GENESIS 15:1 - Lai (Hakha) Common Language Bible 2006

¹ Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

GENESIS 15:1 Խաչաձեւ Հղումներ

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

SALM 119:114

Nangmah cu a ka khamhtu le a ka hupphengtu na si, na biakam cu kaa bochan.

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

GENESIS 26:24

Cu zan ah cun Bawipa kha a sinah a lang i, “Kei cu na pa Abraham Pathian kha ka si. Na thinphang hlah, keimah nih kan umpi ko. Ka sal Abraham ruangah thluachuahnak kan pek lai i tefa tampi kan pek lai,” a ti.

ISAIAH 41:14

Bawipa nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

ṬAHNAK HLA 3:24

Ka ngeihmi dihlak cu Bawipa hi a si ko, ka ti; Cucaah amah cu lungsau in ka ngan ko lai;

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

SALM 5:12

Bawipa, na nawl a ngaimi cu thluachuah na pek hna, na zaangfahnak nih phaw bantukin a huhphenh hna.

SALM 18:2

Bawipa cu ka khamhtu a si, amah cu a fekmi ka ralhruang a si. Ka Pathian cu a ka hupphengtu a si, amah sinah cun him tein ka um. Phaw bantukin a ka huhphenh, a ka ven i him tein a ka umter.

RUTH 2:12

Bawipa nih na tuah ciami cu in rul seh law, Bawipa, Israel Pathian, a thla tangah i dor awk i na rak fuhmi nih cun, tampi in laksawng in pe ko seh!” tiah a ti.

LUKA 1:13

Sihmanhsehlaw vancungmi nih cun a thawh i, “Zekhariah, na thinphang hlah! Pathian nih na thlacamnak kha a theih i na nupi Elizabeth nih fapa an hrinpiak lai. A min ah Johan na sak lai.

ISAIAH 43:5

Na thinphang hlah — na sinah ka um ko. A hlatmi nichuahlei ram le a hlat bik nitlaklei ram in, na mi cu inn ah ka tlunpi hna lai.

SALM 142:5

Bawipa, bawmhnak duh ah nangmah cu kan auh, Bawipa nangmah cu a ka hupphengtu na si; ka nun chungah hin ka duhmi le ka herhmi cu nangmah lawnglawng na si ko.

SALM 3:3

Sihmanhsehlaw Bawipa, nangmah nih phaw bantukin na ka huhphenh zungzal i teinak kha na ka pek i ka lung na ka ṭhawnter ṭhan.

GENESIS 21:17

Pathian nih ngakchiapa a ṭah cu a run theih i vancung in Pathian vancungmi nih khan Hagar cu a run chawnh i, “Hagar, zeicahdah na lungre a theih? Na thinphang hlah. Pathian nih ngakchiapa a ṭah kha a theih cang.

LUKA 1:30

Vancungmi nih cun a thawh i, “Mary, na thinphang hlah. Zeicahtiah Pathian nih nangmah cu vel an ngeih.

SALM 58:11

Mi nih an i thawh lai i, “Miding mi cu laksawng an hmu taktak ko; vawleicung ah hin Dingthlu Lairel Pathian a um taktak ko,” an ti lai.

MATTHAI 8:26

Jesuh nih cun, “Zeicahdah cu ti lawmmam cun nan thin a phan? Nan hei ka bochan lo hringhran dah!” tiah a leh hna. Cun a tho i thli le tilet cu nawl a pek hna i dai zirziar tein rili cu a um ṭhan.

ISAIAH 51:12

Bawipa nih aa thawh i, “Nanmah thazang an petu hna cu keimah ka si. Cucaah cun zeicahdah ram nakin sau deuh a nung hlei lomi, a thi khomi minung cu nan ṭih hna?

SALM 27:1

Bawipa cu ka ceunak le ka khamhnak a si; ahohmanh ka ṭih hna lai lo. Bawipa cu a ka hupphengtu ralhruang a si, ka thin a phang lai lo.

PHUNGTHLÛKBIA 11:18

Miṭhalo nih ahmaan loin miaknak a hmuh tawn, ṭhatnak a tuhtu nih cun laksawng taktak cu a hmuh lai.

