GALATI 6:8 - Lai (Hakha) Common Language Bible 2006

⁸ A pumsa duhnak lo ah a tuh ahcun, thihnak kha a zun lai; Thlarau lo ah a tuh ahcun, Thlarau nih zungzal nunnak kha a pek lai.

Laibaibal Thiang (BSI)

⁸ Thisa lei in a tuhtu nih thisa chungin rawhnâk a zûn lai, Thlarau lei i tuhtu nih Thlarau sinin zungzal nunnâk a zûn te lai.

GALATI 6:8 Խաչաձեւ Հղումներ

ROM 8:13

Nan mihring sining in nan nun ahcun nan thi ko lai; sihmanhsehlaw sualnak nan tuahmi kha Thlarau in nan thah ahcun nan nung lai.

JEIM 3:18

Cun daihnak sertu pawl nih daihnak in an tuhmi thlaici nih a thei a tlaimi cu ṭhatnak a si.

2 PETER 2:19

Luatnak nan hmu lai, tiah bia an kamh hna, sihmanhsehlaw anmah hmanh kha, rawhralnak a phakpitu hna an ziaza sal kha an si — minung hi a teitu paoh sal a si ko.

JOB 4:8

Keimah ka hmuhning ah cun ṭhat lonak lei a thuangtu hna le Harnak a tuhtu hna nih cun, cu ṭhiamṭhiam cu an zun tawn.

HOSEA 10:13

Sihmanhsehlaw nannih nih ṭhat lonak tu kha nan tuh i a theitlai kha nan zun. Nan lih chimmi nih a chuahtermi theitlai kha nan ei cang. Nannih nih nan rangleng hna le nan ralkap hna kha nan i bochan caah,

GALATI 6:7

Nanmah le nanmah i hleng hlah u; ahohmanh nih Pathian cu an deh kho lo. Mi nih a tuhmi cu a zun ko lai.

ROM 13:14

Bawi Jesuh ziaza tu kha i lak u law pumsa duhnak tuah kha ngol u.

PHUNGTHLÛKBIA 22:8

Dinlonak thlaici kha na tuh ahcun harnak kha na zun lai i na rian theitlai cu fungfek kha a si lai.

BIAPHUAN 22:11

Miṭhalo cu ṭhat lonak kha tuah lengmang ko seh, fihnung a simi cu fihnung kha tuah lengmang ko seh, miṭha a simi cu ṭhatnak kha tuah lengmang ko seh, mithiang a simi cu thiannak kha tuah lengmang ko seh,” a ti.

JOHAN 4:36

Rianṭuantu nih a ṭuan man kha a hmuh lio cang i zungzal nunnak caah khan rawl kha a pum lio hna, cucaah a tuhtu le a zuntu kha an pahnih in hmunkhat ah an i lawm ṭi lai.

JUDAS 1:21

Pathian dawtnak chungah khan um ko u. Cun kan Bawipa Jesuh Khrih nih zaang an fah hna ruang i zungzal nunnak an pek hna lai ni cu hngak ko u.

JOHAN 6:27

Hi a rawk khomi rawl caah hin ṭuan hlah ngat u, a hmunmi rawl, zungzal nunnak rawl caah ta nan ṭuan. Hi rawl cu Mi Fapa nih hin kan pek hna lai, zeicahtiah Pa a simi Pathian nih keimah cungah hin a lungsinak kha a khenh cang,” tiah a ti.

ROM 6:13

Cun nan pum a zeihmanh kha thil ṭhalo tuahnak ding caah sualnak kha pe ti hlah u. Thihnak in nunnak ah thawhter ṭhanmi bantukin Pathian sin tu ah i pe u law dinnak tuahnak ding caah nan pum cu a ningpi in Pathian cu pe ko u.

JEREMIAH 12:13

Ka mi hna nih changvut an cin i hling an zun, Thaba ngaiin an ṭuan, sihmanhsehlaw rawl fang zeihmanh an hmu lo. Bawipa kha a thin a hun caah an kumvui cu a ṭha hrimhrim lo.

