GENESIS 41:38 - Lai (Hakha) Common Language Bible 2006

³⁸ annih cu a thawh hna i, “Hi bantuk mi hi a dang khuazei ah dah kan hmuh khawh ti hna lai, Pathian thlarau nih a umpimi hi?” a ti.

GENESIS 41:38 Խաչաձեւ Հղումներ

JOB 32:8

Sihmanhsehlaw Pathian thlarau cu minung chungah a um i Lianngan Bik thaw nih hngalhnak cu a pek hna.

DANIEL 5:14

Nangmah cu pathian thiang hna thlarau kha a ngei i fiang tein hngalh khawhnak a ngei i hawi hlei in fimnak a ngeimi na si tiah ka theih.

DANIEL 5:11

Na ram chungah hin mipa pakhat, a chung i pathian thiang hna thlarau a ngei i na pa chan ah hngalhnak a ngei ti hngalhnak a fiangmi le pathian fimnak bantuk fimnak a ngei ti hngalhmi a um. Na pa Nebukhadnezzar siangpahrang nih khan mitleh thiam hna le khuachia ṭhawlthiam hna le Khaldi mi hna le mang ihthiam hna haotu bik ah khan a chiah.

NAMBAR 27:18

Cun Bawipa nih Moses cu, “Nun fapa Joshua, ruahnak a ngei ngaingaimi kha, la law, a cungah na kut chuang tuah;

DANIEL 4:18

“Hihi keimah Siangpahrang Nebukhadnezzar nih ka manhmi ka mang cu a si; atu cu Belteshazzar, nangmah nih a sullam cu ka chim tuah; ka pennak chung i a ummi mifim vialte nih a sullam kha an ka chim kho lo nain, nang nih cun na chungah a thiangmi pathian hna thlarau kha a um caah na ka chimh khawh lai,” tiah a ti.

DANIEL 4:6

Cun mang ka manhmi le langhnak ka hmuhmi hna nih cun ka khuaruah an ka harter. Cucaah nawlbia pakhat ka chuah i Babilon mifim vialte hna kha ka mang sullam leh awkah cun ka hmaiah ka auh dih hna.

DANIEL 6:3

An rianṭuannak ah cun Daniel nih vuanzi dang hna le mangki dang hna cu a thil ti khawhnak in a iap hna i cucaah siangpahrang nih ram vialte uktu ding i chiah awkah a lung chungin a ruah.

GENESIS 41:37

Cu bia cu Faro le a bawi pawl kha an hna a tla i

ISAIAH 19:11

Zoan khua chung haotu hna cu mihrut an si! Cun Izipt ram mifim bikbik hna nih lungthin an cheuhmi hna cu hruh bia men a si. Kannih cu hlanlio siangpahrang hna le mifim hna an ro a cotu kan si tiah zeitindah siangpahrang cu an chimh ngam?

EZRA 7:25

“Cun nang, Ezra, na Pathian fimnak na kut chung i a ummi ning khan, Tiva Ral ram i a ummi vialte, na Pathian phungbia a hngalmi vialte kha bia a ceihtu dingah uktu bawi le biaceihtu kha na chiah hna lai; cun phungbia a hngal lomi kha nan cawnpiak hna lai.

PHUNGTHLÛKBIA 14:35

Siangpahrang nih a felmi rianṭuantu kha an lawmh hna, sihmanhsehlaw an rian a tlolhmi cu dan a tat hna.

PHUNGTHLÛKBIA 22:29

Amah a rian ah a thiammipa cu siangpahrang hna hmaiah a dirmi a si lai, mi sawhsawh hna hmai men ah a dirmi a si lai lo.

DANIEL 6:4

Khi tikah vuanzi pawl le mangki bawi hna nih khan Daniel nih ram a ukning sual kawl khawhnak ding caah lam an kawl, sihmanhsehlaw thil ṭhalo a tuahmi kha pakhat hmanh an hmu kho lo; zeicahtiah siangpahrang nih a fialmi kha fel tein a tuah.