GENESIS 39:4 - Lai (Hakha) Common Language Bible 2006

⁴ Potifar cu Josef cungah khan a lung a tling i a rianṭuanning zong kha a duhning a si, cucaah cun a inn le a ngeihmi thil vialte zohkhenhtu ah a chiah.

GENESIS 39:4 Խաչաձեւ Հղումներ

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

PHUNGTHLÛKBIA 27:18

Theipi kung a zohkhenhtu nih a thei a ei lai. A bawipa a kilvengtu nih upatnak a hmuh lai.

GENESIS 39:8

Josef nih cun a duh lo i, “Hika ka um ruangah ka bawipa cu a inn chung thil kongah lungretheihnak zeihmanh ngei lo tein a um. A ngeihmi thil vialte kha keimah kut chungah a chiah dih.

GENESIS 24:2

A sal upa bik, a ngeihmi thil vialte a zohkhenhtu kha a thawh i, “Ka phei tangah na kut chia law bia i kam.

GENESIS 19:19

Zohhmanh, ka cungah zaangfahnak nganpi na tuah cang i ka nunnak na ka khamh hi na ka zaangfah ruangah cun a si ko. Tlang cu an hla tuk i ka phak hlanah rawhnak nih khan a ka cil lai i ka thi lai.

PHUNGTHLÛKBIA 22:29

Amah a rian ah a thiammipa cu siangpahrang hna hmaiah a dirmi a si lai, mi sawhsawh hna hmai men ah a dirmi a si lai lo.

PHUNGTHLÛKBIA 17:2

A fimmi sal nih a bawipa fapa, zeiruaramlo a simi kha a uk lai i unau pakhat ve bantukin ro kha a co ve lai.

PHUNGTHLÛKBIA 16:7

Mi cu a umtuning kha Bawipa duhning a si ahcun, a ral hna hmanh kha amah he i rem tein a umter hna.

GENESIS 33:10

Jakob nih, “Cuticun si hin hlah seh. Na ka zaangfah a si ahcun kan pekmi laksawng cu ka cohlanpiak ko. Hi tlukin ka cung i na ṭhat caah na hmai hmuh hi ka caah Pathian hmai hmuh tluk a si.

GENESIS 18:3

“Bawipa, Ka inn ah tang ta loin kei santlailo pa hi, ka lanhtak sawh hlah.

PHUNGTHLÛKBIA 14:35

Siangpahrang nih a felmi rianṭuantu kha an lawmh hna, sihmanhsehlaw an rian a tlolhmi cu dan a tat hna.

1 SAMUEL 16:22

Cun Saul nih Jesse cu bia a hei cah i, “David cu ka rian ah hin um ko seh, zeitintiah a cungah ka mit a tling,” tiah a ti.

GENESIS 33:8

Cun Esau nih, “Bu dang ka tonmi hna kha tah? Zei sullam dah khakha a si?” a ti. Jakob nih, “Na ka zaangfah khawh nakhnga ca i ka rak thlahmi an si, bawipa,” tiah a leh.

GENESIS 32:5

Caw le laa le tuu le meheh le sal kha ka ngei ve hna i na zaangfahnak hmuh awkah atu hi bawipa, na sinah mi ka rak thlah hna,” a ti.

GENESIS 15:2

Sihmanhsehlaw Abram nih cun a thawh ve i, “Maw Bawipa Pathian, kei cu fa ka ngei lo; cucaah zeitindah laksawng cu na ka pek khawh lai? Ka ro a ka cotu ding cu Damaskas khuami Eliezer hi pei a si ko hi.

1 SIANGPAHRANG 16:9

Sihmanhsehlaw a rangleng hnarcheu haotu Zimri nih a rawi. Tirzah khua i a um lio, a innchungkhar zohkhenhtu a simi Arza inn i ri lakin zu aa din ah khan,

RUTH 2:6

Cun rawlṭuantu a zohtu hna sinum nih cun, “Moab mi ngaknu kha a si, Moab ram in Naomi he a raminu kha.

1 SAMUEL 2:26

Cun ngakchiapate Samuel cu pum in siseh, Bawipa le minung duhning in siseh a ṭhang lengmang.

ESTHER 2:9

Cun ngaknu nih cun a lung a ton i a hmaiah mithmai ṭha a hmu. Cun Hegai nih khan zihmui le a co awk hnga rawl kha siangpahrang inn in thimmi nu pasarih hna he khan khulrang in a pek hna i amah le a sinum hna cu nu khaan chung i hmun ṭha bik ah khan a kalter hna.

PHUNGTHLÛKBIA 3:4

Cuticun Pathian le minung mithmuh ah Mithmai ṭha le thangṭhatnak na hmuh lai.