GENESIS 33:4 - Lai (Hakha) Common Language Bible 2006

⁴ Esau tu nih cun a hun zuanhnawh i a kuh i a pom i a hnamh. An pahnih in an ṭap.

GENESIS 33:4 Խաչաձեւ Հղումներ

SALM 34:4

Bawipa sinah cun thla ka cam i a ka leh; ka ṭihmi thil vialte in a ka luatter.

LUKA 15:20

Cucaah a tho i a pa sinlei kir ah cun aa thawh. “Lamhlatpi i a rat lio kha a pa nih cun a rak hmuh; a zaang a fak ngaingai i a hei tlikhnawh i a kuh i a hnamh.

GENESIS 32:28

Mipa nih cun, “Na min cu Jakob a si ti lai lo. Pathian zong na paih, minung zong na paih hna i na tei hna; cucaah na min cu Israel a si cang lai,” a ti.

LAMKALTU 20:37

An ṭahpah in an kuh an hnamh i, dam tein vaa kal ko cang kun, an ti.

PHUNGTHLÛKBIA 16:7

Mi cu a umtuning kha Bawipa duhning a si ahcun, a ral hna hmanh kha amah he i rem tein a umter hna.

GENESIS 46:29

Josef nih cun a rangleng kha a timhter hna i a pa Israel don awkah khan Goshen ah cun a kal. An i ton tikah a pa cu a hngawng in a kuh i a kuh bu cun saupi a ṭap.

GENESIS 45:2

A ik kha a than caah Izipt mi nih khan an rak theih ve i siangpahrang inn ah khan thawng cu a va thang.

JOB 2:12

Cun annih nih lamhlat piin an hei hmuh tikah an hngal kho lo i an ai thluahmah i an ṭap; cun an puan kha an thleh hna i van lei ah vutcam kha an vorh i an lu cungah an i phulh.

NEHEMIAH 1:11

Maw Bawipa na sal ka thlacamnak hi ka ngaihpiak ko sawh; cun na sal hi nihin ah ka hlawh ka tlinter ko law hi mipa hmaiah hin zaangfahnak ka pe ko,” tiah ka ti. Cu lioah cun kei cu siangpahrang hrai putu ka rak si.

GENESIS 43:30

A nau a hmuh tikah Josef cu a hnarno a ṭam i cucaah cun khulrang in a kal. A ṭah dengmang caah a khaan chungah khan a lut zokzok i a va ṭap.

PHUNGTHLÛKBIA 21:1

Siangpahrang lungthin cu Bawipa kut chungah a ummi a si, tilaknak tilam bantukin a duhnak lei paoh ah a mermi a si.

GENESIS 43:34

Josef cabuai cung rawl cu an pek hna i Benjamin kha hawi nak let nga tam in an pek. Cuticun an ei an ding i an i nuam.

GENESIS 29:11

Cun Rachel kha a hnamh i a ṭap.

GENESIS 29:13

a pa nih a far fapa Jakob kong cu a theih tikah amah ton awkah cun a ra le ve. A kuh i a hnamh i a inn ah khan a luhpi. Cun Jakob nih Laban cu thil umtuning vialte kha a chimh.

GENESIS 32:11

Cucaah cun ka u Esau kut chung hin ka khamh ko tiah kan nawl. Kanmah doh awk le hrawh awkah, hi nu le ngakchia hna tiang hin hrawh awkah a ra rua tiah ka ruah i ka thin a phang ko.

2 SAMUEL 14:33

Cun Joab cu siangpahrang sinah khan a va kal i a va chimh; cun Absalom kha a auh. Cucaah siangpahrang sinah khan a ra i siangpahrang hmaiah cun vawlei lei hoih in a kun i siangpahrang nih Absalom kha a rak hnamh.

1 SAMUEL 20:41

Tlangvalpa kha a kal dih cangka, lungpon sir khan David cu a hung chuak i vawlei ah a bawk i voi thum a kun; cun pakhat le pakhat an i hnam i pakhat le pakhat an i ṭah, David kha a zualhma khun.