GENESIS 18:27 - Lai (Hakha) Common Language Bible 2006

²⁷ Abraham nih khan a hun i thawh ṭhan i, “Kei cu leidip le vutcam si ko hmanh ning law, Bawipa, nangmah cu ngamh ngaiin kan chawnh hi ka ngaithiam ko.

GENESIS 18:27 Խաչաձեւ Հղումներ

ISAIAH 6:5

Cun kei nih kaa thawh i, “E law, mah hi ka si ko cang! Ka lo ko cang. Ka ka in a chuakmi bia hi bia sual lawngte an si i ka umnak mi zong hi bia sual le bia thur a hmangmi lawngte an si. Cun atu ah ka mit hrimhrim in Siangpahrang, Ralkapbu Bawipa cu ka hmuh,” ka ti.

LUKA 5:8

Simon Peter nih cucu a hmuh tikah Jesuh hmaiah cun a khuk aa bil i, “Bawipa, ka kaltak ko, kei cu misual ka si,” tiah a ti.

GENESIS 3:19

Rawl na hmuh khawhnak dingah, vawlei i na kir ṭhan hlan tiang, thlan hripi puak in na cawl a hau lai; Nangmah cu, cu vawlei cun sermi na si. Leidip na si i leidip ah na kir ṭhan lai,” a ti.

LUKA 18:1

Lungdong loin thla nan cam zungzal awk a si, ti cawnpiaknak caah Jesuh nih hi bianabia hi a chimh hna.

ISAIAH 64:8

Sihmanhsehlaw Bawipa, nangmah cu kan Pa na si. Kannih cu tlak bantuk kan si i nangmah cu um sertu bantuk na si. Nangmah nih kannih cu na kan ser,

PHUNGCHIMTU 12:7

Kan pum cu vawlei leidip ah a kir ṭhan lai i kan thaw cu a kan petu Pathian sinah a kir ṭhan lai.

JOB 30:19

Pathian hrimhrim nih nawncek chungah a ka hlonh i leidip le vutcam bantuk ah ka cang.

JOB 4:19

Cucaah tlak inn ah khua a sa i a hram cu leidip a si i Pelep bangin a man khomi cu zeitluk in dah a ti chinchin hna lai.

GENESIS 2:7

Cun Bawipa Pathian nih vawlei khan tlak tlawmpal a lak i mipa ah a ser; nunnak petu thaw kha a hnar chungah a chuahhnawh i mipa cu a hung nung.

SALM 144:3

Maw Bawipa, minung hi zeidah a si i a zawn na ruah? Minung fapa hi zeidah a si i biapi ah na rel?

SALM 8:4

minung hi zeidah a si i na hnakkar ah na tenh? Minung menmen a simi hi zeidah a si i a zawn na ruah? ti hi ka ruat.

EZRA 9:6

“Maw ka Pathian, nangmah lei hoih hi ka ning a zak i ka hmai a sen ko, zeicahtiah kan ṭhat lonak nih kan lu a lonh i kan mawhnak cu van a tawng.

GENESIS 18:28

Sawm nga si loin sawm li le panga um hna seh law tah zeitindah a si hnga? Panga in an tlawm ruangah cun khua cu na hrawh dih ko hnga maw?” a ti. Bawipa nih cun, “A sual lomi sawm li le panga ka hmuh hna ahcun khua cu ka hrawk lai lo,” a ti.

EXODUS 32:11

Sihmanhsehlaw Moses nih Bawipa a Pathian cu a nawl i, “Maw Bawipa, zeicahdah Izipt ram in na ṭhawnnak le na lianhngannak he na chuahpimi na mi hna cu na thinhunnak in na khangh hna lai?