GENESIS 24:49 - Lai (Hakha) Common Language Bible 2006

⁴⁹ Cucaah cun ka bawipa cungah hin a phung ning bantukin rian cu kan ṭuan lai nan ti ahcun ka chim u; cun kan ṭuan hnga lo nan ti ahcun ka chim fawn ko u, cuticun lung i thleh awk kaa hngal lai,” a ti.

GENESIS 24:49 Խաչաձեւ Հղումներ

GENESIS 47:29

A thih caan kha a naih tikah a fapa Josef kha a auh i, “Ka sinah bia i kam tuah. Na kut kha ka phei tangah chia law, na cungah ka ṭha lai i zumhawktlak tein ka um lai. Izipt ram ah kan vui lai lo tiin, bia i kam.

JOSHUA 2:14

Cun mi hna nih cun a sinah, “Kan nun ah nan nung ve lai! Hi kan rian hi na chim lo ahcun, Bawipa nih hi ram kha a kan pek tikah zaangfahnak te le zumh awk tlak tein kan in ti lai,” tiah an ti.

PHUNGTHLÛKBIA 3:3

Felnak le zumh awk tlakmi sinak kha i chuahtakter hna hlah, Na hngawng ah i ngerh hna law na lung tlap cungah i ṭial hna.

GENESIS 32:10

Na sal ka cung i na zaangfahnak le zumhawktlak na sinak na langhtermi hi a hmu dingah aa tlakmi ka si lo. Jordan tiva kha ka ṭhiangṭhunh he lawng ka rak tan, sihmanhsehlaw atu cu hi bu bu hnih hna he hin ka ra kir.

DEUTERONOMI 2:27

‘Na ram chungin ka lanhter tuah; lam lawnglawng kha ka zulh lai, orhlei ah siseh, kehlei ah siseh kaa mer lai lo.

NAMBAR 20:17

Cucaah na ram hi kan tanter ko sawh. Lo siseh mitsur dum siseh kan tanpah hna lai lo, tikhor ti zong kan ding lai lo; Siangpahrang Lampi kha kan zulh lai i orhlei ah siseh kehlei ah siseh kan i mer lai lo, na ram kan tan dih hlantiang cu,” tiah a ti.