GALATI 6:10 - Lai (Hakha) Common Language Bible 2006

¹⁰ Cucaah a caan kan ngeih fate, mi cungah ṭhatnak tuah kha i zuam u si law zumhnak lei i kan rualchan a simi hna cungah khan i zuam khun u sih.

Laibaibal Thiang (BSI)

¹⁰ Cucaah cân rem kan ngeih ning cio in, mi vialte cungah thilṭha tuah u sih, a hleiin zumhnâk i kan chung le sinah tuah u sih.

GALATI 6:10 Խաչաձեւ Հղումներ

HEBRU 13:16

Pakhat le pakhat i bawmh le pakhat le pakhat cung i ṭhatnak tuah kha philh hlah u; hihi Pathian lung a tongmi raithawinak a si.

PHUNGTHLÛKBIA 3:27

Nangmah kut chungah ṭhatnak tuah khawhnak kha a um tikah, a hmu hnga ding a simi sinin ṭhatnak kha va kham hlah.

1THESALON 5:15

Ṭhat lonak kha ahohmanh nih ṭhat lonak in lehrul hlah u, sihmanhsehlaw pakhat le pakhat cungah siseh, mi vialte cungah siseh, ṭhatnak tuah tu kha i tinh u.

TITAS 3:8

Hi bia hi biatak a si. Hi bia hi biapi in na rak lak hna awkah ka duh. Pathian a biami nih cun hmaizah awk tlak a simi rian kha ṭuan hna seh law, cu rian cu anmah caah hmaizah awk tlakmi rian a si ti lawng si loin an minung hawi ca zong i a ṭhahnemmi rian a simi kha si hna seh.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

HEBRU 6:10

Pathian cu miding lo a si lo. Rian nan rak ṭuanmi le nan Khrihfa hawi nan rak bawmh tawn hna i atu zongah nan bawmh ko rih hna thawngin nan langhtermi amah nan dawtnak kha a philh lai lo.

EFESA 2:19

Cucaah nannih Jentail mi hna, ramdang mi le khual nan si ti lo; Pathian mi hna he cun laikhat nan si cang i Pathian innchungkhar chung mi nan si cang.

JOHAN 12:35

Jesuh nih cun, “Nan sinah hin ceunak cu tlawmpal chung cu a um ko rih lai. Ceunak nan sin i a um chung cu, muihnak nih an phanh hna nakhnga lo, hmailei ah kal lengmang ko u; zeicahtiah mui lak i khual a tlawngmi cu khuazei i an kal kha an i hngal tawn lo.

LUKA 6:35

Cuticun nan tuah awk a si lo. Nan ral kha daw hna u, an cungah khan ṭhatnak tuah u, chaw kha mi va cawih hna u law ka hmuh ṭhan lai, tiah ruahchannak ngei hlah u. Laksawng tampi nan hmuh lai i Cung Nung Bik Pathian fa nan si lai, zeicahtiah amah cu miṭhalo mi hna le lawmh hmanh a duh lomi hna cung hmanh ah a ṭha.

SALM 37:3

Bawipa cu i bochan u law ṭhatnak kha tuah u; ram chungah hin um u law him tein khuasa u.

JOHAN 9:4

Chun a si chung cu a ka thlahtu rian kha kan ṭuan zungzal awk a si; ahohmanh nih an ṭuan khawh lo caan, zan caan kha a ra lio.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

FILIPI 4:10

Ka zawn nan ka ruahnak kha nan hun parter ṭhan caah Bawipa chungah hin kaa lawm hringhran. Ka zawnruah kha nan rak ngol ka ti duhnak a si lo, langhternak caan nan rak ngeih lo ca lawnglawng ah khan a rak si.

MATTHAI 12:50

Vancung i a ummi ka Pa nih tuah hna seh ti a duhmi a tuahmi paoh cu, ka nau le ka far le ka nu an si ko,” tiah a ti.

3 JOHAN 1:11

Ka dawtmi ka hawi, a ṭha lomi nawl cu i cawn hlah, a ṭhami nawl tu i cawn ko. Thil ṭha a tuahmi paoh cu Pathian mi an si, thil ṭhalo a tuahmi paoh nih cun Pathian kha an hmu lo.

