GENESIS 43:26 - Lai (Hakha) Common Language Bible 2006

²⁶ Josef cu inn i a ra ṭin tikah inn chungah cun an laksawng kha an va pek i a hmaiah khan an kun.

GENESIS 43:26 Խաչաձեւ Հղումներ

GENESIS 42:6

Josef nih cun Izipt ram uktu a si bantukin rawl cu vawlei cung mi vialte kha a zuarh hna. Cucaah Josef ule zong cu an ra i a hmaiah cun an kun.

ROM 14:11

Zeicahtiah Cathiang nih, “Ka nun bangin, mi vialte nih ka hmaiah an khuk an i bil lai i Mi vialte nih keimah cu Pathian a si an ka ti lai, tiah Bawipa nih a ti,” a ti bang khan a si lai.

GENESIS 27:29

Miphun tampi cu na sal si hna seh law na hmaiah kun hna seh. Na rualchan hna cungah nang cu bawi si law Na nu tefa hna cu na hmaiah kun hna seh Chiat an serhmi cu chiatserh si ve hna seh, thluachuah an pemi cu thluachuah si ve hna seh,” a ti.

SALM 72:9

Thetse ram mi kha a hmaiah an kun lai i a ral kha leidip lakah an bawk lai.

GENESIS 43:28

Annih nih, “Kan pa na salpa cu a nung ko rih i a dam ko,” tiah an leh. Cun an khuk an i bil i a hmaiah cun an lu an khun.

GENESIS 33:3

Jakob cu an hmaiah khan a kal i a u a phak hlanah voi sarih vawlei ah a kun.

GENESIS 43:11

An pa Israel nih cun, “Cu ti bantukin a si awk a si ahcun, hitihin tuah u: hi ram chung thil chuak ṭha bikbik kha i phorh hna u, mitsur thei car tlawmpal, khuaihliti tlawmpal, hangṭamh, hru thei le almon thei, hi hna hi nan sawngkhoi chungah i sanh hna u law mipa cu laksawng ah vung phorh u.

EXODUS 18:7

Amah ton awkah khan Moses cu a kal i a hmaiah a kun i a hnamh. Pakhat le pakhat cu an dam dam lo kong kha an i hal i thlam chungah khan an lut.