GENESIS 46:34 - Lai (Hakha) Common Language Bible 2006

³⁴ ‘Kannih cu bawipa, kan pupa nih an rak tuah tawn bangin kan no lio tein saṭil zohkhenh kan si,’ nan ti lai. Cu ti nan ti ahcun Goshen ram ah hin nan um kho lai,” a ti hna. Hi bangin a chimh hna cu Izipt mi nih khan tuukhal paoh cu an duh hna lo caah a si.

GENESIS 46:34 Խաչաձեւ Հղումներ

EXODUS 8:26

Moses nih khan, “Cucu a ṭha lai lo, zeicahtiah Bawipa kan Pathian sin i rai i kan thawimi saṭil hna kha Izipt mi nih hin an fih hna lai. Izipt mi nih an fihmi saṭil kha kan hman hna i an mit hmuh i kan thawi hna ahcun, lung in thi lakin an kan cheh lai.

GENESIS 43:32

Josef cu amah dang tein an pek, cun a unau pawl cu cabuai a dang pakhat ah an pek hna i Josef sinah rawl a eimi Izipt mi cu anmah dang tein an pek ve hna, zeicahtiah Izipt mi nih cun Hebru mi he rawl ei ṭi cu ningzak ah an rel.

GENESIS 46:32

Annih cu tuukhal an si i saṭil kha an khal hna; an tuurun vialte le an saṭil run vialte hna le an ngeihmi thil vialte hna kha an rak i ratpi hna,’ tiah Faro kha ka va chimh a hau lai.

GENESIS 37:12

An pa saṭil run khalh awkah khan Josef unau pawl cu Shekhem ah khan an va kal i

GENESIS 45:10

Goshen peng ah na um lai i ka pawngah na um kho lai — nangmah he, na fale he, na tule he, na tuu hna he, na meheh hna he, na caw hna he, na ngeihmi thil vialte hna he.

GENESIS 30:35

Sihmanhsehlaw cu ni ah cun Laban nih khan, mehehtum a ṭialmi vialte le a deh in aa dehmi vialte, mehehpi a ṭialmi vialte le a deh in aa dehmi vialte, an pum cungah rannak a ngeimi vialte kha a dang in a chiah dih hna i tuu a nakmi zong kha a dang in a chiah dih hna i a fapale kha a khalhter hna.

GENESIS 34:5

Jakob nih a fanu a min a chiatter kha a theih, asinain, a fapale kha ramlak ah caw an khal i an um lo caah an ra kir hlan cu zeihmanh tuah loin a um.

GENESIS 13:7

Cucaah Abram saṭil cawng hna le Lot saṭil cawng hna kha an i si lengmang. (Cu lioah cun Kanaan mi hna le Periz mi hna kha cu ram chungah cun an um ko rih).

GENESIS 13:8

Cun Abram nih Lot cu a thawh i, “Kannih cu rualchan kan si, na mi hna le ka mi hna hi an i sik lengmang awk a si lo.

GENESIS 26:20

Gerar khua saṭil khal hna le Isak saṭil khal hna cu an i si i bu khat nih, “Hi ti hi kanmah ta a si,” an ti, a dang bu khat ve nih, “Kanmah ta a si,” an ti ve. Cucaah cu tikhor cu a min ah Isak nih Esek a sak; amah he an i sik ruangah cun.

GENESIS 37:2

Jakob tefa hna tuanbia cu hihi a si. Kum hleisarih a simi tlangval Josef cu a unau pawl, a pa nupi Bilhah le Zilpah fapa hna he khan tuu le meheh an cawng tawn i a unau pawl nih thil ṭhalo an tuahmi kha a pa cu a chimh tawn.

GENESIS 45:18

Cun an pa le an innchungkhar kha va la hna seh law ka sinah ra hna seh. Izipt ram chung a chuakmi thil lak i a ṭha bik kha an ei lai.

GENESIS 47:3

Annih cu Faro nih khan, “Zei rianṭuan dah nan si?” tiah a hal hna i annih nih, “Kannih cu kan pu kan pa hna bantukin tuukhal kan si, bawipa,” tiah an leh.

GENESIS 47:4

“Cun bawipa, hika ram i kan ratnak cu Kanaan ram chungah khan mangṭam a fak tuk i kan saṭil run caah khan ram zeihmanh a um lo. Cucaah cun bawipa, Goshen ram chungah hin kan umter ko tiah kan in nawl,” an ti.

GENESIS 47:11

Cun Josef nih cun a pa le a unau pawl cu Izipt ram chungah khan umnak a serpiak hna i Faro nawl peknak bangin Izipt ram chung i ram ṭha bik Rameses ram ah cun thilri a ngeihter hna.

EXODUS 8:22

Cu ni ah cun ka mi hna umnak Goshen ram kha cu ka zuah lai i cuka ah cun tho pakhat hmanh an um lai lo, zeicahdah cuticun a si lai ti ahcun, Faro nih keimah Bawipa nih hi ram ah rian ka ṭuan kha a hngalh khawh nakhnga caah a si lai.