GENESIS 4:2 - Lai (Hakha) Common Language Bible 2006

² Cun hnu deuh ah a nau Abel zong kha a hun hrin. Abel cu tuukhal a si i Kain cu lothlo a si.

GENESIS 4:2 Խաչաձեւ Հղումներ

1JOHAN 3:15

A unau a huami paoh cu lainawng a si i lainawngmi nih cun an chungah zungzal nunnak an ngei lo ti kha nan hngalh.

1JOHAN 3:12

Miṭhalopa ta a simi Kain, a nau a thattu bantuk kha kan si awk a si lo. Zeicahdah Kain nih khan a thah? Amah tuahmi thil kha a ding lo i a nau tuahmi thil kha a din caah a si.

LUKA 11:51

Abel an nawnnak thawk in biakṭheng le hmunthiang karlak ah an thahmi Zekhariah tiangin. Asi, kan chimh hna, atu chan mi hi, cu mi vialte hna ruangah cun dantat an si lai.

1JOHAN 3:10

Pathian fale hna le Khuachia fale hna an i dannak cu hihi a si: ahmaanmi thil a tuah lomi cu Pathian fa an si lo; cun a unau a daw lomi zong an si ṭhiamṭhiam lo.

JOHAN 8:44

Nannih cu nan pa Khuachia fa kha nan si i tuah nan duhmi cu nan pa duhnak kha a si. Amah cu a hramthawk tein lainawng a rak si. Biatak kha zeitikhmanh ah a ṭanh bal lo, zeicahtiah a chungah biatak zeihmanh a um lo. Lih a chim tikah a tuah tawn zungzalmi kha a tuah a si ko, zeicahtiah anih cu milihchim a si i lih vialte pa a si.

GENESIS 47:3

Annih cu Faro nih khan, “Zei rianṭuan dah nan si?” tiah a hal hna i annih nih, “Kannih cu kan pu kan pa hna bantukin tuukhal kan si, bawipa,” tiah an leh.

EXODUS 3:1

Moses cu a nupi pa Jethro, Midian tlangbawi a simi, tuu le meheh kha a cawng hna i saṭilrun cu thetse ram pinah khan a kalpi hna i Horeb tlang, Pathian tlang timi kha a phan.

AMOS 7:15

Sihmanhsehlaw saṭil ka khalh lio hna ah khan Bawipa nih a ka lak riangmang i, “Va kal law ka mi Israel mi kha va chim hna,” tiah a ka ti.

SALM 127:3

Fale hi Bawipa sinin kan hmuhmi ro an si, thluachuah a kan pekmi an si.

GENESIS 37:13

Israel nih khan Josef cu a thawh i, “Na ule cu Shekhem ah saṭil kha an khal hna. I tim law an sinah kan thlah lai,” a ti. Josef nih cun, “Kaa tim ko,” tiah a leh.

GENESIS 9:20

Noah cu lothlo a si i amah cu mitsur dum a ser hmasa biktu a si.

GENESIS 3:23

Cucaah Bawipa Pathian nih khan Eden dum chung cun a ṭhawl i amah a sernak vawlei kha thlawh awkah a kalter.

LUKA 11:50

Cucaah tuchan mi hna hi vawlei ser hramthawknak in profet an thahmi vialte hna ruangah khan dantat an si lai,

GENESIS 4:1

Cun Adam nih a nupi Evi cu a hngalh i fa a pawi. Fapa pakhat a hrin i, “Bawipa bawmhnak thawngin fapa pakhat ka hmuh,” tiah a ti. Cucaah a min ah Kain a sak.

GENESIS 4:3

Kain nih cun a lochung chuak cu Bawipa sinah laksawng ah a rak put hna.