GENESIS 33:11 - Lai (Hakha) Common Language Bible 2006

¹¹ Nangmah caah ka rak phorhmi ka laksawng cu ka cohlanpiak ko hna; Pathian nih a ka zaangfah i ka herhmi vialte kha a ka pek ko,” a ti. Aa lak hlan lo a nawl lengmang.

GENESIS 33:11 Խաչաձեւ Հղումներ

FILIPI 4:18

Cucaah hi ca kan kuatmi hna hi, bawmhnak nan ka kuatmi vialte ka hmuh dih hna tinak ca a si — kaa zat leng tiangin nan ka kuat. Epafroditas nih nan laksawng cu a rak ka phorh i ka herhmi vialte cu ka ngei dih ko cang. Hi nan laksawng hi Pathian nih a duh i a cohlanmi raithawinak, rimhmui pekchanhmi bantuk an si.

1 SAMUEL 25:27

Cun na sal nih ka bawipa sinah ka rak putmi laksawng hi ka bawipa zultu tlangval hna cu pek si hna seh.

2 SIANGPAHRANG 5:23

Cun Naaman nih, “Talen pahnih hi cohlang tuah hna,” tiah a ti. Cun hramhram in a lem i ngun talen pahnih cu puai puan pahnih he sawngkhoi pahnih in a rawn hna i a sal pahnih hna kha a phorhter hna; cun annih nih Gehazi hmaiah khan an phorh hna.

GENESIS 33:9

Esau nih cun, “A zaa in ka ngei ko, ka nau; na ta cu nangmah caah i chiah ko,” tiah a ti.

GENESIS 30:43

Khulrang in a rum ko. Saṭil run tampi le sal le kalauk le laa kha a ngeih hna.

1TIMOTE 4:8

Pum in thiam lakin cawnmi kha santlaihnak a ngei, asinain cu bantuk santlaihnak cu donghnak a ngei; sihmanhsehlaw biaknak ṭhathnemnak cu donghnak a ngei lo, zeicahtiah cu biaknak chungah cun Pathian nih atu kan nunnak ca he hmailei kan nunnak ca he bia a kan kamh.

2 KORIN 6:10

kan ngaihchiatnak cu an tuah nain kan lung aa lawm zungzal, sifak ngai kan lo sihmanhsehlaw mi tampi kan rumter hna, zeihmanh a ngei lomi ko kan lo, asinain a taktak ti ahcun kan ngeih lomi a um lo.

1 KORIN 3:21

Cucaah cun ahohmanh nih minung tuah khawhmi thil kha kan i porhlawt awk a si lo. A ngaingai ti ahcun zeizong vialte hi nanmah ta tu an si dih:

LUKA 14:23

Cucaah a bawipa nih khan a sinumpa cu a thawh i, ‘Khua le khua kar i lam ngan ah siseh, lam hme ah siseh, va kal law ka inn a khah nakhnga mi kha ratter hna.

2 SIANGPAHRANG 2:17

Sihmanhsehlaw annih nih amah cu a ning a zah tiang an nawl tikah, anih nih, “Thlah hna u,” a ti. Cucaah mi sawm nga an thlah hna; cun ni thum chung amah cu an kawl, sihmanhsehlaw an hmu lo.

1 SAMUEL 30:26

David cu Ziklag a phanh tikah hranchaw a cheu cu Judah ram upa a hawikom hna sinah khan a kuat i, “Bawipa ral hna sinin lakmi hranchaw chungin nanmah ca i laksawng a si,” tiah a ti;

BIACEIHTU 1:15

Cun anih nih, “Laksawng pakhat in ka pe tuah; Negeb ram chungah na ka chiah caah tiput zong ka pek chih tuah hna,” tiah a ti. Cun Kaleb nih chaklei tiput hna le thlanglei tiput hna kha a pek chih.

JOSHUA 15:19

Amah nih, “Laksawng pakhat in ka pe tuah; Negeb ram chungah na ka chiah caah, tiput hna zong kha ka pek chih tuah,” a ti. Cun Kaleb nih chaklei tiput hna le thlanglei tiput hna kha a pek chih.

GENESIS 33:10

Jakob nih, “Cuticun si hin hlah seh. Na ka zaangfah a si ahcun kan pekmi laksawng cu ka cohlanpiak ko. Hi tlukin ka cung i na ṭhat caah na hmai hmuh hi ka caah Pathian hmai hmuh tluk a si.

GENESIS 33:12

Esau nih cun, “I tim u si law kal u sih. Kei nan hmaiah ka kal lai,” a ti.

GENESIS 32:21

Laksawng cu an rak kalpi chung i anih cu cuka an riahnak hmun ah cun cu zan cu a rung riak.