GENESIS 32:30 - Lai (Hakha) Common Language Bible 2006

³⁰ Jakob nih, “Pathian kha hmaitonh in ka hmu nain ka nung rih,” a ti i cucaah cuka hmun cu a min ah Peniel a sak.

GENESIS 32:30 Խաչաձեւ Հղումներ

NAMBAR 12:8

Amah cu hmaitonh in ka chawnh, holh thup in si loin fiang tein ka chawnh; cun amah cu Bawipa mui zong a hmumi a si. A si kun ahcun zeicahdah ka sal Moses bia al cu nan ṭih kun lo? tiah a ti.

GENESIS 16:13

Hagar nih cun amah le amah kha, “A ka hmutu cu ka hmuh taktak ko maw?” tiah aa hal i cucaah Bawipa cu, “Nang cu mi a hmutu Pathian na si,” ti min in a auh.

ISAIAH 6:5

Cun kei nih kaa thawh i, “E law, mah hi ka si ko cang! Ka lo ko cang. Ka ka in a chuakmi bia hi bia sual lawngte an si i ka umnak mi zong hi bia sual le bia thur a hmangmi lawngte an si. Cun atu ah ka mit hrimhrim in Siangpahrang, Ralkapbu Bawipa cu ka hmuh,” ka ti.

DEUTERONOMI 5:24

cun nannih nih, ‘Zohhmanh, Bawipa kan Pathian nih a sunparnak le lianngannak kha a kan hmuhsak cang i a aw cu mei chungin kan theih cang; nihin ni ah hin Pathian nih minung he bia aa ruah nain minung nih a nun ko kha kan hmuh.

JOHAN 1:18

Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa ṭang chung i aa pommi kha a si.

HEBRU 11:27

Siangpahrang thinhunnak kha ṭih loin Moses cu Izipt ram khan a chuak i cu a chuahtertu cu zumhnak a si; hmuh khawh lomi Pathian kha hmu seh law cu bang, a kir in a kir duh ti lo.

2TIMOTE 1:10

sihmanhsehlaw atu ceo ah hin kan Khamhtu Khrih Jesuh a ratnak thawngin cucu kan sinah phuan a si. Thihnak ṭhawnnak kha a donghter cang i thih thiam ti lo nunnak cu Thawngṭha in kan sinah a phuan cang.

EFESA 1:17

Kan Bawipa Jesuh Khrih i a Pathian, a liannganmi kan Pa cu, nanmah kha Thlarau pek awkah ka hal lengmang, thlarau nih cun an fimter hna lai i Pathian kha nan sinah a phuan lai i Pathian cu nan hngalh lai.

EXODUS 33:14

Bawipa nih cun a thawh i, “Na sinah keimah ka kal lai i teinak kan pek lai,” a ti.

KOLOSE 1:15

Khrih cu hmuh khawh lomi Pathian mui a si. Khrih cu Pathian fater, sermi thil vialte hna nakin a cungnung deuhmi a si.

GALATI 1:6

Ka khuaruah nan har ko. Luklak ah Khrih velngeihnak in an autu hna kha nan hlawt i thawngṭha dang kha nan zuan.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

2 KORIN 3:18

Kannih caah hmai khuhnak puan kha a um ti lo caah kan dihlak in Bawipa sunparnak cu thlalang chung i kan mui a langh bang khin kan langhter; cuticun sungpar chin lengmang in amah lo chin lengmang ah thlen kan si i cucu Thlarau a simi Bawipa rianṭuannak cu a si.

1 SIANGPAHRANG 12:25

Cun Jeroboam nih Efraim tlangram ah Shekhem kha a sak i khika ah a um; cun khika in a chuak i Penuel kha a sak.

BIACEIHTU 8:17

Cun Penuel innsang kha a chimh i khuachung mi kha a thah hna.

BIACEIHTU 8:8

Cun khika in Penuel ah a hung kal i cu bantuk ṭhiamṭhiam in a hung chimh ve hna; cun Penuel mi hna nih cun Sukkoth mi hna nih an leh bang khan an rak leh ve.

DEUTERONOMI 34:10

Cun cu thawk in Israel mi chungah Bawipa nih hmaitonh in a hngalhmi profet Moses bantuk an chuak ti lo.

GENESIS 28:19

Cu hmun cu a min ah Bethel a sak. (Cu hlanah cun cu khua cu a min ah Luz rak ti a si).

1 KORIN 13:12

Atu i kan hmuhmi hi cu, thlalang fiang lo chung i kan mui maw chialchual in kan hmuhmi bantuk khi a si, sihmanhsehlaw cu tikah cun hmaitonh tein kan hmuh lai. Atu i ka hngalhmi hi cu a cheuchum lawnglawng a si, sihmanhsehlaw cu tikah cun Pathian nih a ka hngalhnak a tlin bantukin ka hngalhnak zong a tling ve lai.

JOSHUA 5:13

Joshua cu Jeriko khua pawngah a um tikah a mit a hun hler i a hun zoh i, zohhmanh, a hmaiah mipa pakhat a vainam zuh cia in a dir; Joshua cu a sinah a va kal i amah cu, “Kanmah caah maw na si, kan ral hna caah dah na si?” tiah a ti.

GENESIS 35:9

Jakob cu Mesopotamia ram in a hung kir ṭhan tikah khan Pathian cu a sinah a lang ṭhan i thluachuah a pek.

BIACEIHTU 13:17

Cun Manoah nih Bawipa vancungmi sinah cun, “Na bia kha an tlin tikah kan in hmaizah nakhnga, na min ahodah a si?” tiah a ti.

BIACEIHTU 13:18

Cun Bawipa vancungmi nih cun amah sinah, “Zeicahdah ka min na ka hal, khuaruahhar a si tiah na hngalh ko ṭung?” tiah a ti.

ISAIAH 9:5

A dohtu hna ralkapbu kedan vialte le thisen aa nehmi an hnipuan vialte cu mei in hrawh an si dih lai.