GENESIS 39:17 - Lai (Hakha) Common Language Bible 2006

¹⁷ Cun a chim hmasa bantuk ṭhiamṭhiam khan a chimh ve i, “Khi Hebru sal kan sin i na ratpimi nih khin ka thangchiat a ka duh caah ka khaan chungah a ka luhhnawh.

GENESIS 39:17 Խաչաձեւ Հղումներ

EXODUS 23:1

“Ahmaan lomi thawngpang kha mi sinah nan chim chin lai lo. A sualmipa kha ahmaan lomi tehte sinak in va bawm hlah.

MATTHAI 26:65

Cu bia a theih tikah cun Tlangbawi Ngan nih khan a puan kha a thleh i, “Cucu Pathian thangchiat a si. Tehte dang ahohmanh kan herh ti hna lo. Pathian thangchiatnak bia a chimmi cu nanmah nih nan theih ko cang.

PHUNGTHLÛKBIA 19:9

A dinglo tehte cu dantat loin a luat lai lo, Lih lawng a chim lengmangmi cu a rawk lai.

PHUNGTHLÛKBIA 19:5

A dinglo tehte cu dantat loin a luat lai lo, Lih a chimtu cu a luat ve lai lo.

PHUNGTHLÛKBIA 12:19

Biatak cu zungzal in amah ningte a si ko, sihmanhsehlaw lih cu caan tawite lawnglawng a nung.

SALM 55:3

Ka ral nih an ka tlerhnak le miṭhalo nih an ka hremnak nih ka lungre an ka theihter. Ka cungah harnak an tlunter; ka cungah an thin a hung i an ka huat.

SALM 37:14

Miṭhalo nih cun an nam kha an i zuh i an likuk kha an i hruai i sifak le retheimi kha thah le miṭha mi nawn kha an duh;

1 SIANGPAHRANG 18:17

Ahab nih Elijah cu a hmuh tikah, “Nangmah na si maw? Israel hnahnawhnak petupa?” tiah a ti.

EXODUS 20:16

“Nan minung hawi cungah tehte dinglo nan si lai lo.

GENESIS 39:14

a innchung mi kha a auh hna i, “Mah hi zohhmanh u! Ka va nih hi Hebru mipa hi kan inn ah a ratpi i atu cu a kan serhsat ngaingai cang. Ka khaan chungah a ka luhhnawh i kan it lai a ka ti i asinain a than khawh chungin ka ai.

GENESIS 39:16

Josef a bawipa inn i a ṭin hlantiang angkileng cu a rak i chiah ko.

GENESIS 39:18

Sihmanhsehlaw ka ai ciammam i lengah a chuak i ka pawngah a angkileng hi a lektak,” a ti.

PHUNGTHLÛKBIA 26:28

Lihchim hmangmi lei nih cun a sual lomi kha a sual a lawhter hna, Nalbia nih cun rawhralnak lawng kha a chuahpi.