GALATI 6:13 - Lai (Hakha) Common Language Bible 2006

¹³ Cuarpar tannak phung a zulmi hna hmanh nih Nawlbia cu an zulh ve hlei ṭung lo; an cuarpar i tan hna seh ti an in duh hna cu, pumsa phung kan chimhmi hna hi an zul tiin i thangṭhat an duh caah pei a si ko cu.

Laibaibal Thiang (BSI)

¹³ Zeitintiah cuarpartanmi zong nih nawlbia cu an zul hlei ṭung lo, nanpum cungah hmaihngal pi ding ngeih an duh ruangah cuarpartan an in fial hna.

GALATI 6:13 Խաչաձեւ Հղումներ

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

1 KORIN 5:6

Nan i porhlawt hi ahmaan lo. Phungthluk ah, “Thilnu tlawmte nih chang nawnmi cu a ning piin a thawhter,” timi bia cu nan hngalh.

2 PETER 2:19

Luatnak nan hmu lai, tiah bia an kamh hna, sihmanhsehlaw anmah hmanh kha, rawhralnak a phakpitu hna an ziaza sal kha an si — minung hi a teitu paoh sal a si ko.

2 KORIN 11:18

Asinain minung sining kong ah aa porhlawmi tam tuk an um caah kei zong kaa porhlaw ve ko lai.

MATTHAI 23:15

Phungbia cawnpiaktu saya hna le Farasi mi hna, nan caah ngaihchia a va si dah! Midepde hna! Lungthleng pakhat umter awkah rili kip kha nan tan i ram kip ah nan kal i lungthleng pakhat nan umter tikah cu pa cu, nanmah hell fa nan simi a let hnih ah nan canter.

MATTHAI 23:3

Cucaah an in chimhmi hna paoh cu nan ngaih le nan zulh a herh. Asinain anmah nawl bel i cawn hlah u, zeicahtiah an chimmi kha an tuah lo.

1 KORIN 3:21

Cucaah cun ahohmanh nih minung tuah khawhmi thil kha kan i porhlawt awk a si lo. A ngaingai ti ahcun zeizong vialte hi nanmah ta tu an si dih:

MATTHAI 23:23

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna! Tihang ṭamhnak puṭinan tehna, hamhhuai tehna, aithing tehna hmanh kha cheu hra ah cheu khat Pathian sinah nan pek, sihmanhsehlaw Nawlbia nih biapi taktak a si a timi dinnak le mi zaangfahnak le zumhtlakmi sinak hna cu zeihmanh ah nan rel ṭung lo; hi hna hi pei nan tuah awk a si cu, a dang zong kha daithlanh hlei loin.

LUKA 5:38

Cuticun ahohmanh nih an tuah lai lo. Mitsur hang thar cu saphaw thawl a tharmi chungah rawn awk a si.