GENESIS 24:15 - Lai (Hakha) Common Language Bible 2006

¹⁵ A thlacam a dih hlanah khin Rebekah kha a ti-um cu a liang ah a run i khinh i a ra. Rebekah cu Bethuel fanu kha a si, Bethuel cu Milkah fapa kha a si i Milkah cu Abraham nau Nahor nupi kha a si.

GENESIS 24:15 Խաչաձեւ Հղումներ

GENESIS 11:29

Abram nih cun Sarai a ṭhit i Nahor nih Haran fanu Milkah kha a ṭhit, Haran cu Iskah pa kha a si.

ISAIAH 65:24

Ka sin i thla an cam tikah an thlacam a dih hlan hmanh in ka leh hna lai.

GENESIS 24:45

Ka lung chungin thla ka cammi a dih hlanah cun, Rebekah kha a ti-um a liang ah run i khinh in a ra i tithan ah cun tikhor chungah khan a vung ṭum. Amah cu ka rak chawnh i, ‘Zaangfahnak in ti din awk ka pe tuah,’ ka ti.

ISAIAH 58:9

Thla nan cam tikah kan leh hna lai. Nan ka chawnh tikah kan chawnh ve hna lai. “Hremnak le nautatnak le holh ṭha lo kha nan ngol i

SALM 65:2

Zion ah kan in thangṭhat lai i na sinah bia kan i kammi kha kan in pek lai.

SALM 34:15

A dingmi cu Bawipa nih a zohkhenh hna i an aunak kha a theih;

EXODUS 2:16

Midian tlangbawipa nih cun fanu pasarih a rak ngeih hna. Ti than awkah khan an ra i an pa tuu le meheh kha ti dinh awkah saram ti dinhnak kuang chungah khan ti cu an thlet.

RUTH 2:17

Cucaah lo chungah cun zanlei tiang a sua; a suatmi cu a tuk i barli ephah pakhat hrawng a si.

RUTH 2:2

Cun Moab minu Ruth nih cun Naomi cu a thawh i, “Lo ah va kal ning law a rak ka zaangfahtu paoh sinah famua ka va sua lai,” tiah a ti. Cun anih nih, “Va kal ko, ka fanu,” tiah a ti.

GENESIS 29:9

Cu bantukin Jakob nih bia a ruah lio lengmang hna ah cun Rachel kha a pa tuurun he khan a ra phan ve. Rachel cu a pa tuurun a zohkhenhtu kha a si.

GENESIS 24:24

Ngaknu nih cun, “Nahor le Milkah fapa Bethuel fanu ka si,” tiah a leh.

GENESIS 11:27

Terah tefa cu hi hna hi an si: Terah cu Abram le Nahor le Haran pa a si. Haran cu Lot pa a si i

PHUNGTHLÛKBIA 31:27

A innchungkhar umkalning kha ṭha tein a zoh i an herh an baunak kha ṭha tein a hmuh.

GENESIS 21:14

A thaizing cu zingka tein Abraham nih Hagar cu rawl tlawmpal le saphaw tithawl ti a khat tein a ummi kha a pek i nau kha a puakter i a kalter hna. Hagar cu Beer-sheba ramlak ah khan a vai lengmang.

GENESIS 24:14

ngaknu kha ka thawh i, ‘Zaangfahnak in na ti-um kha vun ṭhum law ti din awk ka pe tuah,’ ka ti i, ‘Ding hen, na kalauk hna zong kha ti ka pek hna lai,’ a timi cu, na sal Isak ca i na thimmi si seh. Cu bantuk thil a si ahcun, ka bawipa sin i na biakamnak kha a hmun tiah ka hngalh lai,” a ti.

GENESIS 25:20

Isak cu Rebekah a ṭhit ah kum sawm li a si, Rebekah cu Mesopotamia ram i a ummi Aramean miphun Bethuel fanu a si i a ṭa cu Aramean miphun Laban kha a si.

1 SAMUEL 9:11

Khua chung hung kal awk i fing an hun zawh lioah khin ti than awkah a rami ngaknu an ton hna i annih cu, “Hika ah hmutu kha a um maw?” tiah an hal hna.

GENESIS 29:5

Cun, “Nahor fapa Laban kha nan hngalhmi a si maw?” a ti hna i annih nih, “Asi, kan hngalhmi a si,” an ti.