SALM 91:4

A thla in an huh lai i him tein na um lai; zumhawktlak a sinak nih khan an huhphenh lai i him tein an umter lai.

DEUTERONOMI 31:6

Ṭhawng u law, nan ral ṭha ko u, ṭih hlah u, an hmaiah therphang hlah u; zeicahtiah nanmah he a kalmi cu Bawipa nan Pathian a si; an deuh hna lai lo i an hlaw fawn hna lai lo,” a ti.

EZEKIEL 3:4

A ka thawh i, “Mipa, Israel mi sinah va kal law chimh ka duhmi hna kha va chim hna.

ISAIAH 44:2

Nanmah an sertu hna cu Bawipa ka si, nan nunnak a hram a thawknak khan keimah nih kan bawmh hna. Nan thinphang hlah u; nanmah cu ka sal nan si, ka dawtmi ka mithim nan si.

ISAIAH 43:1

Israel, nangmah an sertu Bawipa nih hitihin a ti: “Na thinphang hlah, kan huhphenh lai. Nangmah cu na min in kan auh, keimah ta na si.

ISAIAH 35:4

A lung a dongmi cu, “Na thinphang hlah, lungṭhawng in um ko! Pathian cu nangmah chanh awkah a ra lai, na ral kha na phu a hlam hna lai,” ti hna u.

EXODUS 14:13

Moses nih khan mi zapi cu a leh hna i, “Nan thinphang hlah u! Fek tein dir u law nanmah khamh awkah Bawipa nih zeidah nihin ah a tuah lai kha zoh tuah u: cu a tuah laimi cu hihi a si lai, nihin i nan hmuhmi Izipt mi hna hi zeitikhmanh ah nan hmu ṭhan ti hna lai lo.

BIAPHUAN 1:17

Amah cu ka hmuh tikah mithi bantukin a ke hramah ka tlu. A orhlei kut in a vun ka tawngh i, “Na thinphang hlah! Kei cu hmasa bik le hmanung bik kha ka si.

HEBRU 1:1

Hlan ah cun Pathian nih kan pupa hna sin i bia a chim tikah profet kha a rak hman hna i a cheuchum tete le phun dangdang in a chimning cu a rak si.

1 KORIN 3:22

Paul siseh, Apollo siseh, Peter siseh, hi vawlei hi siseh, nunnak siseh, thihnak siseh, atu caan hi siseh, hmailei caan khi siseh, hi vialte hi an dihlak in nanmah ta an si i

LAMKALTU 10:22

Annih nih cun an leh i, “Kepṭen Kornelias nih a kan thlahmi kan si. Amah cu miṭha le Pathian a biami a si i Judah mi vialte nih an hmaizah ngaingaimi a si. Amah nih cun na bia kha a theih ve nakhnga Pathian vancungmi pakhat nih nangmah cu a inn rat va sawm awkah amah cu a chimh,” tiah an ti.

PHUNGTHLÛKBIA 30:5

Pathian nih biakamnak a sermi paohpaoh cu biatak a si tiah a fiang cang; amah chung i aa dormi hna caah cun amah cu phaw a si.

SALM 84:9

Maw Pathian, kan siangpahrang cu thluachuahnak pe ko, nangmah nih na thimmi siangpahrang cu thluachuahnak pe ko.

1 SAMUEL 9:9

(Hlan lioah cun Israel mi hna lak i pakhatkhat nih Pathian kha hal an duh ahcun, “Ra tuah, hmutu sinah kal u sih,” tiah an rak ti tawn, zeicah tiah atu i profet timi hi hlanah cun hmutu ti a rak si.)

EZEKIEL 11:24

Cun thlarau nih a ka cawi i Khaldia-ram i saltangmi hna sinah khan a ka kalpi. Hi thil vialte hi Pathian nih a run thlahmi langhnak khan a rami a si i ka hmuhmi langhnak nih cun a ka kaltak.

1 CHANRELNAK 28:20

Khi tikah David nih a fapa Solomon cu a thawh i, “Ṭhawng ngai le ralṭha ngaiin um law ṭuan tuah. Ṭih hlah, na lung dong hlah; zeicahtiah Bawipa Pathian, keimah i ka Pathian hrimhrim cu na sinah a um. Bawipa inn chung rianṭuannak ca i rian vialte cu lim a si hlantiang amah nih cun an deuh lai lo i an hlaw fawn lai lo.

