GENESIS 12:4 - Lai (Hakha) Common Language Bible 2006

⁴ Abram cu kum sawm sarih le kum nga a si tikah, Bawipa nih a chimh bantuk khan, Haran khua cun aa thawh; Lot kha a sinah a kal ve.

GENESIS 12:4 Խաչաձեւ Հղումներ

HEBRU 11:8

Pathian nih Abraham kha a auh tikah, a bia a ngaihtertu le, kan pek lai, tiah a kamhmi ram i a kaltertu kha zumhnak a si. Khuazei ah ka kal ti hngal loin a ram kha a chuahtak.

GENESIS 11:31

Terah nih a fapa Abram le a tu Lot, Haran fapa kha le, Abram nupi Sarai kha, Kanaan ram lei i kal awkah Khaldi ram Ur khua khan a thawhpi hna. Sihmanhsehlaw Haran khua tiang an kal i cuka ah cun umhmun an khuar.

GENESIS 11:27

Terah tefa cu hi hna hi an si: Terah cu Abram le Nahor le Haran pa a si. Haran cu Lot pa a si i

LAMKALTU 7:4

Cucaah Khaldia ram khan a chuak i Haran khua ah khan a um. Cun Abraham cu a pa a thih hnuah atu i nan umnak ram ah hin Pathian nih a rak thawnter.

HEBRU 6:15

Abraham cu a lung a sau i cucaah Pathian nih bia a kamhmi kha a hmuh khawh.

GENESIS 16:3

Cuticun Sarai nih Izipt mi a salnu Hagar cu Abram kha nupi caah a pek. (Cu thil cu bantukin a hung um cu Abram kha Kanaan ram chung i kum hra a um hnuah a si).

GENESIS 16:16

Abram cu kum sawm riat le kum ruk a si.

GENESIS 25:7

Abraham cu kum za sawm sarih le kum nga a nung.

GENESIS 28:10

Jakob cu Beer-sheba khan aa thawh i Haran khua leiah cun a kal.

GENESIS 13:5

Abram he a kal ṭimi Lot zong nih khan tuu le meheh le caw le a sin i a um vemi minung kha a ngeih ve hna.