GENESIS 25:23 - Lai (Hakha) Common Language Bible 2006

²³ Bawipa nih cun a rak thawh i, “Na chungah hin miphun pahnih an um. Aa ralmi miphun phun hnih na hrin hna lai, pakhat cu a ṭhawng deuh lai i a upa deuh nih a ngakchia deuh kha a rianh lai,” a ti.

GENESIS 25:23 Խաչաձեւ Հղումներ

GENESIS 27:40

Na vainam in na nung lai i na nau sinum na si lai. Asinain na doh ve tikah Na hngawng i a hngawngkual cu na khiah lai,” a ti.

GENESIS 27:29

Miphun tampi cu na sal si hna seh law na hmaiah kun hna seh. Na rualchan hna cungah nang cu bawi si law Na nu tefa hna cu na hmaiah kun hna seh Chiat an serhmi cu chiatserh si ve hna seh, thluachuah an pemi cu thluachuah si ve hna seh,” a ti.

2 SAMUEL 8:14

Cun Edom ram chungah ralvengtu ralkapbu kha a chiah hna; Edom ram chungah a dihlak in ralvengtu ralkapbu kha a chiah hna i Edom mi vialte cu David sal ah an cang. Cun Bawipa nih David cu a kalnak kip ah teinak a pek lengmang.

1 CHANRELNAK 18:13

Cun Edom ram chungah ralvengtu ralkapbu kha a chiah hna i Edom mi vialte cu David sal ah an cang. Cun Bawipa nih David cu a kalnak kip ah teinak a pek lengmang.

GENESIS 24:60

Cun Rebekah cu thluachuah an pek i, “Kan farnu, nang cu mi thong tampi nu ah va cang law, Na tefa hna nih khan an ral hna khuapi kha tei hna seh,” an ti.

GENESIS 17:16

Amah cu thluachuahnak ka pek lai i fapa pakhat an hrinpiak lai. Amah cu thluachuah ka pek lai i miphun hna nu a si lai; a tefa hna lakah cun siangpahrang zong an um lai,” a ti.

NAMBAR 20:14

Moses nih Kadesh in Edom siangpahrang sinah lamkal a hei thlah hna i, “Hi bangin nan unau Israel mi nih an ti: Kan cung i vanchiatnak a tlungmi vialte cu na hngalh ko:

1 SIANGPAHRANG 22:47

Edom ram ah cun siangpahrang an um lo; a ai awhtu cu siangpahrang a si ko.

GENESIS 36:31

Israel siangpahrang ahohmanh nih Edom ram cu an uk hlanah, cu ram a rak uktu siangpahrang cu hi hna hi an si.

GENESIS 33:3

Jakob cu an hmaiah khan a kal i a u a phak hlanah voi sarih vawlei ah a kun.

GENESIS 25:27

Ngakchia cu an pahnih in an hung ṭhang, Esau cu sakah thiammi a si, ramvaih a duh ngaimi a si, sihmanhsehlaw Jakob cu midai, miholhlo, inn lawng i a ummi a si.

GENESIS 17:4

“Hi biakamnak hi kan pek: nangmah cu miphun tampi a hringsortu hna na si lai.

GENESIS 32:6

Lamkaltu kha Jakob sin i an ra kir tikah, “Na u Esau sinah cun kan va kal i asinain nangmah ton awkah khan a rak i thawh cang. Mi za li aa ratpi hna,” an ti.

GENESIS 25:24

A nithla a tlin tikah fa cu a hrin hna i faphir an si.

GENESIS 27:33

Isak cu a therh in a therh i, “Ahodah sa aa thah i a rak ka pemi kha a si kun? Na rat hlan deuhte ah khan pei ka rak ei cu. Amah cu ka thluachuah donghnak kha ka pek cang i cucaah amah ta a si zungzal ko lai,” a ti.

DEUTERONOMI 2:4

Cun mi cu nawl pe hna law: Seir i a ummi nan unau hna, Esau fapa hna, an ram cu nan tan dengmang cang i nannih cu an in ṭih hna lai. Cucaah ṭha tein i ralring tuah u,

DEUTERONOMI 2:8

Cucaah Seir i a ummi Esau fapale kan unau hna cu kaltak in, Arabah lam kaltak in, Elath le Ezion-geber kaltak in hmailei ah kan kal. “Cun kan i mer i Moab ramlak lei hoih in kan kal.

GENESIS 27:37

Isak nih cun Esau cu a leh i, “Amah cu nangmah bawi ah ka ser cang i a rualchan vialte cu a sal ah ka ser cang hna. Rawl le mitsur zu kha ka pek cang. Na ca i ka tuah khawh ding zeidah a tang ti i, ka fapa?” a ti.

GENESIS 48:19

A pa nih cun a duh lo i, “Ka fa, ka hngalh ko. Manasseh tefa hna zong hi mi lianngan an si ko lai. Asinain a nau pa cu amah nakin a ngan deuh lai a tefa cu miphun lianngan pipi ah an i chuah lai,” a ti.

1 SAMUEL 17:14

David cu a hniang bik a si; a upa bik pathum hna nih cun Saul kha an zulh,

OBADIAH 1:21

Israel mi hna cu Zion Tlang ah an kai lai i Esau Tlang cu an uk lai. Cun Bawipa cu Siangpahrang a si lai.”