KOLOSE 4:5

A zummi a si lomi hna cung i rian nan ṭuan tikah fimnak in ṭuan u law caan ṭha nan hmuhmi paoh kha ṭha tein hman i zuam u.

EFESA 5:16

Atu kan nikhua hi caan chia a si caah, caan ṭha nan hmuhmi paohpaoh kha ṭha tein hman i zuam u.

1JOHAN 5:1

Jesuh cu Messiah a si tiah a zummi paoh cu Pathian fa an si; pa a dawmi paoh nih cun a fa zong kha an dawt tawn.

SALM 37:27

Ṭhat lonak kha mertak u law ṭhatnak kha tuah u; cun hi ram chungah hin nan um zungzal lai;

HEBRU 3:6

Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le ṭih lo tein kan i tlaih peng lawngah kan si zungzal lai.

MARKA 3:4

Cun mizapi cu a thawh hna i, “Kan Phung nih sabbath ni ah zeidah tuah a kan onh? Ṭhatnak nan tuah lai, a ti maw ṭhat lonak nan tuah lai, a ti dah?” tiah a ti hna. Sihmanhsehlaw bia kaa khat hmanh an chim lo.

EFESA 3:15

amah hi vawlei cung i khua a sami innchungkhar vialte nih an min an i laknak hram a si.

MATTHAI 5:43

“Nan hawi kha va daw hna u law nan ral kha va hua hna u, tiah an ti tawn kha nan theih.

PHUNGCHIMTU 9:10

Na tuahmi cu a ṭhat khawh chungin tuah, zeicah tiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

MATTHAI 10:25

Cucaah siangngakchia caah a saya tluk si cu a za ko i sal caah a bawi tluk si kha a za ko. Innchungkhar i an lu cu Beelzebul ti a si ahcun, innchungkhar mi chinchin cu cu nak min chia deuh in pei auh an si lai cu,” tiah a si.

PHUNGCHIMTU 3:12

Cucaah minung nih a ṭha bik a tuah khawhmi cu a nun rih lioah i lawmh le a ṭha bik a timi kha a tuah khawh chungin tuah kha a si ko.

LAMKALTU 6:7

Cuticun Pathian bia cu a karh chin lengmang. Jerusalem khua chungah khan a zummi cu an tam chin lengmang i tlangbawi tampi zong nih cu zumhnak cu an pom ve.

GALATI 1:23

Midang nih, “A rak kan hremtu nih khan atu cu hrawh a rak i zuammi phung kha a ṭanh i a chim lengmang,” an ti lawng kha an theih i

EFESA 4:28

Fir a hmangmi kha fir ti hlah seh, amah ca i ding tein pawcawmnak caah le sifakmi bawmhnak caah rianṭuan seh.

1THESALON 5:21

Zeizong vialte kha hneksak dih hna u: a ṭhami kha i chiah u law

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

1 PETER 4:17

Biaceihnak thawk caan cu a phan cang i biaceih hmasa bik ding cu Pathian mi hna kha an si lai. Kanmah in thawh a si ahcun, Pathian sinin a rami Thawngṭha a zum lomi hna kha, zeitindik an donghnak a va si te ual lai?

3 JOHAN 1:3

Biatak leiah zeitluk in dah zumhawktlak in na um ti kha kan unau cheukhat nih an ra ka chimh tikah ka lung aa lawm tuk hringhran — nang cu biatak chungah na um zungzal tawn ko bantuk khan.

3 JOHAN 1:10

Ka rat tikah a tuahmi vialte kha ka phuan dih lai; kan konglam i thil ṭhalo tampi a chimmi le lih a chimmi tehna vialte kha. Cun cu lawng cu aa za rih lo, kan unau pawl kha an rat tikah a rak dawnh hna i kan tlung hna seh tiah a titu hna kha i tlunter hna hlah u, tiah a thlauh hna i Khrihfabu chung khan chuah a timh hna.

2 KORIN 2:8

Amah nan dawt taktak kha va hngalhter u tiah kan nawl hna.