GENESIS 25:11 - Lai (Hakha) Common Language Bible 2006

¹¹ Abraham thih hnuah a fapa Isak cu Pathian nih thluachuah a pek. Isak cu Beer-lahai-roi ah khan khua a sa.

GENESIS 25:11 Խաչաձեւ Հղումներ

GENESIS 22:17

Van i arfi zat le rili kam i thetse zat khin tefa kan pek lai. Na tefa nih cun an ral kha an tei hna lai.

GENESIS 16:14

Cucaah cun pei Kadesh le Bered karlak i a ummi tikhor cu, “Beer-la-hai-roi” tiah mi nih an ti cu, (Beer-la-hai-roi a sullam cu, “A ka hmutu Pathian nung tikhor,” ti a si).

GENESIS 24:62

Isak cu Beer-lahai-roi ah khan a rak i thawn i Negeb rawn ah khan a um.

GENESIS 17:19

Sihmanhsehlaw Pathian nih, “Na palh; na nupi Sarah nih fapa an hrinpiak lai i a min ah Isak na sak lai. Amah le a tefa hna sinah khan ka biakamnak cu ka fehter lai. Cu ka biakamnak cu zungzal hmunmi biakamnak a si.

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

GENESIS 50:24

A unau pawl kha a thawh hna i, “Atu cu ka thihnak a nai cang, sihmanhsehlaw Pathian nih an zohkhenh hrimhrim hna lai i hi ram hin an chuahpi hna lai i Abraham le Isak le Jakob a kamhmi hna ram ah khan an kalpi hna lai,” a ti.

GENESIS 12:3

Nangmah thluachuah an petu kha thluachuah ka pek ve hna lai i chiat an serhtu kha chiat ka serh ve hna lai. Vawlei cung miphun vialte nih hin, Nangmah thluachuah kan pek bantuk hin thluachuah kan pe ve, tiah an ka hal lai,” a ti.

GENESIS 26:3

Hika ah hin tlawmpal in um ko law na sinah ka um lai i thluachuah kan pek lai i hi ram vialte hi nangmah le na tefa kha kan pek hna lai. Na pa Abraham sin i ka sermi biakamnak kha ka let lai lo.

GENESIS 24:35

Bawipa nih ka bawipa cu thluachuahnak tampi a pek i mi lianngan pakhat ah a ser. Tuurun le mehehrun le caw le sui le ngun le salnu le salpa le kalauk le laa kha a pek hna.

GENESIS 26:12

Cu ram ah cun Isak nih thlaici a tuh i cu kum ah cun a tuhmi thlaici a let za khat in a zun; cucu Bawipa nih thluachuah a pek caah a si.

SALM 112:2

Cu bantuk mi hna fale cu ram chungah hin miṭhawng an si lai, miṭha mi hna fale cu thluachuah hmumi an si lai.