GENESIS 28:15 - Lai (Hakha) Common Language Bible 2006

¹⁵ Khuazeika na kalnak hmanh ah kan umpi zungzal lai i kan huhphenh zungzal lai, cucu philh hlah, cun hi ram ah hin kan kirpi ṭhan lai. Kan chimhmi vialte ka tuah dih hlanah cun nangmah cu kan kaltak lai lo,” tiah a ti.

GENESIS 28:15 Խաչաձեւ Հղումներ

JOSHUA 1:5

Na nunchung vialte ahohmanh na hmai i a dir khomi an um lai lo; Moses sinah ka um bang khan, nangmah sin zongah ka um lai; kan deuh lai lo i kan hlaw fawn lai lo.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

JEREMIAH 1:19

Annih nih nangmah cu an in tuk lai, sihmanhsehlaw na sinah ka um i kan huhphenh lai caah an in tei lai lo, tiah Bawipa nih a ti,” tiah a ti.

DEUTERONOMI 31:6

Ṭhawng u law, nan ral ṭha ko u, ṭih hlah u, an hmaiah therphang hlah u; zeicahtiah nanmah he a kalmi cu Bawipa nan Pathian a si; an deuh hna lai lo i an hlaw fawn hna lai lo,” a ti.

GENESIS 26:24

Cu zan ah cun Bawipa kha a sinah a lang i, “Kei cu na pa Abraham Pathian kha ka si. Na thinphang hlah, keimah nih kan umpi ko. Ka sal Abraham ruangah thluachuahnak kan pek lai i tefa tampi kan pek lai,” a ti.

GENESIS 31:3

Cun Bawipa nih khan, “Na pupa hna le na rualchan hna ram ah khan kir cang. Na sinah ka um lai,” a ti.

GENESIS 26:3

Hika ah hin tlawmpal in um ko law na sinah ka um lai i thluachuah kan pek lai i hi ram vialte hi nangmah le na tefa kha kan pek hna lai. Na pa Abraham sin i ka sermi biakamnak kha ka let lai lo.

MATTHAI 24:35

Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.

MATTHAI 18:20

Zeicahtiah ka min in pahnih pathum nan i pumhnak ah kei zong nan sinah ka um ve,” tiah a ti.

ISAIAH 43:2

Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo.

1 SIANGPAHRANG 8:57

Bawipa kan Pathian cu, kan pupa hna sinah a um bang khan kannih sinah um seh, kan kaltak in a hlawt zong kan hlaw hlah seh;

SALM 46:7

Lian Ngan Bawipa nih a kan umpi, Jakob Pathian cu kan himnak a si. Selah

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

1TIMOTE 4:8

Pum in thiam lakin cawnmi kha santlaihnak a ngei, asinain cu bantuk santlaihnak cu donghnak a ngei; sihmanhsehlaw biaknak ṭhathnemnak cu donghnak a ngei lo, zeicahtiah cu biaknak chungah cun Pathian nih atu kan nunnak ca he hmailei kan nunnak ca he bia a kan kamh.

GENESIS 48:21

Cun Israel nih Josef cu, “Ka thi dengmang cang ti cu na hngalh. Asinain Pathian nih an umpi lai i na pupa hna ram ah khan an kirpi ṭhan lai.

ISAIAH 8:10

Khua cu khang lengmang ko u, sihmanhsehlaw nan khuakhanmi cu thlua an chuak bal lai lo. Nan duh zat in chim u, sihmanhsehlaw pakpalawng an si ko lai, zeicahtiah Pathian pei kan sinah a um cu.

ISAIAH 7:14

Atu cu Bawipa hrimhrim nih hmelchunhnak an pek lai. Fa a pawi liomi nu pakhat a um i fapa a hrin lai i a min ah Immanuel sak a si lai.

BIACEIHTU 6:16

Cun Bawipa nih a chawnh i, “Sihmanhsehlaw nangmah sinah ka um lai i Midian mi hna cu mi pakhat tluk ceu in na thah dih ko hna lai,” tiah a ti.

JUDAS 1:1

Jesuh Khrih sal le Jeim nau a simi Judas nih, Pathian kawhmi, Pathian kan Pa dawtnak chung le Jesuh Khrih huhphenhnak chungah a ummi kha, ca kan kuat hna.

SALM 46:11

Lianhngannak he a khatmi Bawipa cu kan sinah a um; Jakob Pathian cu kan himnak a si. Selah

GENESIS 39:21

Asinain Bawipa nih khan Josef cu a umpi i a cungah zaangfahnak a ngei i cucaah thongbawi kha a lung a hmuh ngaingai.

GENESIS 39:2

Bawipa nih Josef cu a umpi i a caah thil kalning a tluang dih ko. A bawipa Izipt mipa inn ah cun a um.

