GENESIS 14:6 - Lai (Hakha) Common Language Bible 2006

⁶ Hormi kha Seir tlang ah an tei hna i thetse rawn kam i a ummi Elparan khua tiang an dawi hna.

GENESIS 14:6 Խաչաձեւ Հղումներ

DEUTERONOMI 2:22

Seir tlang i a ummi Esau fapa hna caah a tuah bang khan — annih hmaiah Hormi kha a hrawh tik hna ah annih nih an pawnchuah hna i nihin tiangin an umnak kha an rawlh hna.

DEUTERONOMI 2:12

Hormi zong hlan ah cun Seir ah an rak um, sihmanhsehlaw Esau fapa hna nih an pawnchuah hna i an hrawh hna i an umnak kha an rawlh hna, Israel mi nih Bawipa nih a cotermi hna ram cung i an tuah bantuk khan.)

GENESIS 21:21

A nu nih Izipt ram in nupi a ṭhitpiak.

NAMBAR 13:3

Cucaah Moses nih Paran ramlak khan Bawipa nawl pek bang khan a thlah hna, an dihlak in Israel mi hna an lu kha an si.

NAMBAR 12:16

Cu hnuah cun Hazeroth in an i thawh i Paran ramlak ah khan riahhmun an khuar.

HABAKKUK 3:3

Pathian cu Teman in a ra, Mi Thiang cu Paran Tlang in a ra; A ceunak kha van a khat i a sunparnak cu vawlei kha a khat.

NAMBAR 10:12

Israel mi hna cu Sinai ramlak khan an i thawh i riahhmun riahhmun lengmang in an kal i, minmei cu Paran ramlak ah khan a dir.

GENESIS 36:8

Cucaah Esau (Edom) cu Seir tlangram ah khan a va um.

GENESIS 16:7

Bawipa vancungmi nih Hagar cu Shur lei kalnak lam i a ummi cerhti, thetse rawn cerhti ah khan a ton i,

GENESIS 32:3

Jakob nih a u Esau sinah khan, Seir peng Edom ram ah cun lamkaltu a hei thlah hna.

1 SIANGPAHRANG 11:18

Midian in an i thawh i Paran an phan, cun Paran cun mi an i kalpi hna i Izipt ah, Izipt siangpahrang Faro sin an phan; amah nih cun inn a pek i rawl kha a rak damhkhanpiak i ram zong a pek.