GENESIS 15:9 - Lai (Hakha) Common Language Bible 2006

⁹ Pathian nih cun, “Cawla kum thum a timi pakhat, meheh kum thum a timi pakhat, tuukawng kum thum a simi pakhat, cun ṭhuro pakhat le laileng pakhat kha rak ka pe hna,” a ti.

GENESIS 15:9 Խաչաձեւ Հղումներ

LUKA 2:24

Cun Bawipa nawlbia nih, Ṭhuro tuah khat, asiloah, laileng no pahnih, raithawinak ah nan pekchanh hna lai, a ti bantukin annih nih raithawinak kha an pekchanh.

LEVITIKAS 14:30

Cun a tlinh khawhmi paoh, ṭhuro siseh laileng no siseh,

LEVITIKAS 14:22

cun ṭhuro pahnih maw laileng no pahnih dik, a tlinh khawh deuh paohpaoh kha an si fawn lai; pakhat cu sual thawinak a si lai i pakhat cu khangh thawinak a si lai.

LEVITIKAS 9:2

Aaron sinah, “Cawtum no pakhat in sual thawinak caah, cun khangh thawinak caah tuukawng pakhat, dotla veve, la hna law, Bawipa hmaiah thawi hna.

LEVITIKAS 3:6

“A pekchanhmi cu, Bawipa sin i daihnak thawinak pekchanhnak caah, tuurun chungin saṭil pakhat a pa siseh a nu siseh a si ahcun, dotla a si lai.

LEVITIKAS 3:1

“Mi pakhatkhat nih a pekchanhmi cu daihnak thawinak pekchanhnak a si ahcun, cawrun chungin saṭil pakhatkhat, a pa siseh a nu siseh, a pekchanh ahcun, Bawipa hmaiah dotla a pek awk a si lai.

LEVITIKAS 1:14

“Bawipa sin i a pekchanhmi cu vate khangh thawinak a si ahcun, a pekchanhmi ṭhuro si hna seh laileng no si hna seh a rak put hna lai.

ISAIAH 15:5

Moab caah ka lung a fak hringhran. Mi cu Zoar khua ah an zam. A cheu cu an ṭah pah in Luhith lam leiah khan an hung kal; a cheu cu Horonaim leiah khan an zam i an i ṭah sek.

SALM 50:5

Aa thawh i, “Zumhawktlak a simi keimah sinah raithawinak in biakamnak a tuahmi ka mi hna kha ka sinah pum hna u,” a ti.

LEVITIKAS 12:8

Cun tuufa kha a ngeih khawh lo ahcun, ṭhuro pahnih maw, laileng no pahnih dik a lak hna lai, pakhat cu khangh thawinak caah a si lai i a dang cu sual thawinak caah a si lai; cun tlangbawi nih remnak a serpiak lai i amah cu a thiang lai.”

LEVITIKAS 9:4

daihnak thawinak hna caah cawtum pakhat le tuukawng pakhat la hna law, Bawipa hmaiah thawi hna, cun chiti he cawhmi changvut thawinak zong; zeitintiah nihin ah Bawipa cu nannih sinah a lang lai,’ tiah ti hna,” tiah a ti.

LEVITIKAS 1:10

“Khangh thawinak ca i a pekchanhmi cu tuurun chungin siseh, meheh run chungin siseh a si ahcun, a tum dotla a si lai;

LEVITIKAS 1:3

“A pekchanhnak cu cawrun chungin khangh thawinak a si ahcun, a tum do a tlami kha pek a si lai; Bawipa hmaiah amah cu cohlan a si nakhnga tonnak thlam innka ah cun a pek lai;

GENESIS 22:13

Abraham cu khua a hei hoi i tuukawng pakhat burbuk lak i a ki in a rak taan ko kha a hmuh. A hei fuh i a va lak i a fapa can ah khanghthawinak ah cun a thawi.

GENESIS 15:8

Sihmanhsehlaw Abram nih cun, “Maw Bawipa Pathian, cucu ka ta a si lai ti cu zeitindah ka hngalh khawh lai?” a ti.

GENESIS 15:10

Hi saram vialte hi Abram nih Pathian sinah khan a rak put hna. A cheu hna i a cheumi hna cu hmaitonh cio ah tlang hnih in a chiah hna; va kha cu a can hna lo.

LEVITIKAS 12:6

“Cun aa thianhnak ni kha a tlin tikah, fapa caah siseh, fanu caah siseh, tlangbawi sinah, tonnak thlam innka ah khangh thawinak caah tuufa kum khat a timi a rak put lai i sual thawinak caah laileng no pakhat maw ṭhuro pakhat dik a rak put lai.

SOLOMON HLA 2:12

Khua pawngkap ah a een cang pangpar, Kaileng va zaihla tin an remh cu ai cang, Kan lai lungrawn khua zel in.