GALATI 5:12 - Lai (Hakha) Common Language Bible 2006

¹² An tuaitamtu hna nih hin a dongh tiang lawlaw in tuah hna seh law ka hei duh hnga dah — an til i dit lawlaw hna seh!

Laibaibal Thiang (BSI)

¹² An buaitertu hna cu fing tein i tan lawlaw hna sehlaw ka hei duh dah.

GALATI 5:12 Խաչաձեւ Հղումներ

GALATI 5:10

Asinain nan kongah ka lung a hmun ko rih. Bawipa chung i kan i pehtlaihnak nih hin, ruahnak dang an ngei bal lai lo, tiah a ka zumhter i an tuaitamtu hna hi, aho a va si zongah, Pathian nih dan a tat ko lai.

TITAS 3:10

Bu chung ṭhennak a chuahtertu kha, a tlawm bik ah voi hnih tal ralrinnak pe hna, cu hnuah cun chuah ko hna.

JOSHUA 7:25

Cun Joshua nih, “Zeicahdah kan cungah harnak na tlunter? Nihin ah Bawipa nih na cungah harnak a tlunter ve,” tiah a ti. Cun Israel mi vialte nih lung in an cheh; mei in an khangh hna i lung in an cheh hna.

LEVITIKAS 22:3

Annih cu, ‘Nan tefachin tiangin, nan tefa vialte hna lakah ahohmanh nih, Israel mi nih Bawipa sinah an pekmi thil thiang hna cu, thian lonak a ngeih lioah a naih ahcun, cu pa cu ka hmaika in hlonh a si lai; keimah cu Bawipa ka si.

EXODUS 30:33

Hi bantuk chiti a sermi siseh, tlangbawi a si lomi thuhnak ca i hi chiti a hmangmi siseh, cu bantuk mi cu a phunhawi sinin thlei an si lai,’ tiah na chimh hna lai,” a ti.

EXODUS 12:15

“ ‘Ni sarih chung thilnu phulh lo changreu kha nan ei lai. A hmasa bik ni ah, nan inn chung khan thilnu kha nan thianh dih hna lai, a ni hmasa bik ni in a ni sarihnak ni tiang thilnu phulhmi changreu a eimi cu Israel mi chung khan thlei an si lai.

GENESIS 17:14

Cuarpar aa tan lomi pa cu a miphun chungin hlonh a si lai, zeicahtiah keimah he biakamnak cu a zul lo,” tiah a ti.

GALATI 2:4

a cheu nan unau ka si ve aa titermi hna, kan bu chung i aa fon vemi hna bel nih i tan seh ti an duh. Hi hna hi kan bu chungah a thli in a rung lutmi an si i annih nih dothlat an duhmi cu Khrih Jesuh he kan i pehtlaihnak thawngin kan hmuhmi luatnak kong kha a si. Kannih cu sal i ser kha an kan duh.

LAMKALTU 15:24

Kannih kan bu chungin mi a cheukhat nih nan sinah an ra i an chimmi nih nan lung an tuai hna i hna an hnawh hna ti kha kan theih; sihmanhsehlaw hi hna hi, hi bantukin va tuah u, tiah kannih nih kan ti hna lo.

LAMKALTU 5:9

“Zeicahdah na va he nan pahnih in Bawipa Thlarau cu hneksak del awkah khua nan rak khan? Na va a va vuitu hna kha innka hram ah an um ko rih khih, nangmah zong an in kalpi ve lai,” tiah a ti.

LAMKALTU 5:5

Cu bia cu Ananias nih a theih tikah aa teng bak ko i cu thawng a theimi paoh cu ṭihnak in an khat dih.

JOHAN 9:34

“A nangmah sual in hrin i sual in cawmmi nih hin maw kanmah cu cawnpiak na hei kan timh,” tiah an ti i pumhnak inn khan an ṭhawl.

JOSHUA 7:12

Cucaah Israel mi nih an ral hna hmaiah an dir kho lo; annih cu hrawh awk thil ah khan an i can caah an ral hna hmaiah an zaam. Nan lak in pekchanhmi thil kha nan hrawh lo ahcun nan sinah ka um ti lai lo.

DEUTERONOMI 23:1

“A tilmu a kekmi siseh, a chiaṭha tan a simi siseh, ahohmanh Bawipa mi hna aa pummi chungah cun an lut lai lo.

GENESIS 30:34

Cun Laban nih khan, “A ṭha na chimning cun kan tuah lai,” tiah a leh.