khan an kalpi i Abraham nih Hit mipa Efron sinin vuinak hmun caah a cawkmi vawlei Mamre in nichuahlei i a ummi Makpelah lo chung lungkua ah khan an vui.

EXODUS 3:17

cucaah nannih cu an in hrem hnanak Izipt ram khan kan chuahpi hna lai i Kanaan mi le Hit mi le Amor mi le Periz mi le Hiv mi le Jebus mi an umnak ram ah khan kan kalpi hna lai. Cu ram cu ram rum le vawlei a ṭhatnak hmun a si,” a ti,’ tiah va chim hna.