EXODUS 3:12

Pathian nih cun, “Keimah nih kan umpi lai i keimah nih nangmah kha kan thlah ti cu hi nih hin a langhter lai. Cucu zeidah a si lai ti ahcun, Izipt ram in na chuahpi hna tikah khan hi tlang ah hin nan ka biak lai,” a ti.

GENESIS 48:16

Harnak phun zakip chungin a ka chuahtu vancungmi nih thluachuah pe ko hna seh. Keimah ka min le ka pu Abraham min le ka pa Isak min cu an chungah hin nung seh. Fa tampi ngei hna seh law bu nganpi ah i chuah hna seh,” a ti.

GENESIS 32:9

Cun Jakob nih khan thla a cam i, “Ka pu Abraham Pathian le ka pa Isak Pathian, ka thlacamnak hi ka theihpiak tuah. Bawipa, nangmah nih na ka thawh i, ‘Na ram le na rualchan hna sinah kir law na caah thil cu tluang tein ka umter ko hna lai; na ka ti.

GENESIS 46:4

Izipt ram ah cun ka vun in kalpi lai i na tefa cu hika ah hin ka kirpi ṭhan hna lai. Na thih tikah Josef nih an umpi lai,” a ti.

GENESIS 21:20

Ngakchiapa cu Pathian nih a umpi i a ṭhang i Paran ramlak ah khan khua a sa; amah cu sakah thiam ngaimi a hung si.

GENESIS 31:5

Annih cu a thawh hna i, “Nan pa umtuning hi hmasa i ka cung i a umtuning bantuk kha a si ti lo; sihmanhsehlaw ka pa Pathian nih cun a ka umpi ko.

GENESIS 31:13

Kei cu Bethel khua i na sin i a langmi Pathian kha ka si, Bethel khua cu rolung pakhat chiti na toih i keimah sinah biakamnak na sernak khua kha a si. Cucaah atu cu i tim law na chuahkehnak ram i kal awkah hi ram hin chuak tuah’ a ka ti,” tiah a ti hna.

GENESIS 35:3

Hika hmun hi kan chuahtak lai i Bethel ah kan kal lai, cuka ah cun harnak ka in caan le khuazeika ka kalnak hmanh i a ka umpitu Pathian caah khan biakṭheng pakhat ka ser lai,” a ti hna.

EXODUS 13:11

“Bawipa nih nan pupa hna le nanmah kha fek tein a rak in kamhmi hna ram ah khan an luhpi hna lai. Cu ram cu an pek hna tikah.

NAMBAR 6:24

Bawipa nih thluachuahnak in pe hna in, in zohkhenh ko hna seh;

DEUTERONOMI 7:9

Cucaah Bawipa nan Pathian cu Pathian a si kha hngal tuah u; amah cu zumhawktlak Pathian, amah a daw i a nawlbia a zulmi hna sinah chan thong khat tiangin bia a kam i a fekmi dawtnak a ngei i,

DEUTERONOMI 30:3

khi tikah Bawipa nan Pathian nih khan nan van kha an pek ṭhan hna lai i nan cungah zaangfahnak a ngei lai i Bawipa nan Pathian nih an ṭheknak hna mi vialte sin khan an pumh ṭhan hna lai.

DEUTERONOMI 31:8

Na hmaiah a kalmi cu Bawipa a si; na sinah a um lai i an deuh lai lo i an hlaw fawn lai lo; ṭih hlah, na lung zong dong hlah,” tiah a ti.

GENESIS 30:25

Josef chuah hnu khan Jakob nih Laban cu a thawh i, “Atu cu inn ah ka tlunter cang.

LEVITIKAS 26:42

cu tikah cun Jakob sin i ka biakam kha ka hngalh ṭhan lai, Isak sin i ka biakam le Abraham sin i ka biakam kha ka hngalh ṭhan lai i ram kha ka hngalh ṭhan lai.

LEVITIKAS 26:45

Sihmanhsehlaw anmah zawnruah ah, an Pathian ka si nakhnga, miphun hna hmuh i Izipt ram in ka chuahpimi an pupa hna he ka biakam kha ka hngalh ṭhan lai: keimah cu Bawipa ka si,” tiah a ti.

SALM 91:11

Na kalnak kip i nangmah zohkhenhtu dingah Pathian nih a vancungmi kha a chiah hna lai.

JEREMIAH 16:15

‘Chaklei ram le ṭhek an sinak ram vialte hna chungin Israel mi a kirpitu hna Bawipa a nun bangin,’ tiin mi nih chiat an ser lai caan kha a ra lio; cun an pupa hna sinah ka rak pekmi anmah ramte ah khan ka kirpi ṭhan hna lai, tiah Bawipa nih a ti.