GENESIS 27:2 - Lai (Hakha) Common Language Bible 2006

² Isak nih cun a thawh i, “Ka tar i ka thi chom cang lai.

GENESIS 27:2 Խաչաձեւ Հղումներ

JEIM 4:14

Thaizing ah na nunnak cu zei a lawh lai hmanh na hngalh ṭung lo. Nang cu minmei zaammi bantuk, atute a hung um i a lo zaumi bantuk pei na si ko cu.

MARKA 13:35

Inn ngeitu kha zeitik i a kir lai nan hngalh lo caah ṭha tein hngak ko u. Zanlei ah a si kho, zanṭim ah a si kho, khuadei hlanah a si kho, nichuak ah a si kho.

PHUNGCHIMTU 9:10

Na tuahmi cu a ṭhat khawh chungin tuah, zeicah tiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

PHUNGTHLÛKBIA 27:1

Thaizing kong kha i porhlaw hlah, cu ni nih zei a chuahpi lai kha na hngal lo.

ISAIAH 38:3

“Bawipa, na rian zumhawktlakte le lungthin tak tein ka ṭuan kha philh hlah. Cun tuah seh ti na ka duhmi tuah kaa zuam zungzal zong kha philh hlah,” tiah a ti i lunghno ngaiin a ṭap.

ISAIAH 38:1

Cu caan lio hrawngah cun Siangpahrang Hezekiah kha a zaw i a thi dengmang. Profet Isaiah Amoz fapa kha amah zoh ah cun a va kal i, “Bawipa nih, ‘zeizong vialte kha ningcang tein chia dih seh, zeicahtiah a dam ṭhan ti lai lo,’ a ti. Cucaah cun thih awkah i tim ko,” tiah a va ti.

1 SAMUEL 20:3

Sihmanhsehlaw David nih a leh i, “Ka cung i dawtnak na ngeih kha na pa nih fiang tein a hngalh i, ‘Jonathan nih mah hi cu thei theng duh hlah seh, a lung lam a fak ai hnga,’ tiin a ruah lai. Sihmanhsehlaw biangai tein, Bawipa a nun bantuk le nangmah nunnak a nun bantukin, keimah le thihnak karlakah hin kar khat lawnglawng a um,” tiah a ti.

GENESIS 48:21

Cun Israel nih Josef cu, “Ka thi dengmang cang ti cu na hngalh. Asinain Pathian nih an umpi lai i na pupa hna ram ah khan an kirpi ṭhan lai.

GENESIS 47:29

A thih caan kha a naih tikah a fapa Josef kha a auh i, “Ka sinah bia i kam tuah. Na kut kha ka phei tangah chia law, na cungah ka ṭha lai i zumhawktlak tein ka um lai. Izipt ram ah kan vui lai lo tiin, bia i kam.

GENESIS 27:3

Cucaah cun na hriam, na li le na thal kha i lak hna law ram va vai law sa va ka kahpiak.