GENESIS 43:30 - Lai (Hakha) Common Language Bible 2006

³⁰ A nau a hmuh tikah Josef cu a hnarno a ṭam i cucaah cun khulrang in a kal. A ṭah dengmang caah a khaan chungah khan a lut zokzok i a va ṭap.

GENESIS 43:30 Խաչաձեւ Հղումներ

GENESIS 42:24

Josef cu a kal i a ṭap. An sinah bia ka chim kho cang lai a tiin a ra kir i Simeon kha a thim i an hmaika ah cun a khih.

JEREMIAH 31:20

“Efraim, nangmah cu ka dawt bikmi fa na si. Na min ka chim fate, nangmah kha dawtnak in kan ruat tawn. Nangmah cu ka lung nih an ngai i na cungah zaangfahnak ka ngei lai,” tiah Bawipa nih a ti.

FILIPI 2:1

Khrih chung i nan nunnak nih khan an ṭhawnter hna maw? A dawtnak nih khan nan hna an ngamter hna maw? Thlarau he hawikomhnak nan ngei maw? Pakhat le pakhat nan i daw in nan i zaangfah maw?

FILIPI 1:8

Khrih Jesuh lungthin chungin a chuakmi ngaihnak in kan ngai hna, hi ti ka ti tikah hin ka lih a si lo ti cu Pathian nih a hngalh.

HOSEA 11:8

Zeitindah kan hlawt khawh lai, Efraim? Zeitindah kan thlah khawh lai, Israel? Admah ka rak hrawh bantuk khan kan hrawh lai maw? Zeboiim cung i ka rak tuah bantuk khan na cungah ka tuah lai maw? Ka tuah kho lai lo, ka chungah ka lung cu aa thleng cang i ka ngaihchiatnak cu a alh in a alh cang.

1 SIANGPAHRANG 3:26

Cun a nungmi fa a nu nih khan siangpahrang sinah cun, a lung nih a fapa kha a tlaihchan caah, “Maw ka bawipa, a nungmi ngakchiate kha amah cu pe ko, that sawh hlah,” tiah a ti. Sihmanhsehlaw a dang pakhat nih khan cun, “Keimah ta zong si hlah seh, nangmah ta zong si hlah seh; cheu ko,” tiah a ti.

GENESIS 45:2

A ik kha a than caah Izipt mi nih khan an rak theih ve i siangpahrang inn ah khan thawng cu a va thang.

1JOHAN 3:17

Mipa pakhat cu mirum a si nain a unau herhbaunak kha a hmuh tikah a lung innka a khar ahcun, zeitindah Pathian ka dawt tiah a ti khawh lai?

2TIMOTE 1:4

Na mitthli kha ka philh lo i lunglawmhnak in ka khah nakhnga nangmah hmuh cu ka duh hringhran.

KOLOSE 3:12

Nannih cu Pathian mi nan si; amah nih an dawt hna i an thim hna. Cucaah mi zawnruahnak, zaangfahnak, toidornak, nemnak le lungsaunak kha nan i aih awk a si.

LAMKALTU 20:37

An ṭahpah in an kuh an hnamh i, dam tein vaa kal ko cang kun, an ti.

LAMKALTU 20:31

Cucaah ralring tein um ko u, mitthli he chun zan in kum thum chung nan dihlak in kan cawnpiak hna kha philh hlah u.

LAMKALTU 20:19

Toidorte le mitthli he Bawipa sal ka si bangin, Judah mi nih an ka rawiphiar ruangah harnak ing lengmang in ka rian kha ka ṭuan.

GENESIS 46:29

Josef nih cun a rangleng kha a timhter hna i a pa Israel don awkah khan Goshen ah cun a kal. An i ton tikah a pa cu a hngawng in a kuh i a kuh bu cun saupi a ṭap.