PHUNGCHIMTU 11:6

Zinglei ah thlaici tuh ko, zanlei zongah ngol hlah; zeicahtiah an dihlak in an ṭhat lai le an ṭhat lai lo kha na hngal lo i a zei kha dah a ṭha deuh lai ti zong kha na hngal lo.

MATTHAI 19:29

Cun keimah ruangah a inn siseh, a lo siseh, a u siseh, a nau siseh, a farle si hna seh, a pa siseh, a nu siseh, a fale si hna seh, a kaltakmi hna cu a let za khat in a hmuh ṭhan lai i zungzal nunnak kha pek a si lai.

HOSEA 8:7

Israel nih thli a tuh i phuchim a zun; A dirmi rawl kung vui a ngei lomi nih rawl fang zeihmanh an chuahpi lo. An chuahpi hmanh ah an chuahpimi cu ramdangmi nih an dolh dih lai.

TITAS 3:7

cucaah a vel ruangah Pathian he cun kan i rem i kan i ruahchanmi zungzal nunnak kha kan hmuh.

JOHAN 4:14

sihmanhsehlaw keimah nih ka pekmi ti a dingmi paoh cu zeitikhmanh ah an ti a hal ṭhan ti lai lo. Ka pekmi ti cu a chungah zungzal nunnak petu cerhtiput ah a cang lai,” tiah a ti.

LUKA 18:30

tu chan ah hin a let tampi in rulh an si lai i hmai chan ah zungzal nunnak an hmuh lai,” tiah a ti.

ISAIAH 32:20

Rawl caah ti tampi a um lai i caw le rang caah ramhno tampi a um lai caah zeitluk in dik aho paoh an i lawmh cio lai.

2 PETER 2:12

Asinain hi hna cu, hei tlaih i hei thah awk men a simi saram bantukin, chuahpimi pumsa duhnak men in thil a timi an si; an hngalh lomi thil kha zeirello in an um hna. Annih cu saram bantukin thah an si lai;

1TIMOTE 1:16

sihmanhsehlaw hi ruang thengte ah hin Pathian nih ka cung i zaangfahnak a ngeih cu a si. Cu bantukin Pathian nih a ka zaangfah i misual mi hna lak i a sual bikmi keimah cungah Khrih Jesuh nih a lungsaunak le a thinfualnak a langhter cu, hmailei ah a hun zum i cu zumhnak thawngin zungzal nunnak a hmumi hna caah zohchunh awk siseh ti kha a duh caah a si.

PHUNGTHLÛKBIA 11:18

Miṭhalo nih ahmaan loin miaknak a hmuh tawn, ṭhatnak a tuhtu nih cun laksawng taktak cu a hmuh lai.

MATTHAI 25:46

Hi hna cu zungzal hremhmun ah khan kalter an si lai: a dingmi cu zungzal nunnak ah khan an kal lai,” tiah a ti.

ROM 6:23

Zeicahtiah sualnak man cu thihnak a si, sihmanhsehlaw Pathian laksawng cu zungzal nunnak a si i cu nunnak cu kan Bawipa Jesuh Khrih he aa pehtlaimi nunnak a si.

ROM 8:6

Nan lungthin cu minung sining nih a uk ahcun a phichuak cu thihnak a si; nan lungthin cu Thlarau nih a uk ahcun a phichuak cu nunnak le daihnak a si.

ROM 8:11

Jesuh kha thihnak in a thotu Pathian Thlarau cu nan chungah a um ahcun, Khrih cu thihnak in a thawhtertu Pathian nih khan a Thlarau cu nan chungah a umter caah nannih zong thih hmangmi nan pum kha nunnak an pekpiak ve hna lai.

1 KORIN 15:42

Mithi cu nunnak i thawhter an si tikah cun hitihin a si lai: Pum cu vui a si tikah a thi khomi a si; thawhter a si tikah cun a thi kho ti lomi a si lai.