GENESIS 32:29 - Lai (Hakha) Common Language Bible 2006

²⁹ Jakob nih, “Na min ka chim,” tiah a ti i asinain anih nih, “Zeicahdah ka min cu na ka hal?” a ti. Cun Jakob cu thluachuah a pek.

GENESIS 32:29 Խաչաձեւ Հղումներ

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

JOB 11:7

Pathian thil thuk hna cu na hmuh khawh hna maw? Lianngan Bik ṭhawnnak a donghnak cu na hmuh khawh maw?

LUKA 1:19

Vancungmi nih cun a leh i, “Kei cu Gabriel, hi thawngṭha nangmah chimh awkah a ka thlahtu Pathian hmai i a dirmi cu ka si.

HOSEA 6:1

Ra u law Bawipa sinah kir cang u sih; Zeicahtiah a kan thlehbaoh dih cang i atu cu a kan damter cang lai, a kan tuk cang i atu cu kan hma kha a kan menpiak cang lai;

PHUNGTHLÛKBIA 30:4

Van ah khin ahodah a hung kai i a ṭum ṭhan? Aho nih dah a kut chungah thli kha a hum hna? Aho nih dah ti kha a puan in a fun hna? Aho nih dah vawlei cu a ramri kha a ser hna? A min cu ahodah a si i a fapa min cu ahodah a si? Na hngalh ahcun chim tuah.

DEUTERONOMI 29:29

“Aa thupmi thil hna cu Bawipa kan Pathian ta an si; sihmanhsehlaw hi phungbia vialte hi kan tuah khawh nakhnga, phuanmi thil hna cu kanmah le kan fale hna ta zungzal in an si.

GENESIS 35:9

Jakob cu Mesopotamia ram in a hung kir ṭhan tikah khan Pathian cu a sinah a lang ṭhan i thluachuah a pek.

GENESIS 17:5

Na min kha Abram si ti loin Abraham a si cang lai. Zeicahtiah miphun tampi hringsortu ah kan ser cang.

GENESIS 35:10

Pathian nih cun a thawh i, “Na min cu Jakob a si, sihmanhsehlaw atu ri hin cun na min cu Israel a si cang lai,” a ti. Cucaah Israel ti a si.

NAMBAR 20:14

Moses nih Kadesh in Edom siangpahrang sinah lamkal a hei thlah hna i, “Hi bangin nan unau Israel mi nih an ti: Kan cung i vanchiatnak a tlungmi vialte cu na hngalh ko:

1 SIANGPAHRANG 18:31

Bawipa bia a sinah a phan i, “Na min cu Israel a si lai,” tiah a timi Jakob i a fapa hna an phun zat khan Elijah nih lung hlei hnih aa lak i

2 SIANGPAHRANG 17:34

Nihin ni tiang hin hlan i an rak tuahning khan an tuah ko. Annih nih Bawipa kha an bia lo i Bawipa nih Israel tiah min a sakmi Jakob i a tefa hna sinah nawl a pekmi nawlbia si hna seh, phunglam si hna seh, phungbia siseh, phung siseh, an zul lo.

1 CHANRELNAK 1:34

Abraham cu Isak pa a si. Isak fapa hna cu: Esau le Israel.