GALATI 4:27 - Lai (Hakha) Common Language Bible 2006

²⁷ Zeicahtiah cathiang nih, “Fa a ngei bal lomi nu, i lawm tuah! Naunganfah a ing bal lomi nu, lunglawmhnak in au tuah! Zeicahtiah, kaltakmi nu nih, a va he khua a sa komi nu nakin fa tam deuh a ngeih hna lai,” a ti.

Laibaibal Thiang (BSI)

²⁷ Hitihin ṭial a si, “Maw, nang, a cingmi, Fa ngeilo nu i lawm tuah. Nang nau nganfah a tuar bal lomi, au tuah. Va ngeimi nu nâkin lileng nu nih fa tamdeuh a ngei.”

GALATI 4:27 Խաչաձեւ Հղումներ

SALM 113:9

Fa a ngei kho lomi nu kha upatnak a pek hna i fa a ngeimi lunglawmmi nu ah a ser hna. Bawipa cu thangṭhat u! a ser hna. Bawipa cu thangṭhat u!

1 SAMUEL 2:5

A khim tawnmi cu rawl kawl ah kuli an ṭuan, Sihmanhsehlaw a ṭam tawnmi cu an ṭam ti lo. A cingmi nih pasarih a hrin cang hna. Sihmanhsehlaw fa tampi a ngeimi kha cihai in a um.

1TIMOTE 5:5

Ahohmanh bawmtu a ngei lomi nuhmei, Pathian lawng aa bochan i chunzan in a sinah thla a cammi cu nuhmei taktak a si.

ISAIAH 49:21

Cun nangmah le nangmah cu, ‘Aho nih dah mah hna hi a ka hrinpiak? Ka fale cu an rak thi cang i fa dang ka ngeih ti ṭung hna lo. Kei cu sal ah pei ka tan cu, mak pei ka si cang cu — hi fale hi aho nih dah a rak zohkhenh hna? Keimahte lawng pei an rak ka nganh kha — hi fale hna hi khuazei in dah an rat hnga?’ naa ti lai,” a ti.

2 SAMUEL 13:20

Cun a ṭa Absalom nih khan a thawh i, “Na ṭa Amnon nih khan an ihpi dahra? Ka farnu, dai tein um ziar ko; amah cu na ṭa a si; mah kong cu lung fak tuk in ruat hlah,” tiah a ti. Cucaah Tamar cu a ṭa Absalom inn ah khan thlavai kiang in a um.

GALATI 4:19

Ka dawtmi ka fale hna, naunganfah nan caah ka ing ṭhan hoi; nan chung i Khrih sining a um hlan paoh cu ka ing zungzal ko lai.