EZEKIEL 1:1

Kum sawm thum kum, thla linak thla, ni nga ni ah cun, saltangmi hna sinah Khebar tiva pawngah khan ka um i van kha aa hung i Pathian langhnak kha ka hmuh hna.

MATTHAI 28:5

Vancungmi nih khan nu cu a thawh hna i, “Nan thinphang hrimhrim hlah u. Vailam tahnak thing i khenhchihmi Jesuh nan kawl ti kha ka hngalh.

ISAIAH 44:8

Ka mi hna, nan thinphang hlah u. Thil um lai ding vialte kha hlanlio piin atu tiang, ka rak chimchung cang kha nan hngalh i ka tehte cu nanmah nan si. Pathian dang aho tal an um maw? Lungpi dang ahohmanh an um lo, ka hngalhmi pakhat hmanh an um lo.

NAMBAR 12:6

Cun amah nih, “Ka bia ngai tuah u: Nannih lakah profet an um tikah Bawipa keimah nih langhnak in an sinah kaa hngalhter i mang in ka chawnh hna.

GENESIS 15:2

Sihmanhsehlaw Abram nih cun a thawh ve i, “Maw Bawipa Pathian, kei cu fa ka ngei lo; cucaah zeitindah laksawng cu na ka pek khawh lai? Ka ro a ka cotu ding cu Damaskas khuami Eliezer hi pei a si ko hi.

GENESIS 15:4

Cun Bawipa nih, “Hi sal hi na rocotu cu a si lai lo, na rocotu cu nangmah na fapa hrimhrim a si lai,” tiin a chimh cu a theih ṭhan.

GENESIS 31:7

Asinain a ka hlen i ka hmuh awk hnga kha voi hra a ka hlen. Sihmanhsehlaw ka cung i ṭhat lonak tuah cu Pathian nih a onh lo.

NAMBAR 18:20

Cun Bawipa nih Aaron cu, “An ram chungah ro na ngei lai lo, annih lakah covo zong na ngei lai lo, keimah cu Israel mi hna lakah na vo le na ro ka si.

NAMBAR 24:4

Pathian bia a theimi le A Lianngan Bik langhnak a hmu i a tlu nain A mit hunpiak a simipa bia cu hihi a si:

1 SAMUEL 15:10

Bawipa bia cu Samuel sinah a ra phan:

2 SAMUEL 22:3

Ka Pathian, a chung i kaa dornak lungpi, ka phaw le ka khamhnak ki, ka ralhau le ka himnak; Ka khamhtu, nangmah nih zaang-ennak chungin na ka khamh.

GENESIS 22:1

Cu hnu tlawmpal ah cun Pathian nih Abraham kha a hneksak i, “Abraham,” tiah a ti i Abraham nih, “Bawipa, na chimmi bia ka ngai ko,” tiah a leh.

GENESIS 22:20

Cu hnu tlawmpal ah cun Abraham nih a nau Nahor nih khan Milkah he fa an hrin hna ti kha a theih:

DEUTERONOMI 18:2

An unau hna lakah ro an ngei lai lo; bia a kam hna bangin Bawipa cu an ro a si.

2 SIANGPAHRANG 1:15

Cun Pathian vancungmi nih Elijah cu a thawh i, ‘Amah he cun vung kal ko; amah cu ṭih hlah,” tiah a ti. Cucaah a tho i siangpahrang sinah cun amah he khan an vung kal,

SALM 3:4

Bawipa kha ka auh i a tlang thiang cungin a ka leh.

SALM 115:10

Pathian tlangbawi hna, Bawipa cu i bochan u, amah nih an bawmh hna i an huhphenh hna.

ISAIAH 40:10

Bawipa nih ṭhawnnak in a uk hna lai i a khamhmi kha aa ratpi hna lai.

JEREMIAH 39:17

Sihmanhsehlaw nang cu khi ni ah cun kan huhphenh lai i na ṭihmi hna kut chungah chanh na si lai lo,’ tiah Bawipa nih a ti.