GALATI 5:17 - Lai (Hakha) Common Language Bible 2006

¹⁷ Zeicahtiah kan minung sining nih a duhmi cu Thlarau nih a duhmi he khan aa ralchanh i Thlarau nih a duhmi cu kan minung sining nih a duhmi he khan aa ralchan. Annih pahnih cu ral an si, cu a sullam cu, tuah na duhmi kha na tuah kho lo, tinak a si.

Laibaibal Thiang (BSI)

¹⁷ Zeitintiah thisa duhnâk nih Thlarau a ralchanh i Thlarau zong nih thisa a ralchanh. Cuticun tuah nanduh mi nan tuah khawhlonâk cu hi hna pahnih ralchanh ruangah a si.

GALATI 5:17 Խաչաձեւ Հղումներ

ROM 8:13

Nan mihring sining in nan nun ahcun nan thi ko lai; sihmanhsehlaw sualnak nan tuahmi kha Thlarau in nan thah ahcun nan nung lai.

JOHAN 3:6

Pumsa lei in ti ahcun mi cu a nu le a pa chungin a chuakmi a si, sihmanhsehlaw thlarau hrin si awkah cun Thlarau in a chuakmi a si awk a si.

MATTHAI 26:41

Tukforhnak chungah nan luh nakhnga lo hngilh lo tein um u law thlacam tuah u. Thlarau nih cun a huam ko, sihmanhsehlaw titsa cu a der,” tiah a ti.

SALM 119:20

Na biakhiahnak kha ka lung nih chun zan in a ngai ko.

PHUNGCHIMTU 7:20

Ṭhatnak a tuah zungzal i a sual bal lomi miding pakhat hmanh vawlei cungah hin an um hrimhrim lo.

SALM 119:32

Nangmah nih hngalhthiamnak tam chinchin in na ka pek lai caah, na nawlbia cu lunglawm tein ka zulh hna lai.

JEIM 3:2

Kan dihlak hin palhnak kan tuah cio tawn. A biachim ah palhnak a tuah lomi cu mitling a si i a pum aa uk khomi a si.

MATTHAI 16:23

Jesuh cu a hun i mer i Peter cu, “Satan, ka sinah um hlah. Na ruahnak hi Pathian ruahnak si loin minung ruahnak a si caah ka caah dawntu na si,” tiah a ti.

LUKA 22:46

Annih cu, “Zeicahdah nan i hngilh? Tukforhnak ah nan tlak nakhnga lo tho u law thlacam u,” a ti hna.

MATTHAI 12:30

“Keimah a ka ṭanh lomi cu a ka ralmi an si; pumhkhawmh a ka bawm lomi cu ṭhektu an si.

GALATI 3:21

A si ahcun Nawlbia cu Pathian biakam he an i ralchanh kun maw? Ralchanh hlah. Zeicahtiah minung hi nunnak a pe khotu nawlbia pek rak si seh law, minung nih hin nawlbia thawngin Pathian he remnak kha hmuh khawh a si hnga.

LUKA 22:33

Peter nih a leh i, “Bawipa, nangmah he thongtlak le thih kha ka ngamh ko,” tiah a ti.

MATTHAI 16:17

Jesuh nih cun, “Johan fapa Simon, mi vanṭha ngaingai na si! Zeicahtiah hi biatak cu minung sinin na hngalhmi a si lo i vancung i a ummi ka Pa nih an pekmi a si.

MATTHAI 5:6

Pathian duhnak tuah kha nan duhnak ngan bik i a chiami cu lunglawmmi nan va si dah! Pathian nih nan duhnak cu a tlinter lai.

ISAIAH 6:5

Cun kei nih kaa thawh i, “E law, mah hi ka si ko cang! Ka lo ko cang. Ka ka in a chuakmi bia hi bia sual lawngte an si i ka umnak mi zong hi bia sual le bia thur a hmangmi lawngte an si. Cun atu ah ka mit hrimhrim in Siangpahrang, Ralkapbu Bawipa cu ka hmuh,” ka ti.

SALM 130:3

Kan sualnak kha cazin chungah na kan khumhpiak ahcun ahodah sual phawtnak cu a luat khomi a um lai?

SALM 119:176

Tuu tlau bantukin ka vai; cucaah ra law na sal hi ka kawl tuah, zeicahtiah na phunglam cu zeirello in ka um hna lo.

SALM 119:159

Bawipa, zeitluk in dah na cawnpiaknak ka duh cu hngal ko. A fekmi na dawtnak thawngin ka khamh ko!

SALM 119:133

Bia na ka kamh bantukin tlu loin ka khamh law ṭhat lonak nih khan ka tei sawh hlah seh.

SALM 119:40

Nangmah cu na din caah na nawlbia zulh kha ka duh hna; ka cungah ṭhatnak tuah ko.

SALM 119:35

Na nawlbia chungah khan lunglawmhnak ka hmuh caah na nawlbia lam cu ka zulhter ko.

SALM 65:3

Mi vialte nih an sualnak cu na hmaiah an phuan lai: kan sualnak cu kan caah a rit tuk hringhran, nangmah lawnglawng nih na kan thianhpiak khawh.

GENESIS 6:3

Cun Bawipa nih aa thawh i, “Minung hi zungzal in nun cu ka sianh hna lai lo, zeicahtiah titsa an si. Atu thawk in kum za le kum kul nak tam an nung ti lai lo,” a ti.