GENESIS 41:49 - Lai (Hakha) Common Language Bible 2006

⁴⁹ A khonmi rawl cu a tam tuk hringhran i rilikam thetse bantuk a si. Rawl cu a tam tuk hringhran i rel cawk a si ti lo caah a rel hmanh an rel ti lo.

GENESIS 41:49 Խաչաձեւ Հղումներ

SALM 78:27

cun leidip zat in va kha a thlak hna, rili kam thetse zat in a thlak hna;

1 SAMUEL 13:5

Cun Filistin mi cu Israel mi kha doh awkah an i pum, rangleng sang thum, rangcung ralkap thong ruk le ke ralkap an tam ning cu rilikam thetse zat; cun an hung kai i Mikmash ah an riak, Beth-aven nichuahlei ah khan.

BIACEIHTU 7:12

Cun Midian mi hna le Amalek mi hna le Nichuahlei mi vialte hna cu nel ah cun an tam leiah khaubawk zat in an um tengtung ko i an kalauk hna cu rel cawk lo, an tam ning cu rilikam i thetse zat an si.

BIACEIHTU 6:5

Zeitintiah annih nih an saṭil he an thlam he an ra i khaubawk zat in an ra; anmah he an kalauk he rel cawk an si lo; cucaah an ra luhpah in ram cu an hrawh dih ko.

GENESIS 22:17

Van i arfi zat le rili kam i thetse zat khin tefa kan pek lai. Na tefa nih cun an ral kha an tei hna lai.

JEREMIAH 33:22

Van i arfi rel cawk lo le rili thetse rel cawk a si lomi bantukin, ka sal David i a tefa cu ka karhter hna lai i ka rian a ṭuanmi Levi mi hna zong ka karhter hna lai,” tiah a ti.

JOB 1:3

Cun tuu thong sarih, kalauk thong thum, cawtum tuah za nga, cun laapi za nga le sinum tam ngaingai a ngei; cucaah hi pa cu nichuahlei mi vialte lakah a lianngan bik a si.

GENESIS 41:48

Izipt ram chung i rawl tampi a um lio kum sarih chungah cun Josef nih khan rawl vialte cu a pumh i khuapi chungah khan a khon hna. Khua pakhat chungah khan anmahle an pawng kam cio i a ummi lo chung rawl cio kha a khon hna.

GENESIS 41:50

Mangṭam a tlun hlanah khan Josef nih cun On khua tlangbawi Potifera fanu Asenath he khan fapa pahnih an hrin hna.