GALATI 6:4 - Lai (Hakha) Common Language Bible 2006

⁴ Kan rian ṭuanmi cu kanmah cio nih a ṭhat a chiat a cuaithlaining kan thiam awk a si; cucaah tuah awk aa tlakmi thil kan tuah tikah, midang nih a ṭha a ṭhalo ti hau loin, kan lung aa lawm kho lai.

Laibaibal Thiang (BSI)

⁴ Asinain mikip nih mahle rian cio zohfiang hna sehlaw hawi he um loin, amah lawng a um zongah â lawm peng ko lai.

GALATI 6:4 Խաչաձեւ Հղումներ

2 KORIN 13:5

Nanmah le nanmah kha ṭha tein i hneksak tuah u: zumhnak nunning khan a nungmi nan si maw? I hneksak tuah u. Hneksaknak nan innak ah khan nan tluk sual dah ti lo ahcun, Khrih Jesuh cu kan chungah a um ti kha nan hngalh ko a si lo mei?

SALM 26:2

Ka hneksak law ka hlathlai cikcek tuah, Maw Bawipa, ka lung duhnak le ruahnak hi zoh tuah hna.

1 KORIN 11:28

Cucaah ahohmanh nih amah le amah kha a lungthin i dap cikcek seh law cu hnuah chang cu ei seh law hrai cun ding seh.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

LUKA 18:11

Farasi pa cu a dir i hi bantukin thla a cam: ‘Maw Pathian, kei cu midang bantukin hak a kaumi, lih a chimmi, nu le pa sualnak a tuahmi, ka si lo caah nangmah cu kan lawmh; cun khi ngunkhuai khawltupa bantuk zong khi ka si lo caah kan lawmh fawn.

PHUNGTHLÛKBIA 14:14

Miṭhalo nih a hmuh awk hnga a simi kha a hmuh lai, miṭha nih a tuahmi thawng khan laksawng a hmuh lai.

JOB 13:15

Ruahchannak zeihmanh ka ngei ti lo, cucaah Pathian nih a ka thah zong ah zeidah a poi? A hmai hrimhrim ah ka bia cu ka va chim ṭhiamṭhiam ko lai.

GALATI 6:13

Cuarpar tannak phung a zulmi hna hmanh nih Nawlbia cu an zulh ve hlei ṭung lo; an cuarpar i tan hna seh ti an in duh hna cu, pumsa phung kan chimhmi hna hi an zul tiin i thangṭhat an duh caah pei a si ko cu.

1 KORIN 3:8

A tuhtu le a toihtu kha cu zeihmanh an i dannak a um lo; an ṭuanning cio khan Pathian nih laksawng a pek ko hna lai.

1 KORIN 3:14

Inn saknak hram cungah pakhatpa nih inn a sak i cu a sakmi cu mei nih khan a hrawh khawh lo ahcun, cu pa nih cun laksawng a hmuh lai.

FILIPI 1:26

Cucaah nan sin i ka um ṭhan tikah, keimah ruang i Khrih Jesuh chung i nan i lawmhnak kha a karh chinchin lai.