GENESIS 46:2 - Lai (Hakha) Common Language Bible 2006

² Pathian nih Israel cu zan ah langhnak in a chawnh i, “Jakob, Jakob,” a ti i anih nih, “Asi, na salpa nih ka ngaih ko,” tiah a leh.

GENESIS 46:2 Խաչաձեւ Հղումներ

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

LAMKALTU 16:9

Cu zan ah cun Paul nih langhnak pakhat a hmuh i cu ah cun mipa pakhat, Masidonia mi a simi kha a dir i, “Masidonia leiah hin ra law ra kan bawm,” tiah a ti lengmangmi kha a hmuh.

LAMKALTU 10:3

Ni khat cu zanlei suimilam pathum tluk ah khin langhnak a hmu i cu langhnak a hmuhmi ah cun Pathian vancungmi pakhat a rung luh i, “Kornelias,” tiah a rung chawnh kha fiang tein a hmuh.

LAMKALTU 9:10

Damaskas khua ah cun zultu pakhat Ananias an timi a rak um. Cu pa nih cun langhnak a hmuh i cu langhnak a hmuhmi ah cun Bawipa nih, “Ananias,” tiah a ti i anih nih, “Hika ah ka um, Bawipa,” tiah a leh.

LAMKALTU 9:4

Vawlei ah a tlu i aw pakhat nih, “Saul, Saul, zeicahdah na ka hrem?” tiah a ti thawng kha a theih.

DANIEL 2:19

Cun langhnak in zan ah cu biathli sullam cu Daniel sinah phuan a si i vancung Pathian cu hitihin a thangṭhat:

JOB 4:13

Mi an i hngilh hluahmah lio i zan i langhnak ka hmuhmi ka ruah tikah.

2 CHANRELNAK 26:5

Bawipa ṭihnak kha a cawnpiaktu Zekhariah chan ah khan, Pathian kawl kha aa sehchih i Bawipa a kawl chung vialte cu Pathian nih khua awng a pemhter.

1 SAMUEL 3:10

Cun Bawipa cu a ra i a rung dir i voi dang bantuk khan, “Samuel! Samuel!” tiah a auh. Cun Samuel nih, “Chim ko, zeitintiah na sal nih a theih,” tiah a ti.

1 SAMUEL 3:4

Cun Bawipa nih, “Samuel! Samuel!” tiah a kawh i anih nih, “Hika ah hin ka um!” tiah a ti.

NAMBAR 24:4

Pathian bia a theimi le A Lianngan Bik langhnak a hmu i a tlu nain A mit hunpiak a simipa bia cu hihi a si:

NAMBAR 12:6

Cun amah nih, “Ka bia ngai tuah u: Nannih lakah profet an um tikah Bawipa keimah nih langhnak in an sinah kaa hngalhter i mang in ka chawnh hna.

GENESIS 31:11

Cu ka mang ah cun vancungmi nih a ka thawh i, ‘Jakob,’ a ka ti i, kei nih, ‘Hawi,’ ka ti.

GENESIS 22:11

Bawipa vancungmi nih vancung in a run auh i, “Abraham, Abraham!” tiah a ti. Abraham nih, “Asi, hika ah ka um ko,” tiah a leh.

GENESIS 22:1

Cu hnu tlawmpal ah cun Pathian nih Abraham kha a hneksak i, “Abraham,” tiah a ti i Abraham nih, “Bawipa, na chimmi bia ka ngai ko,” tiah a leh.

GENESIS 15:13

Bawipa nih cun a thawh i, “Na tefa hna cu ram dang ah khual an si lai, cuka ah cun sal ah an cang lai i kum za li chung hremnak an ing lai.

LAMKALTU 10:13

Aw pakhat nih a hun thawh i, “Tho tuah, Peter, that hna law ei tuah hna,” tiah a ti.

GENESIS 20:3

Cu zan ah cun a mang ah Pathian cu a sinah a lang i, “Sarah hi va ngeimi a si caah nan thi lai,” tiah a ti.

BIACEIHTU 7:2

Bawipa nih Gideon cu a chawnh i, “Keimah nih Midian mi cu an kut chung i pek awkah na sin i a ummi hna kha an tam tuk; Israel nih, ‘Keimah kut hrimhrim nih pei a ka khamh tiah,’ tiin ka cung lam ah aa uangthlar sual hnga.

BIACEIHTU 7:9

Khi zan ṭhiamṭhiam ah cun Bawipa nih amah cu, “Tho law, an riahhmun cu vung do tuah, zeitintiah na kut chungah kan pek cang.

ZEKHARIAH 1:8

Zahan ah langhnak pakhat ka hmuh. Kuar pakhat ah hin mipa pakhat ka hmuh i cu pa cu lenhmui thingkung lakah a dir i rangtum sen aa cit; cun a hnuah cun rang dang a nak le a pawl le a rang kha an um.